ہالی ووڈ کے معروف ریپر کا خواتین کی ویڈیوز بناکر انہیں بلیک میل کرنے کا انکشاف
اشاعت کی تاریخ: 13th, May 2025 GMT
ہالی ووڈ کے معروف گلوکار اور ریپر شان ڈِڈی کومبس خواتین کو جنسی پارٹیوں میں شرکت پر مجبور اور ان کی ویڈیوز کے ذریعے انہیں بلیک میل کرتا تھا۔
غیر ملکی خبررساں ادارے ’رائٹرز‘ کے مطابق ہپ ہاپ کے معروف موسیقار اور کاروباری شخصیت شان ڈِڈی کومبس پر پیر کے روز انسانی اسمگلنگ (سیکس ٹریفکنگ) کے الزامات کے تحت مقدمے کی سماعت شروع ہوئی۔
دوران سماعت، استغاثہ کی وکیل ایملی جانسن نے کہا کہ میوزک کمپنی ’بیک بوائے ریکارڈز‘ کے بانی نے خواتین کو رومانوی تعلقات کے ذریعے پھنسایا، انہیں کئی دنوں تک منشیات کے زیرِ اثر جنسی پارٹیوں میں شرکت پر مجبور کیا، اور پھر ان کی ویڈیوز بنا کر انہیں بلیک میل کرتا رہا۔
انہوں نے عدالت کو مزید بتایا کہ شان ڈِڈی کومبس نے ان خواتین پر حملے کیے جب انہوں نے ان پارٹیوں (فریک آف) میں شرکت سے انکار کیا۔
استغاثہ کے وکیل کا کہنا تھا کہ متاثرہ خواتین گواہی دیں گی کہ کومبس نے باقاعدگی سے تشدد کا نشانہ بناتا تھا اور معمولی باتوں پر شدید غصے میں آ جاتا تھا۔
یاد رہے کہ یہ مقدمہ کومبس کی شہرت کی وجہ سے میڈیا کی شدید توجہ کا مرکز بنا ہوا ہے۔
ایملی جانسن نے کہا کہ متاثرہ خواتین اپنی زندگی کے تکلیف دہ لمحات کے بارے میں بتائیں گی، خاص طور پر جو دن انہوں نے منشیات کے زیرِ اثر، مخصوص ملبوسات پہن کر، صرف ملزم کی جنسی خواہشات پوری کرنے کے لیے ہوٹل کے کمروں میں گزارے۔
دوسری جانب، شان ڈِڈی کومبس کے وکیل ٹینی گراگوس نے جوابی بیان میں کہا کہ استغاثہ کی جانب سے کومبس کے رومانوی تعلقات کو غلط رنگ دے کر اسے مجرمانہ تنظیم اور سیکس ٹریفکنگ کے مقدمے میں تبدیل کرنے کی کوشش کی جارہی ہے۔
ٹینی گراگوس نے کہا کہ شان کومبس ایک پیچیدہ انسان ہو سکتے ہیں، لیکن یہ مقدمہ پیچیدہ نہیں، یہ مقدمہ ایسے بالغ افراد کے رضامندانہ فیصلوں پر مبنی ہے جو باہمی رضامندی کے تعلقات میں شامل تھے۔
شان کومبس نے اپنے خلاف ریکٹیرنگ سازش، سیکس ٹریفکنگ اور جسم فروشی کے لیے نقل و حمل سمیت پانچ سنگین الزامات میں عدمِ جرم کی درخواست دی ہے۔ اگر وہ تمام الزامات میں مجرم ثابت ہو جاتے ہیں، تو انہیں کم از کم 15 سال قید کی لازمی سزا اور زیادہ سے زیادہ عمر قید کا سامنا کرنا پڑ سکتا ہے۔
Post Views: 2.ذریعہ: Daily Mumtaz
کلیدی لفظ: شان ڈ ڈی کومبس کہا کہ
پڑھیں:
لاہور؛ مارکیٹوں میں واردات کرنے والا 5 رکنی خواتین گینگ پکڑا گیا، ویڈیو سامنے آ گئی
لاہور:گوالمنڈی چوکی میو اسپتال پولیس نے ایک کارروائی کرتے ہوئے لاہور کے مختلف علاقوں میں وارداتیں کرنے والے خواتین کے 5 رکنی گینگ کو گرفتار کرلیا۔
پولیس کے مطابق 5 رکنی خواتین گینگ دکانوں اور مارکیٹوں میں وارداتیں کرتا ہے۔ تازہ واردات میں ملزمہ میو اسپتال علاج معالجے کے لیے آئی اور خواتین کے بیگ اور موبائل چوری کرتی رہی۔ ملزمان خواتین دوران واردات اسلحہ کا بھی استعمال کرتی رہیں۔
سی سی ٹی وی فوٹیج میں خواتین کو واردات اور اس کے بعد فرار ہوتے دیکھا جا سکتا ہے۔ چوکی میو اسپتال پولیس نے خواتین پر مشتمل گینگ کو بروقت کارروائی کرکے واردات کی منصوبہ بندی ناکام بنا دی۔
ایس پی سٹی کے مطابق ملزمان خواتین ایک ساتھ دکان میں داخل ہوتی تھیں۔ ایک ملزمہ دکاندار کو خرید وفروخت میں الجھاتی اور باقی ساتھی اشیا چوری کرتی تھیں۔ مناواں کے علاقے میں بھی خواتین کے اسی گروہ نے دکان میں گھس کر اسلحہ کے زور پر واردات کی تھی۔
ریکارڈ یافتہ خواتین پر مشتمل یہ گروہ الیکٹرونکس و ہارڈویئر کی دکانوں کو نشانہ بناتا تھا۔ ملزمہ کے قبضہ سے تیز دھار خنجر موبائل اور نقد رقم برآمد کرلی گئی ہے۔ گرفتار خواتین ملزمان میں اللہ رکھی،سمیرا،عافیہ،سمیرا اور نازیہ شامل ہیں، جن کے خلاف مقدمات درج کرلیے گئے ہیں۔
سرکاری اسکیم کی حج درخواستیں اور اخراجات آج سے وصول کیے جائیں گے