ایکنک نے 355 ارب روپے سے زائد کے 9 ترقیاتی منصوبوں کی منظوری دیدی
اشاعت کی تاریخ: 15th, May 2025 GMT
نائب وزیراعظم اسحاق ڈار کی زیر صدارت قومی اقتصادی کونسل کے اجلاس میں ایکنک نے 355 ارب روپے سے زائد کے 9 ترقیاتی منصوبوں کی منظوری دے دی۔
اعلامیہ کے مطابق منصوبے ٹرانسپورٹ، توانائی، تعلیم، پانی، تجارت، سیاحت، قدرتی آفات کے بعد بحالی کے ہیں۔
اجلاس میں داسو ہائیڈرو پاور منصوبے کی بھی اصولی منظوری دی گئی جبکہ کوئٹہ میں منگی ڈیم، پانی کی ترسیل کے نظام سے متعلق منصوبے کی منظوری دی گئی۔
اعلامیہ میں کہا گیا کہ خیبر پختونخوا میں دیہی رابطہ سڑکوں کی بہتری، سیاحت سے متعلق منصوبے کی منظوری بھی دی گئی، سندھ میں سیلاب سے متاثرہ انفرااسٹرکچر کی بحالی، تعلیم سے متعلق منصوبے منظور کیے گئے۔
اجلاس میں 100 ڈیزل الیکٹرک لوکوموٹیوز کی مرمت سے متعلق منظوری دی گئی، اسلام آباد و برہان میں ٹرانسمیشن سسٹم مضبوط بنانے کی بھی منظوری دی گئی۔
اعلامیہ کے مطابق ایکنک کی ٹرانزٹ ٹریڈ مینجمنٹ سسٹم کی ترقی کے منصوبے کی منظوری دی گئی، ایف بی آر کے کسٹمز ڈیجیٹل انفورسمنٹ اسٹیشنز کے قیام کی منظوری بھی دی گئی۔
.ذریعہ: Jang News
کلیدی لفظ: منصوبے کی کی منظوری
پڑھیں:
اسرائیل فلسطینی ریاست کے قیام سے انکاری، نئے منصوبے کی منظوری دے دی
اسرائیل نے فلسطینی ریاست کے قیام کو روکنے کے لیے ایک نئے منصوبے کی منظوری دے دی۔
غیرملکی خبر رساں ادارے رائٹرز کے مطابق اسرائیلی وزیر خزانہ بیزلائل سموٹریچ نے اچانک مشرقی یروشلم کو مغربی کنارے سے الگ کرنے کا فیصلہ کرلیا۔
یہ بھی پڑھیں: دو ریاستی حل ہی امن کی کنجی ہے، نیویارک میں عالمی کانفرنس
وزیر خزانہ کے ترجمان کا کہنا ہے کہ اس اقدام سے فلسطینی ریاست کے قیام کا تصور ختم ہو جائےگا۔
اس منصوبے کے تحت مغربی کنارے اور یروشلم کے درمیان 3401 گھر اسرائیلی آبادکاروں کے لیے تعمیر کیے جائیں گے، جبکہ مکانات کی تفصیلات جلد جاری کی جائیں گی۔
رپورٹ میں یہ واضح نہیں کیا گیا کہ آیا اسرائیلی وزیراعظم نیتن یاہو نے اس منصوبے کی بحالی کی حمایت کی ہے یا نہیں۔
یہ منصوبہ نیا نہیں ہے، بلکہ 2012 میں عالمی رہنماؤں اور اتحادیوں کی مخالفت کی وجہ سے اسے روک دیا گیا تھا، تاہم اب دوبارہ اس پر کام شروع ہونے کا امکان ہے جس پر عالمی سطح پر ردعمل متوقع ہے۔
فلسطینی وزیر خارجہ نے اس نئے آبادکاری منصوبے کو قتل عام، بے دخلی اور دیگر جرائم میں اضافے کا باعث قرار دیا ہے۔
اس سے پہلے اگست کے شروع میں اسرائیلی سیکیورٹی کابینہ نے غزہ پر عسکری قبضے کے منصوبے کی منظوری دی تھی۔
اس موقع پر اسرائیلی وزیراعظم نیتن یاہو نے امریکی میڈیا کو انٹرویو دیتے ہوئے کہا تھا کہ وہ اپنی سلامتی کے لیے غزہ کے تمام علاقوں پر کنٹرول چاہتے ہیں۔
انہوں نے یہ بھی کہا کہ وہ غزہ پر حکمرانی نہیں چاہتے اور اس کو سول حکومت کے حوالے کر دیں گے۔
نئے منصوبے کے تحت مغربی کنارے میں آبادکاری کی نگرانی کرنے والے ادارے پیس ناؤ نے بتایا ہے کہ وزارت ہاؤسنگ نے Maale Adumim میں 3300 گھروں کی تعمیر کی منظوری دی ہے۔
یہ بھی پڑھیں: مسئلہ فلسطین کے دو ریاستی حل کے لیے فیصلہ کن اقدامات کرنے ہوں گے، سیکریٹری جنرل اقوام متحدہ
ادارے کا کہنا ہے کہ ’ای 1‘ نامی یہ منصوبہ 2 ریاستی حل کے تمام امکانات کو ختم کر دے گا، اور حکومت تیزی سے ایسی سمت بڑھ رہی ہے جو تباہی کا باعث بنے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل دو ریاستی حل غزہ قتل عام فلسطینی ریاست منظوری دے دی نیا منصوبہ وی نیوز
ایپل کا امریکا میں مزید 100 ارب ڈالر کی سرمایہ کاری کا اعلان