بھارتی کپتان شبمن گل جنوبی افریقا کیخلاف میچ کے دوران شدید انجری کا شکار، آئی سی یو میں داخل
اشاعت کی تاریخ: 16th, November 2025 GMT
data-id="863a0a8" data-element_type="widget" data-widget_type="theme-post-content.default">
بھارتی ٹیسٹ ٹیم کے کپتان شبمن گل میچ کے دوران شدید انجری کا شکار ہونے کے بعد اسپتال میں داخل کر دیے گئے ہیں، جس سے جنوبی افریقہ کے خلاف جاری پہلے ٹیسٹ میں بھارت کو بڑا دھچکا پہنچا ہے۔ امکان ظاہر کیا جا رہا ہے کہ وہ باقی میچ میں حصہ نہیں لے سکیں گے۔
بھارتی میڈیا کے مطابق کولکتہ کے ایڈن گارڈنز میں کھیلے جانے والے ٹیسٹ کے دوسرے روز شبمن گل صرف 4 رنز بنانے کے بعد اچانک میدان چھوڑ گئے اور فوری طور پر اُنہیں اسپتال منتقل کیا گیا۔ رپورٹ میں بتایا گیا کہ جنوبی افریقی اسپنر سائمن ہارمر کی گیند پر سویپ شاٹ کھیلنے کی کوشش کے دوران اُن کی گردن میں شدید کھچاؤ محسوس ہوا، جس کے بعد ڈریسنگ روم میں ابتدائی طبی امداد کے طور پر انہیں گردن کا کالر لگایا گیا۔
شبمن گل کو بیٹنگ کے بعد گردن میں سخت درد اور حرکت میں دشواری کا سامنا کرنا پڑا، جس پر ٹیم مینجمنٹ نے انہیں مزید معائنے کے لیے اسپتال بھیجنے کا فیصلہ کیا۔ ہفتے کی شام انہیں سروائیکل کالر کے ساتھ اسپتال جاتے دیکھا گیا۔
میڈیا رپورٹس کے مطابق بھارتی کپتان اس وقت آئی سی یو میں زیرِ علاج ہیں، جہاں ڈاکٹرز ان کی مسلسل نگرانی کر رہے ہیں۔ انجری کی اصل نوعیت جاننے کے لیے مزید ٹیسٹ کیے جائیں گے، جس کے بعد ان کے علاج کے طریقہ کار اور آئندہ میچز میں شرکت سے متعلق فیصلہ کیا جائے گا۔
ذریعہ: Jasarat News
پڑھیں:
جنوبی افریقہ بھارت سے خوفزدہ ہوگیا؟ کپتان کے خلاف بمراہ کے شرمناک بیان پر خاموشی اختیار کرلی
بھارتی فاسٹ بالر جسپریت بمراہ کے اسٹمپ مائیک پر ریکارڈ ہونے والے لفظ ’بونا بھی ہے‘ نے سوشل میڈیا پر بحث چھیڑ دی، لیکن جنوبی افریقہ کی ٹیم نے اس معاملے کو اہمیت دینے سے انکار کر دیا ہے۔
پہلے ٹیسٹ کی پہلی اننگز کے دوران جب 13واں اوور جاری تھا اور جنوبی افریقہ کا اسکور 62 رنز پر 2 کھلاڑی آؤٹ تھا، تب بمراہ نے ٹیمبا باووما کو ران پر گیند ماری، جس پر بھارت نے ایل بی ڈبلیو کی اپیل کی۔
یہ بھی پڑھیں:’بونا بھی تو ہے‘ جنوبی افریقی کپتان کے خلاف نامناسب جملے پر بمراہ مشکل میں؟ پابندی کے مطالبات بڑھ گئے
رشبھ پنٹ اور بمراہ ریویو لینے پر بات کر رہے تھے کہ اسی دوران اسٹمپ مائیک نے بمراہ کی آواز ریکارڈ کی ’بونا بھی ہے‘، جسے کئی تماشائیوں نے باووما کے قد پر طنز کے طور پر لیا۔
جنوبی افریقہ کے بیٹنگ کوچ ایشویل پرنس نے البتہ کسی بھی تنازع کو مسترد کرتے ہوئے کہا کہ ٹیم اس معاملے کو آگے نہیں بڑھائے گی۔
انہوں نے دن کے کھیل کے بعد میڈیا سے گفتگو میں کہا کہ ’نہیں، اس پر کوئی بات نہیں ہوگی۔ یہ پہلی بار ہے کہ میں نے یہ سنا ہے۔ ہمیں اس میں کسی مسئلے کی توقع نہیں‘۔
باووما، جو پنڈلی کی انجری سے صحت یاب ہوکر ٹیم میں واپس آئے تھے، میچ میں زیادہ دیر نہ ٹھہر سکے اور صرف 3 رنز بنا کر کلدیپ یادیو کے ہاتھوں آؤٹ ہوئے۔
بعد ازاں یہ بھی واضح ہوا کہ جس ایل بی ڈبلیو اپیل پر بحث ہوئی تھی، وہ ریویو کے قابل ہی نہیں تھی، کیونکہ گیند وکٹوں کے اوپر سے جا رہی تھی۔
یہ بھی پڑھیں:ایشیا کپ رائزنگ اسٹارز ٹورنامنٹ: بھارتی کھلاڑی نے 32 گیندوں پر سینچری بنا ڈالی
دوسری جانب بمراہ نے پورے دن کی کارروائی میں شاندار کارکردگی دکھائی اور 27 رنز کے عوض 5 وکٹیں لے کر جنوبی افریقہ کو 159 رنز پر آؤٹ کرنے میں اہم کردار ادا کیا۔
جواب میں بھارت نے ایک وکٹ کے نقصان پر 37 رنز بنالیے، جب کہ کے ایل راہول 13 اور واشنگٹن سندر 6 رنز کے ساتھ وکٹ پر موجود تھے۔
دلچسپ بات یہ ہے کہ بمراہ پریس کانفرنس میں آئے بھی، مگر اس مائیک پر ریکارڈ ہونے والے جملے کے بارے میں انہوں نے کوئی بات نہیں کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بمراہ بھارت جسپریت بمراہ جنوبی افریقہ کولکتہ
کراچی؛ نشے میں دھت ڈرائیور نے فٹ پاتھ پر سوئے افراد پر گاڑی چڑھا دی، 2 جاں بحق، 4 شدید زخمی