فلائی دبئی نے پشاور سے پروازوں کا آغاز کردیا
اشاعت کی تاریخ: 16th, May 2025 GMT
فلائی دبئی نے باچا خان انٹرنیشنل ایئرپورٹ سے باقاعدہ فضائی آپریشن کا آغاز کر دیا ہے۔
پاکستان ایئرپورٹس اتھارٹی کے مطابق، فلائی دبئی کی پہلی پرواز گزشتہ رات 164 مسافروں کو لے کر پشاور پہنچی، جس کا پرتپاک استقبال کیا گیا۔ ایئرپورٹ پر طیارے کو واٹر کینن سلامی دی گئی اور آمد کے موقع پر کیک کاٹنے کی تقریب بھی منعقد ہوئی۔
مزید پڑھیں: پی آئی اے ایک دفعہ پھر سبز ہلالی پرچم کا پاسبان بن گیا، خواجہ آصف
فلائی دبئی ہفتے میں 7 پروازیں آپریٹ کرے گی، جس سے پشاور کے خلیجی اور یورپی ممالک سے فضائی روابط میں اضافہ ہوگا۔ واپسی پر پرواز ایف زی 375، 184 مسافروں کے ساتھ صبح 2 بجکر 20 منٹ پر دبئی روانہ ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باچا خان انٹرنیشنل ایئرپورٹ پشاور فلائی دبئی.ذریعہ: WE News
کلیدی لفظ: باچا خان انٹرنیشنل ایئرپورٹ پشاور فلائی دبئی فلائی دبئی
پڑھیں:
پی آئی اے کا پاکستان کی فتح کو منانے کا انوکھا انداز
کراچی:پی آئی اے نے آپریشن بنیان مرصوص میں پاکستان کی فتح کو منانے کیلئے انوکھا انداز اپنالیا۔
ترجمان پی آئی اے کے مطابق قومی ائیرلائن کی جانب سے دوران پرواز مسافروں کی خصوصی تواضع کا اہتمام کیا جارہا ہے، تمام ملکی اور غیر ملکی پروازوں میں جشن فتح کے کیک کاٹنے کا آغاز کردیا گیا ہے۔
پی آئی اے کی اندرون ملک پروازوں کے علاوہ بین الاقوامی روٹس ٹورنٹو، فرانس، عرب ممالک اور دیگر روٹس پر جانے والی پروازوں میں بھی کیک کاٹے جارہے ہیں۔
یاد رہے کہ پاکستان کی مسلح افواج نے 6 اور 7 مئی کی شب بھارتی فوج کی بزدلانہ جارحیت کے ردعمل میں 10 مئی 2025 کو آپریشن ’بنیان مرصوص‘ کا آغاز کیا تھا جس میں دشمن کو بدترین شکست سے دوچار ہونا پڑا۔
پاکستان نے بھارت کے 26 اہم ملٹری ٹارگٹس کو کامیابی سے نشانہ بنایا جبکہ اس سے قبل 6 مئی کو پاکستان میں گھسنے کی کوشش کے دوران 5 بھارتی طیاروں کو بھی تباہ کیا گیا جن میں فرانس سے خریدے گئے جدید رافیل طیارے بھی شامل تھے۔
’پاکستان کے پاس میزائل کا ذخیرہ بہت زیادہ ہے‘، خوفزدہ بھارتی میڈیا نے رونا پیٹنا شروع کردیا