کوئی دو رائے نہیں کہ فتح پاکستان کی ہوئی، بھارت کو لینے کے دینے پڑ گئے: شیری رحمٰن
اشاعت کی تاریخ: 13th, May 2025 GMT
— فائل فوٹو
پاکستان پیپلز پارٹی (پی پی پی) کی سینیٹر شیری رحمٰن کا کہنا ہے کہ کوئی دو رائے نہیں کہ جنگ میں پاکستان کی جیت ہوئی ہے، بھارت کو لینے کے دینے پڑ گئے ہیں۔
شیری رحمٰن نے اپنے بیان میں کہا کہ پوری قوم کو مبارکباد دیتی ہوں، ہم سب سیسہ پلائی دیوار کی طرح متحد ہیں۔ وزیرِاعظم شہباز شریف کو بھی مبارکباد دیتی ہوں، ہم سب جانتے ہیں کہ بھارت کے کتنے طیارے گرے لیکن بھارتی افواج سے پوچھا گیا کہ کتنے طیارے گرے تو انہوں نے جواب نہیں دیا، بھارت حقائق پر پردہ ڈال رہا ہے۔
اُنہوں نے کہا کہ بھارت نے جنگ میں بہت کچھ کھویا، اس لیے مودی سرکار بوکھلائی ہوئی ہے اور مودی اپنی نااہلی چھپانےکے لیے مسلسل بیانات دیے جا رہے ہیں۔
پیپلز پارٹی کی نائب صدر و سینیٹر شیری رحمٰن کا کہنا ہے کہ پاکستان نے بھارت کی طرح شہری علاقوں کو نشانہ نہیں بنایا بلکہ پیشہ ورانہ انداز اپنایا۔
پیپلز پارٹی کی سینیٹر نے کہا کہ بھارتی میڈیا جھوٹی خبریں پھیلانے پر شرمساری سے ہمکنار ہو رہا ہے، ہمارے میڈیا نے کوئی بچکانہ بات نہیں کی، کوئی بدتمیزی نہیں کی، یہ ہمارے میڈیا کی کریڈیبلیٹی ہے۔
اُنہوں نے کہا کہ ہم جنگ نہیں چاہتے، ہم نے کبھی ہتھیار نہیں اٹھایا اور نہ جنگ کا طبل بجایا، یہ جنگ ہم پر مسلط کی گئی اور اس میں کوئی دو رائے نہیں کہ اس جنگ میں پاکستان کی جیت ہوئی ہے۔
شیری رحمٰن نے کہا کہ مودی سرکار نے پہلگام واقعے پر ایک مفروضے کی بنیاد پر جنگ کا جواز بنایا، بھارت نے غلط روایات قائم کرنی کی کوشش کی جسے ہم نے ختم کیا۔
اُنہوں نے کہا کہ بھارت نے نہتے شہریوں پر تاریکی میں حملہ کیا، ہم سب سرخرو ہوئے لیکن انہوں نے پھر یہ حملہ جاری رکھا تو بھارت کے تمام ڈرونز کو گرا دیا گیا۔
سینیٹر شیری رحمٰن نے کہا ہے کہ بھارت میں کتنی تباہی ہوئی وہ خود کبھی نہیں بتائیں گے لیکن سب سامنے آہی جاتا ہے۔
پیپلز پارٹی کی سینیٹر نے کہا کہ بھارتی حکومت پہلگام واقعے کی غیر جانب دارانہ تحقیقات کے لیے بھی تیار نہیں کیونکہ ان کے دل میں چور ہے، کسی دہشت گرد حملے کو تحقیقات کے بغیر جنگ کا جواز نہیں بنایا جاسکتا، بھارت کا حاضر سروس افسر پاکستان میں دہشت گردی کرتے پکڑا گیا، کیا ہم جعفر ایکسپریس واقعے کو جنگ کا جواز بنا لیتے!
اُنہوں نے کہا کہ ہم بات چیت اور ڈائیلاگ پر یقین رکھتے ہیں، ہم نے انتہائی تحمل سے کام لیا، ہم حقائق پر کام کرتے ہیں لیکن اگر ہم پر جنگ مسلط کی جائے تو اس کا جواب دینا خوب جانتے ہیں جس کی واضح مثال حالیہ فتح ہے۔
شیری رحمٰن نے مزید کہا کہ ہمارے شاہینوں نے بھارت کا غرور زمین بوس کیا، پیپلز پارٹی نے کبھی جنگ کی حمایت نہیں کی لیکن بھارت نے پہلے حملہ کر کے بین الاقوامی قوانین کی خلاف ورزی کی اور جب 3 دن تک مسلسل جنگ مسلط کرتا رہا تو پاک فوج نے جوابی کارروائی کی، بھارت نے بین الاقوامی دہشت گردی کی اور میڈیا سینسر شپ کر کے اپنے عوام کو بھی دھوکا دیا۔
پاکستان پیپلز پارٹی کی سینیٹر شیری رحمان نے کہا ہے صورتحال اس وقت بھی کشیدہ ہے دونوں ممالک میں اس سطح کی کشیدگی ہوئی ہے۔
اُنہوں نے کہا کہ ہمیں اپنی سفارتکاری تیز کرنی پڑے گی، سعودی عرب اور ترکیہ کے بھی بہت شکر گزار ہیں۔
پیپلز پارٹی کی سینیٹر نے کہا کہ بلاول بھٹو نے عالمی میڈیا پر پاکستان کی نمائندگی کی اور پاکستان کا بیانیہ دنیا کے سامنے رکھا، پاک فوج نے دشمن کو منہ توڑ جواب دیا، پاک فوج کی قیادت لائق تحسین ہے، مسلح افواج سرخرو ہوئی ہیں جس کے بعد اب جب جنگ بندی ہو گئی ہے تو بات چیت آگے بھی بڑھنی چاہیے۔
اُنہوں نے کہا کہ بھارت نے غیر قانونی طور پر سندھ طاس معاہدے کی معطلی کی، پانی کو ہتھیار کے طور پر استعمال کرنا بالکل غلط ہے۔
.
ذریعہ
ذریعہ: Jang News
کلیدی لفظ: پیپلز پارٹی کی سینیٹر سینیٹر شیری رحم ا نہوں نے کہا کہ نے کہا کہ بھارت پاکستان کی کہا کہ ہم بھارت نے نہیں کی ہوئی ہے جنگ کا ہیں کہ
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار