شان مسعود کی پاکستان ٹیسٹ ٹیم کی کپتانی کے حوالے سے اہم خبر آگئی
اشاعت کی تاریخ: 15th, May 2025 GMT
پاکستانی ٹیسٹ ٹیم کی مسلسل ناقص کارکردگی پر قومی ٹیم کے کپتان شان مسعود کو قیادت سے ہٹائے جانے کا امکان ہے۔
قومی ٹیسٹ کرکٹ ٹیم کی مسلسل خراب کارکردگی کے بعد کپتان شان مسعود کی قیادت پر سوالات اٹھنے لگے ہیں۔ ذرائع کے مطابق پاکستان کرکٹ بورڈ (پی سی بی) ان کی جگہ نئے کپتان کے انتخاب پر سنجیدگی سے غور کر رہا ہے۔
ذرائع کا کہنا ہے کہ موجودہ نائب کپتان سعود شکیل کو ٹیم کی قیادت سونپنے کی تیاری مکمل کی جا چکی ہے اور اس سلسلے میں باضابطہ اعلان جلد متوقع ہے جبکہ قیادت میں تبدیلی کا فیصلہ حتمی مراحل میں داخل ہو چکا ہے۔
یہ پیشرفت ایک ایسے وقت میں سامنے آئی ہے جب حال ہی میں یہ خبریں منظر عام پر آئیں کہ سابق کپتان مصباح الحق کو ٹیسٹ ٹیم کا نیا ہیڈ کوچ بنانے کی تجویز زیر غور ہے تاہم پی سی بی کی جانب سے اس کی تاحال تصدیق نہیں کی گئی۔
شان مسعود کو نومبر 2023 میں ٹیسٹ ٹیم کی باگ ڈور سونپی گئی تھی مگر ان کے دورِ قیادت میں پاکستان کو مطلوبہ کامیابیاں حاصل نہیں ہو سکیں۔ ان کی قیادت میں کھیلے گئے 12 ٹیسٹ میچز میں پاکستان نے صرف 3 میں فتح حاصل کی جبکہ 9 میچز میں شکست کا سامنا کرنا پڑا۔ خاص طور پر ہوم گراؤنڈ پر بنگلادیش کے خلاف تاریخی شکست نے صورتحال کو مزید پیچیدہ بنا دیا۔
ورلڈ ٹیسٹ چیمپئن شپ 2023-25 میں بھی قومی ٹیم کی کارکردگی مایوس کن رہی، جہاں پاکستان نویں پوزیشن پر موجود ہے۔ سلیکشن کمیٹی اور ٹیم انتظامیہ شان مسعود کی حکمت عملی اور میدان میں فیصلوں سے غیر مطمئن نظر آتی ہے، جس کے باعث قیادت کی تبدیلی اب ناگزیر دکھائی دے رہی ہے۔
ذرائع کا کہنا ہے کہ پی سی بی اس معاملے پر جلد باضابطہ اعلان کرے گا، جس کے بعد ٹیسٹ کرکٹ میں قیادت کا نیا باب شروع ہونے کا امکان ہے۔
.ذریعہ: Daily Ausaf
پڑھیں:
پاکستان سعودی عرب دفاعی معاہدہ کے بعد کئی ملکوں نے شمولیت کااظہار کیا،وہ وقت جلد آئے گا جب پاکستان 57اسلامی ممالک کی قیادت کرے،اسحاق ڈار
اسلام آباد(ڈیلی پاکستان آن لائن)نائب وزیراعظم و وزیر خارجہ اسحاق ڈار نے کہاہے کہ سعودی عرب کےساتھ جو دفاعی معاہدہ ہوا ہے ،وہ بہت اہم ہے،یہ ایک منفرد معاہدہ ہے،اقوام متحدہ کی جنرل اسمبلی میں کئی وزرائے خارجہ نے اس معاملے پر مجھ سے ملاقات کی ہے،کئی ملکوں نے پاکستان اور سعودی عرب کے معاہدے میں شامل ہونے کاکہا ہے،وہ وقت جلد آئے گا جب پاکستان 57اسلامی ممالک کی قیادت کرے گا۔
قومی اسمبلی اجلاس میں اظہار خیال کرتے ہوئے اسحاق ڈار نے کہاکہ دہائیوں سے ہمارا سعودیہ سے جوتعلق ہے وہ ڈھکا چھپا نہیں ۔جب بیت اللہ میں دہشتگردی گھسے تھے تب میں حرم میں موجود تھا، اس وقت بھی پاکستان نے بڑا اہم کردار ادا کیا تھا، ہر پاکستانی اپنی جان سے زیادہ حرم کی حفاظت کا جذبہ رکھتا ہے،
اسرائیل نے 45جہازوں میں سے 22جہازوں کے لوگوں کو گرفتار کر لیا ہے، مشتاق احمد بھی گرفتار افراد میں شامل ہیں،اسحاق ڈار
ان کاکہناتھا کہ کئی ممالک اس معاہدے کے بعد پاکستان کے ساتھ ایسا معاہدہ کرنا چاہتے ہیں،کئی عرب ممالک اور دیگر مسلم ممالک معاہدہ کرنا چاہتے ہیں،ان شااللہ پاکستان 57اسلامی ممالک کی قیادت کرے گا، ان کاکہناتھا کہ پاکستان سعودی عرب دفاعی معاہدہ میں ہے کہ ایک ملک پر حملہ دوسرے ملک پر حملہ تصور ہوگا۔
مزید :
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ