پاکستانی فضائی حدود کی بندش، بھارتی ایئرلائنز کا نقصان، ترکیہ کا فائدہ
اشاعت کی تاریخ: 16th, May 2025 GMT
اسلام آباد: پاکستان کی جانب سے بھارتی ایئرلائنز کے لیے فضائی حدود بند کرنے کے فیصلے نے بھارت کی بڑی ایئرلائن انڈیگو کو معاشی جھٹکا دیا ہے، جس کے بعد بھارتی ایئرلائن نے اپنی پروازوں کو جاری رکھنے کے لیے ترکش ایئرلائنز سے کوڈ شیئر معاہدہ کر لیا ہے۔
اس معاہدے کے تحت انڈیگو کے مسافروں کو اب ترکیہ کی قومی ایئرلائن کے ذریعے استنبول پہنچایا جائے گا، جہاں سے وہ یورپ، امریکہ اور دیگر لمبی پروازوں کے لیے آگے روانہ ہوں گے۔
پاکستان کی فضائی حدود کی بندش کی وجہ سے بھارتی ایئرلائنز کو یومیہ کروڑوں روپے کا نقصان ہورہا ہے، جب کہ اس صورتحال سے ترکیہ جیسے پاکستان کے دیرینہ دوست ملک کو اقتصادی فائدہ حاصل ہو رہا ہے۔
انڈیگو ایئر لائن ہفتہ وار 55 سے زائد پروازیں دہلی، احمد آباد، امرتسر اور ممبئی سمیت مختلف شہروں سے استنبول کے لیے چلاتی ہے۔
واضح رہے کہ بھارت نے حالیہ دنوں ترکیہ پر ڈرون حملوں میں ملوث ہونے کا الزام بھی لگایا تھا اور ترکیہ کو بزنس ترک کرنے جیسی دھمکیاں دی تھیں، لیکن موجودہ حالات میں بھارتی ایئرلائنز ترکیہ کے سامنے مجبور ہو کر جھک گئی ہیں۔
انڈیگو نے یہ معاہدہ پاکستانی فضائی حدود کی بندش سے ہونے والے نقصان کو کم کرنے کی حکمت عملی کے تحت کیا ہے تاکہ مسافروں کو وقت اور فاصلے کی بچت کے ساتھ یورپی و امریکی روٹس پر سہولت فراہم کی جا سکے۔
.
ذریعہ: Express News
کلیدی لفظ: بھارتی ایئرلائنز کے لیے
پڑھیں:
ٹورنٹو سے لاہور آنیوالا قومی ایئرلائن کا طیارہ لینڈنگ کے بعد گراؤنڈ، وجہ کیا بنی؟
— فائل فوٹوگزشتہ روز ٹورنٹو سے لاہور آنے والا قومی ایئرلائن کا طیارہ لینڈنگ کے بعد گراؤنڈ ہوگیا۔
ایئرلائن ذرائع کے مطابق لاہور ایئرپورٹ پر لینڈنگ کے دوران رن وے پر پڑی کوئی چیز طیارے کے انجن نمبر ون سے ٹکرائی جس کے بعد طیارے کے انجن کے تھرسٹ ریورسر کاؤلنگ کو شدید نقصان پہنچا ہے۔
ایئرلائن ذرائع نے بتایا کہ گراؤنڈ طیارےکی مرمت کے لیے پرزے اور آلات لے کر انجینئرز کی ٹیم کراچی سے لاہور پہنچ گئی ہے۔
ایئرلائن ذرائع کے مطابق طیارہ گراؤنڈ ہونے سے آج لاہور سے ٹورنٹو کی پرواز پی کے 789 کئی گھنٹے تاخیرکا شکار ہے۔
ایئرلائن ذرائع نے یہ بھی بتایا کہ پرواز پی کے 789 کی متوقع روانگی کا وقت اب جمعہ کوعلی الصبح 3 بجے ہے۔
نیش کپ اسکواش ٹورنامنٹ، پاکستان نے فائنل جیت لیا