ایمان مزاری ایڈووکیٹ کے ناقابل ضمانت وارنٹ گرفتاری جاری
اشاعت کی تاریخ: 22nd, September 2025 GMT
ڈسٹرکٹ اینڈ سیشن کورٹ اسلام آباد نے ایمان مزاری ایڈووکیٹ اور ہادی علی چٹھہ ایڈووکیٹ کے وارنٹ گرفتاری جاری کردیے۔
ڈسٹرکٹ اینڈ سیشن کورٹ اسلام آباد میں ریاست اور قومی سلامتی کے اداروں کے خلاف متنازع ٹوئٹ کیس کی سماعت ہوئی، ایڈیشنل ڈسٹرکٹ اینڈ سیشن جج محمد افضل مجوکہ نے کیس کی سماعت کی۔
عدالت نے ایمان مزاری ایڈووکیٹ اور ہادی علی چٹھہ ایڈووکیٹ کے وارنٹ گرفتاری جاری کردیے، عدالت نے دونوں ملزمان کو گرفتار کرکے 24 ستمبر کو عدالت میں پیش کرنے کا حکم دیا۔
ایڈیشنل ڈسٹرکٹ اینڈ سیشن جج محمد افضل مجوکہ کیجانب سے ناقابل ضمانت وارنٹ گرفتاری جاری کئے گئے۔
عدالت نے اس سے قبل ایمان مزاری اور ہادی علی چٹھہ کو طلبی کے نوٹسز جاری کئے تھے، ہادی علی چٹھہ اور ایمان مزاری کے وکلاء کیجانب سے وارنٹ منسوخی کی درخواست دائر کی گئی۔
عدالت نے فی الفور وارنٹ منسوخی کی استدعا مسترد کردی اور کیس کی مزید سماعت 24 ستمبر تک ملتوی کردی۔
.ذریعہ: Express News
کلیدی لفظ: وارنٹ گرفتاری جاری ڈسٹرکٹ اینڈ سیشن ایمان مزاری عدالت نے
پڑھیں:
اسلام آباد پولیس نے ایمان مزاری کی گرفتاری کیلئے رات ایک بجے میرے گھر کا محاصرہ کیا : شیریں مزاری
اسلام آباد (ڈیلی پاکستان آن لائن )تحریک انصاف کی رہنما شیریں مزاری نے ایکس پر پیغام جاری کرتے ہوئے کہا کہ اسلام آباد پولیس نے گزشتہ شب میرے گھر کا محاصرہ کیا اور بیٹی ایمان اور ہادی کے بارے میں پوچھا لیکن وہ گھر پر نہیں تھے جس کے بعد پولیس والے چلے گئے۔
تفصیلات کے مطابق ایکس پر جاری پیغام میں شیریں مزاری کا کہناتھا کہ ’’رات ایک بجے سیکریٹریٹ تھانے کی بھاری اسلحے سے لیس آئی سی ٹی پولیس کی ریڈنگ پارٹی نے میرے گھر کا محاصرہ کیا اور ایمان اور ہادی کے بارے میں پوچھا۔ وہ وہاں موجود نہیں تھے اور ہم نے پولیس کو اس سے آگاہ کیا۔ پولیس نے کہا کہ ان کے خلاف ایف آئی آر درج ہے اور انہیں تھانے رپورٹ کرنا چاہیے۔ آخرکار وہ واپس چلے گئے۔
پاکستان سعودی دفاعی معاہدہ ، مسلم لیگ ق کا " یوم تشکر" منانے کا اعلان
At 1 am this morning a heavily armed raiding party of ICT police from Secretariat thana surrounded my home & asked for Imaan & Hadi. They were not there & we informed them of the same. Cops said they had an FIR against them & they shd report to the thana. Eventually they left.
— Shireen Mazari (@ShireenMazari1) September 20, 2025
اس سے قبل سینئرصحافی حسن ایوب نے دعویٰ کیا تھا کہ شیریں مزاری کی بیٹی ایمان مزاری کے پاس ایک مہینے کا وقت ہے وہ 20 اکتوبر تک گرفتار ہو چکی ہوں گی ۔
مزید :
سیاسی بیروزگاری کا رونا رونے کیلئے پی ٹی آئی کافی، پیپلز پارٹی کو کیا ضرورت پڑگئی؟ عظمی بخاری