اسلام آباد خودکش دھماکے پر وکلا برادری کا سوگ، ملک بھر میں عدالتی کارروائیاں معطل
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد کے ضلع کچہری میں ہونے والے خودکش دھماکے کے بعد ملک بھر کی وکلا برادری نے سوگ اور احتجاج کے طور پر عدالتوں کا بائیکاٹ کر دیا ہے۔
نجی ٹی وی کی رپورٹ کے مطابق آج بدھ کے روز اسلام آباد سمیت تمام بڑے شہروں میں بار ایسوسی ایشنز کی جانب سے ہڑتال جاری ہے اور بیشتر عدالتوں میں معمول کی کارروائیاں مکمل طور پر معطل ہیں۔
اسلام آباد کے ڈسٹرکٹ جوڈیشل کمپلیکس میں آج وکلا، سائلین اور عدالتی عملے کی حاضری نہ ہونے جیسی ہے۔ ۔ ڈسٹرکٹ بار ایسوسی ایشن نے اپنے اعلامیے میں تمام وکلا کو گھروں پر رہنے کی ہدایت دیتے ہوئے کہا ہے کہ دہشت گردی کے خلاف یہ علامتی احتجاج وکلا کے اتحاد اور عدلیہ کے احترام کی علامت ہے۔
دوسری جانب گزشتہ روز ہونے والے خودکش حملے کے بعد اسلام آباد بار نے تین روزہ سوگ اور ایک روزہ مکمل ہڑتال کا اعلان کیا تھا، جب کہ اسلام آباد بار کونسل نے بھی اس واقعے کی شدید مذمت کرتے ہوئے عدالتی کارروائی معطل رکھنے کا فیصلہ کیا ہے۔
راولپنڈی ڈسٹرکٹ بار ایسوسی ایشن نے بھی آج عدالتوں کے بائیکاٹ کی اپیل کر رکھی ہے۔ وکلا نمائندوں کے مطابق صرف ایمرجنسی کیسز میں پیشی کی اجازت ہے، دیگر تمام مقدمات بغیر سماعت ملتوی کر دیے گئے ہیں۔
اسی طرح پنجاب بھر میں بھی وکلا نے احتجاجی ہڑتال جاری رکھی ہے۔ لاہور، فیصل آباد، گوجرانوالہ، ملتان اور دیگر شہروں کی ماتحت عدالتوں میں بھی سماعتیں نہ ہو سکیں۔ پنجاب بار کونسل نے اپنے بیان میں کہا ہے کہ یہ ہڑتال وکلا برادری کے اتحاد، عدلیہ کے وقار اور دہشت گردی کے خلاف عزمِ نو کی علامت ہے۔
پشاور ہائی کورٹ بار ایسوسی ایشن نے بھی دھماکے کی شدید مذمت کرتے ہوئے آج عدالتی کارروائی کے بائیکاٹ کا اعلان کیا ہے۔ وکلا نے مطالبہ کیا ہے کہ سانحے میں ملوث عناصر کو جلد از جلد بے نقاب کر کے انصاف کے کٹہرے میں لایا جائے۔
دوسری جانب اسلام آباد کے ریڈ زون میں سیکورٹی مزید سخت کر دی گئی ہے۔ پولیس اور رینجرز کی اضافی نفری تعینات کر دی گئی ہے، جب کہ ہائی کورٹ اور ضلع کچہری کے اطراف میں ہائی الرٹ نافذ ہے۔ شہریوں کو غیر ضروری نقل و حرکت سے گریز کی ہدایت کی گئی ہے۔
.
ذریعہ
ذریعہ: Jasarat News
کلیدی لفظ: اسلام آباد بار ایسوسی
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ