آپریشن بُنیان مرصوص میں عظیم فتح ملنے پر مایوس مسلمان خوش ہوگئے، مفتی تقی عثمانی
اشاعت کی تاریخ: 12th, May 2025 GMT
کانفرنس میں خطاب کرتے ہوئے مفتی تقی عثمانی نے کہا کہ انڈیا نے آپریشن کا نام سندور رکھا اور اس کو عورتوں کا آپریشن قرار دیا، جبکہ پاکستان نے آپریشن کو بنیان مرصوص قرار دیا اور اپنا لوہا منوایا۔ اسلام ٹائمز۔ معروف پاکستانی عالم مفتی تقی عثمانی نے کہا ہے کہ آپریشن بُنیان مرصوص میں عظیم فتح ملنے سے ایک عرصے سے مایوس مسلمان خوش ہوگئے ہیں۔ باغ جناحؒ کراچی میں مرکزی مسلم لیگ کی جانب سے منعقد بنیان مرصوص کانفرنس سے خطاب کرتے ہوئے مفتی تقی عثمانی نے کہا کہ ہم افواج پاکستان کی پشت پر کھڑے تھے اور آئندہ بھی کھڑے رہیں گے، فتح عظیم پر شکر ادا کرنے کیلئے مزار قائدؒ کے پہلو میں جمع ہیں۔ انہوں نے کہا کہ مسلمان ایک عرصہ سے مایوسی کا شکار تھے اور فتح و نصرت کی خبر کیلئے کان بے تاب رہتے تھے، آج پاکستان اور امت مسلمہ کا ہر فرد خوشی کے جذبات سے لبریز ہے۔ مفتی تقی عثمانی نے کہا کہ پاکستان کی افواج نے ساری دنیا میں اپنی برتری کا سکہ منوایا، پاکستانی قوم ناقابل شکست ہے، پانچ گنا دگنی فوج پر فتح مبین ملی ہے۔
مفتی تقی عثمانی نے کہا کہ انڈیا نے آپریشن کا نام سندور رکھا اور اس کو عورتوں کا آپریشن قرار دیا، جبکہ پاکستان نے آپریشن کو بنیان مرصوص قرار دیا اور اپنا لوہا منوایا، پاکستان نے دشمن کے شہریوں پر نہیں بلکہ فوجی تنصیبات پر حملہ کیا۔ مفتی تقی عثمانی نے کہا کہ 1965ء میں بزدل دشمن کو شکست دی تھی اور آج بھی ہم سرخرو ہوئے۔ انہوں نے کہا کہ آج تجدید عہد کا دن ہے، اس ملک کو اسلام کے تابع بنائیں گے، ملک کی خدمت کیلئے جان و مال کی قربانی پیش کریں گے، جبکہ پاکستان کو کرپشن اور رشوت سے پاک کریں گے۔ جلسے سے مرکزی مسلم لیگ سندھ کے صدر فیصل ندیم، مفتی منیب الرحمان سمیت دیگر مذہبی جماعت کے رہنماؤں نے خطاب کیا۔
ذریعہ: Islam Times
کلیدی لفظ: کہ پاکستان قرار دیا
پڑھیں:
پاکستان کی فارما صنعت کو عالمی پہچان ملنے لگی، ہیلیون کا 12 ملین ڈالر کی سرمایہ کاری کا اعلان
پاکستان کی فارما انڈسٹری عالمی سطح پر شناخت حاصل کر رہی ہے، جس کی بڑی وجہ خصوصی سرمایہ کاری سہولت کونسل (SIFC) کی معاونت ہے۔
اس حوالے سے عالمی سطح پر صارفین کی صحت کی دیکھ بھال میں نمایاں کمپنی ”ہیلیون“ (Haleon) نے پاکستان میں 12 ملین ڈالر کی سرمایہ کاری کا اعلان کیا ہے۔ کمپنی کا مقصد ملک میں اپنی پیداواری صلاحیت کو بڑھانا اور پیناڈو کی تیاری کو وسیع پیمانے پر بڑھانا ہے تاکہ بڑھتی ہوئی ملکی طلب کو پورا کیا جا سکے۔
بزنس ریکارڈر کے مطابق ماہرین کا کہنا ہے کہ پاکستان کی فارماسیوٹیکل برآمدات میں بھی حالیہ برسوں کے دوران اضافہ دیکھا گیا ہے اور موجودہ مالی سال میں یہ برآمدات 457 ملین امریکی ڈالر تک پہنچ گئی ہیں، جس میں خصوصی سرمایہ کاری سہولت کونسل کی معاونت کو اہم قرار دیا گیا ہے۔
دستیاب اعداد و شمار کے مطابق تھراپیوٹک مصنوعات، جن میں فارما، سرجیکل مصنوعات، ڈائیٹری سپلیمنٹس اور میڈیکل ڈیوائسز شامل ہیں، کی مجموعی برآمدات ریکارڈ 909 ملین ڈالر تک پہنچ گئی ہیں۔ پاکستان فارما مینوفیکچررز ایسوسی ایشن (پی پی ایم اے) کے ذرائع کے مطابق فارما مصنوعات کی برآمدات میں مالی سال کے دوران 34 فیصد اضافہ ہوا ہے، جس میں حکومت کی مناسب قیمتوں کی پالیسی کو کلیدی عنصر قرار دیا گیا ہے۔
ذرائع کا کہنا ہے کہ قیمتوں کی ڈی ریگولیشن کی پالیسی بین الاقوامی معیار کے مطابق ہے، جس کے نتیجے میں سرمایہ کاری میں اضافہ اور پیداوار میں بہتری آئی ہے۔
مزید برآں، افغانستان، فلپائن، سری لنکا، ازبکستان اور عراق پاکستانی ادویات کے بڑے خریدار ہیں، جبکہ کینیا، ویتنام، میانمار اور تھائی لینڈ میں بھی پاکستانی فارما مصنوعات کی برآمدات کے لیے قابلِ ذکر مواقع موجود ہیں۔
پی پی ایم اے کے ذرائع کا یہ بھی دعویٰ ہے کہ 2030 تک پاکستانی فارما مصنوعات کی برآمدات عالمی مارکیٹ میں 1.5 بلین ڈالر تک پہنچ جائیں گی۔
Post Views: 1
بھارت پہلے ہی مختلف محاذوں پر ناکامیوں کا شکار رہا ہے‘سردار مسعود