کون سے غیر ملکی کھلاڑی اسلام آباد یونائیٹڈ کو جوائن کررہے ہیں؟ فرنچائز نے اعلان کردیا
اشاعت کی تاریخ: 14th, May 2025 GMT
انگلینڈ کرکٹ ٹیم کے جارح مزاج بلے باز ایلکس ہیلز نے اسلام آباد یونائیٹڈ کو دوبارہ جوائن کرنے کا اعلان کیا ہے۔
ایلکس ہیلز نے اپنے بیان میں کہا ہے کہ اسلام آباد یونائیٹڈ ہمیشہ میرے دل کے بہت قریب رہی ہے۔ وہ پہلی پی ایس ایل ٹیم تھی جس کے لیے میں نے پاکستان میں کھیلا، اور مجھے مداحوں اور فرنچائز کی طرف سے جو سپورٹ ملی ہے، وہ ناقابل یقین ہے۔
یہ بھی پڑھیں: پی ایس ایل: کوئٹہ گلیڈی ایٹرز کی اسلام آباد یونائیٹڈ کے خلاف 109 رنز سے کامیابی
ان کا کہنا ہے کہ جب اسلام آباد یونائیٹڈ نے مجھے اپریل میں واپس سائن کیا، تو میں واقعی ٹورنامنٹ کے آخری مراحل کے لیے اسکواڈ کے ساتھ شامل ہونے کا منتظر تھا۔ پی ایس ایل کی تاریخوں میں تبدیلی کے ساتھ، مجھے کچھ کمٹمنٹس میں ردوبدل کرنا پڑا لیکن میں پاکستان میں سرخ رنگ میں واپس آکر بالکل خوش ہوں۔
???? He’s back in Red ????
Welcome home, @AlexHales1! #HaleStorm rejoins Islamabad United for #HBLPSLX and the hunt #4TheDream continues!
Read more: https://t.
— Islamabad United (@IsbUnited) May 14, 2025
ایلکس ہیلز نے کہا ہے کہ اسلام آباد یونائیٹڈ کے شائقین اور مینجمنٹ نے ہمیشہ مجھے سپورٹ کیا، ٹیم جوائن کرنے کے لیے بیتاب ہوں۔
یہ بھی پڑھیں: پی ایس ایل سیزن 10 کے بقیہ میچز کا شیڈول جاری
ان کا یہ بھی کہنا ہے کہ امید کرتا ہوں کہ اپنی پرفارمنس سے ٹیم کو میچز جتوا سکوں اور اگلے مرحلے میں پہنچ کر ٹائٹل کا دفاع بھی کروا سکوں گا۔
یاد رہے کہ پاکستان سپر لیگ (پی ایس ایل) سیزن 10 کے بقیہ میچز کا شیڈول جاری کردیا گیا ہے۔
کراچی کنگز اور پشاور زلمی کا میچ 17 مئی کو راولپنڈی میں کھیلا جائے گا، 18 مئی کو پشاور زلمی اور لاہور قلندر کا راولپنڈی کرکٹ اسٹیڈیم درمیان مقابلہ ہوگا۔
یہ بھی پڑھیں: پی ایس ایل کے بقیہ میچز کب کھیلے جائیں گے؟ نئی تاریخوں کا اعلان ہوگیا
18 مئی کو ہی ملتان سلطانز اور کوئٹہ گلیڈی ایٹر کا مقابلہ راولپنڈی کرکٹ اسٹیڈیم میں ہوگا، 18 مئی کو راولپنڈی میں ایک میچ سہ پہر 3 بجے جبکہ دوسرا میچ ساڑھے 7 بجے ہوگا۔
19 مئی کو اسلام آباد یونائیٹڈ اور کراچی کنگز راولپنڈی کرکٹ اسٹیڈیم میں ٹکرائیں گے۔
پلے آف مرحلے کے میچز 21 سے 23 مئی تک لاہور میں کھیلے جائیں گے، پی ایس ایل 10 کا فائنل 25 مئی کو لاہور میں قذافی اسٹیڈیم میں کھیلا جائے گا۔
یہ بھی پڑھیں: ’پی ایس ایل بند کرنے آئے تھے لیکن افواج پاکستان نے آئی پی ایل بند کردیا‘
یاد رہے کہ یاد رہے کہ گزشتہ دنوں پاکستان اور انڈیا کے مابین مسلح جھڑپوں اور سیکیورٹی صورتحال مخدوش ہونے کے بعد پی ایس ایل کے میچز پہلے دبئی منتقل کرنے اور پھر غیر معینہ مدت کے لیے موخر کرنے کا اعلان کیا گیا تھا۔
پوائنٹ ٹیبل کی صورتحال کیا ہے؟پی ایس ایل 10 کے پوائنٹ ٹیبل پر کوئٹہ گلیڈی ایٹرز 13 پوائنٹ کے ساتھ سرفہرست ہے، جس نے 9 میچز کھیلے ہیں اور 6 میں کامیابی حاصل کی ہے۔
کراچی کنگز نے 8 میچ کھیلے ہیں اور 5 میں کامیابی حاصل کی ہے، کراچی کنگز 10 پوائنٹس کے ساتھ دوسرے نمبر پر ہے، جبکہ اسلام آباد یونائیٹڈ نے 9 میچز کھیلے ہیں اور 5 میں کامیابی سمیٹ کر تیسرے نمبر پر پراجماں ہے۔
لاہور قلندرز نے 9 میچز کھلیے ہیں، 4 میں کامیابی حاصل کی ہے، لاہور قلندرز کی 9 پوائنٹس کے ساتھ پوائنٹ ٹیبل پر چوتھی پوزیشن ہے، پشاور زلمی نے 8 میچز کھیلے ہیں، 4 میں کامیابی حاصل کی ہے اور 5 نمبر پر پوائنٹ ٹیبل پر موجود ہے۔
ملتان سلطانز نے 9 میچ کھیلے ہیں اور صرف ایک میں کامیابی حاصل کی ہے، ملتان سلطانز ایچ بی ایل پی ایس ایل کے پلے آف مرحلے سے باہر ہوگئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد یونائیٹڈ انگلینڈ ایلکس ہیلز پاکستان سپر لیگ پی ایس ایل کرکٹرذریعہ: WE News
کلیدی لفظ: اسلام ا باد یونائیٹڈ انگلینڈ پاکستان سپر لیگ پی ایس ایل کرکٹر میں کامیابی حاصل کی ہے اسلام ا باد یونائیٹڈ کھیلے ہیں اور پوائنٹ ٹیبل کراچی کنگز پی ایس ایل نے 9 میچ کے ساتھ مئی کو کے لیے
پڑھیں:
ترقیاتی بجٹ کی پائی پائی موثر اور شفاف انداز میں خرچ کررہے ہیں، احسن اقبال
وزیر منصوبہ بندی وترقی احسن اقبال نے کہا ہے کہ پاکستان کو دفاعی اور سفارتی محاذ پر تاریخی کامیابی ملی ہے، ترقیاتی بجٹ کی پائی پائی موثر اور شفاف انداز میں خرچ کررہے ہیں۔
وزیر منصوبہ بندی وترقی پروفیسر احسن اقبال سے چوہدری لطیف اکبر، اسپیکر آزاد جموں و کشمیر قانون ساز اسمبلی کی سربراہی میں وفد نے ملاقات کی، ملاقات میں آزاد جموں وکشمیر کے سابق وزیر اعظم راجہ فاروق حیدر اور وزیر مواصلات اور دیگر افسران نے بھی شرکت کی۔
اس موقع پر گفتگو کرتے ہوئے احسن اقبال نے کہا کہ کشمیر میں ترقیاتی منصوبوں کی جلد تکمیل کے لئے فنڈز جاری کئے جائیں گے، پاکستان کو دفاعی اور سفارتی محاذ پر تاریخی کامیابی ملی ہے، ترقیاتی بجٹ کی پائی پائی موثر اور شفاف انداز میں خرچ کررہے ہیں، آزاد کشمیر کے سیاحتی مقامات پاکستان کی معیشت کی ترقی میں نمایاں کردار ادا کر رہے ہیں۔
انہوں نے کہا کہ آزاد جموں و کشمیر قانون ساز اسمبلی کمپلیکس کی تعمیر کے لئے وزارت منصوبہ بندی کا مکمل تعاون جاری رہے گا، راتوہا ھریام پل کی تعمیر تیزی سے جاری ہے، جلد مکمل کیا جائیگا۔
وفاقی وزیر نے کہا کہ پاکستان میں ٹیکس دہندگان کے تناسب کی شرح بہت کم ہے، ترقی کے لئے ہمیں ٹیکس کلچر کو فروغ دینا ہے، کشمیر، گلگت بلتستان اور سابق فاٹا کے لئے نئے این ایف سی ایوارڈ میں حصہ رکھا جائیگا۔
بانی جیل میں انتظار کرتا رہا، چوری کھانے والے مجنوں پارلیمنٹ سے ہی نہیں نکلے