’’نوائے وقت‘‘ نے جنگ میں قوم کا حوصلہ بلند رکھا، گورنر کی رمیزہ نظامی سے گفتگو
اشاعت کی تاریخ: 16th, May 2025 GMT
لاہور (نیوز رپورٹر) گورنر پنجاب سردار سلیم حیدر خان نے نوائے وقت کے دورے پر ایم ڈی نوائے وقت گروپ رمیزہ مجید نظامی سے خصوصی گفتگو کرتے ہوئے کہا کہ نوائے وقت نے اپنی ماضی کی روایات کو برقرار رکھتے ہوئے اس جنگ میں قوم کا حوصلہ بلند رکھا اور مثبت خبروں اور تجزیوں سے قوم کا حوصلہ بلند رکھنے پر ادارہ نوائے وقت تعریف کے قابل ہے۔ معمار نوائے وقت مجید نظامی کے اس ادارے کو رمیزہ مجید نظامی ان ہی افکار اور نظریات پر چلارہی ہیں جن کی بنیاد مجید نظامی رکھ کر گئے تھے۔ ایم ڈی نوائے وقت گروپ رمیزہ مجید نظامی نے گورنر پنجاب کو پاک بھارت جنگ میں پیپلز پارٹی کی قیادت کو سراہتے ہوئے خصوصا چیئرمین بلاول بھٹو زرادری کے کردار کی تعریف کی کہ جس طرح انہوں نے کئی عالمی سطح کے محاذوں پر ملک کا دفاع کیا وہ قابل ستائش ہے اور اس مشکل حالات میں پیپلز پارٹی ملک کے ساتھ کندھے سے کندھا ملا کر کھڑی رہی، اس کیلئے قیادت کی جتنی تعریف کی جائے اتنی کم ہے۔ قوم کو اس جذبہ حب الوطنی کی ضرورت تھی جو پی پی کی قیادت نے دکھایا۔
.ذریعہ: Nawaiwaqt
کلیدی لفظ: نوائے وقت
پڑھیں:
پی پی کی وفاق و پنجاب حکومت میں شمولیت پر پارٹی قیادت کی سطح پر ن لیگ سے بات چیت
پاکستان پیپلز پارٹی کی وفاق اور پنجاب حکومت میں شمولیت پر پارٹی قیادت کی سطح پر ن لیگ سے بات چیت ہوئی ہے۔
ذرائع کا کہنا ہے کہ پیپلز پارٹی کی ن لیگ سے وفاق اور پنجاب حکومت میں شمولیت پر 20 روز پہلے بات ہوئی ہے۔
عدالتی فیصلے سے اتحادی حکومت کو دو تہائی اکثریت مل جائے گی: رانا ثناءپاکستان مسلم لیگ ن کے سینئر رہنما رانا ثناء اللّٰہ نے مخصوص نشستوں کے کیس کے فیصلے سے متعلق تبصرہ کیا ہے۔
ن لیگ چاہتی ہے کہ پیپلز پارٹی حکومت میں شامل ہوجائے، پیپلز پارٹی نے حکومت میں شمولیت پر کسی حد تک لچک دکھائی ہے۔
ذرائع کا کہنا ہے کہ پیپلز پارٹی کی جانب سے حکومت میں شمولیت کے لیے مزید بات چیت ہونے کا امکان ہے۔
خیال رہے کہ اس سے قبل پیپلز پارٹی کا حکومت میں شامل ہونے سے قبل مؤقف تھا کہ وہ آئینی عہدے لیں گے، مگر حکومتی عہدے نہیں لیں گے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی