سی ڈی اے کے مختلف ڈائریکٹوریٹس کی نجکاری کی تیاریاں تشویش ناک ہیں ، چوہدری یاسین
اشاعت کی تاریخ: 23rd, November 2025 GMT
سی ڈی اے کے مختلف ڈائریکٹوریٹس کی نجکاری کی تیاریاں تشویش ناک ہیں ، چوہدری یاسین WhatsAppFacebookTwitter 0 23 November, 2025 سب نیوز
اسلام آباد(سب نیوز)سی ڈی اے مزدور یونین کی سپریم کونسل کا اہم اجلاس اقبال ہال میں منعقد ہوا جس میں مزدوریونین کے مرکزی عہدیداران، سی بی اے کمیٹیز کے نمائندگان اور مختلف ڈائریکٹوریٹس سے تعلق رکھنے والے ملازمین نے کثیر تعدادمیں شرکت کی۔ اجلاس میں ادارے کی موجودہ صورتِ حال، انتظامیہ کے سی بی اے کے ساتھ نامناسب رویے، سینی ٹیشن،انوائرمنٹ اور سی ڈی اے ہسپتال کی نجکاری اور مختلف شعبہ جات کو آوٹ سورس کرنے کے منصوبوں پر تفصیلی غور وغوض کیا گیا۔
اجلاس کے دوران سپریم کونسل کے مرکزی عہدیداران نے کھل کر اپنی آرا پیش کیں اور متفقہ طور پر تمام اختیارات قائدِ مزدور چوہدری محمد یاسین کو سونپ دیے۔ باہمی مشاورت کے بعد مستقبل کے لائحہ عمل اور مضبوط حکمت عملی پر بھی اتفاق کیا گیا۔ شرکا نے اس عزم کا اظہار کیا کہ مزدوروں کے حقوق اور روزگار کے تحفظ کے لیے وہ اپنے قائد چوہدری محمد یاسین کی قیادت میں ہر فورم پر متحد و مضبوط رہیں گے اور پرامن، جمہوری، سیاسی اور قانونی جدوجہد جاری رکھیں گے۔اجلاس سے خطاب کرتے ہوئے سی ڈی اے مزدور یونین کے جنرل سیکریٹری چوہدری محمد یاسین نے کہا کہ عدالتِ عالیہ کے واضح احکامات کے باوجود انتظامیہ ملازمین کو پلاٹ دینے سے مسلسل گریزاں ہے جبکہ دوسری جانب مختلف ڈائریکٹوریٹس کو آوٹ سورس کرنے کی تیاریاں تیزی سے جاری ہیں جو انتہائی تشویش ناک اور قابلِ افسوس امر ہے۔ انہوں نے کہا کہ ایسے اقدامات پورے ادارے میں بے چینی اور عدم اطمینان کو جنم دے رہے ہیں جبکہ اس تمام عمل میں سی بی اے یونین کو اعتماد میں نہ لینا انتہائی غلط اور یکطرفہ فیصلہ ہے۔چوہدری محمد یاسین نے کہا کہ حکومت کا کام روزگارچھیننے کی بجائے فراہم کرنا ہے۔ انہوں نے واضح کیا کہ آوٹ سورسنگ اور نجکاری جیسے تجربات کی بجائے ادارے میں نئی بھرتیاں کی جائیں اور موجودہ افرادی قوت میں اضافہ کیا جائے تاکہ ملازمین اپنی ذمہ داریاں بہتر انداز میں انجام دے سکیں اور شہرِ اقتدار کی خوبصورتی اور ترقی میں موثر کردار ادا کر سکیں۔
انہوں نے چیئرمین سی ڈی اے، بورڈ ممبران اور اعلی انتظامیہ سے مطالبہ کیا کہ وہ فوری طور پر سی بی اے یونین کے ساتھ باضابطہ میٹنگ کریں اور تمام فیصلے مشاورت کے ذریعے کیے جائیں، کیونکہ ادارے میں صنعتی امن برقرار رکھنا انتظامیہ کی مشترکہ ذمہ داری ہے۔ انہوں نے خبردار کیا کہ اگر سی بی اے کے تحفظات دور نہ کیے گئے تو مزدوریونین ملازمین کی مشاورت سے احتجاجی کال دے گی اور اس کے نتیجے میں پیدا ہونے والی کسی بھی صورتحال کی مکمل ذمہ داری سی ڈی اے انتظامیہ پر ہوگی۔چوہدری محمد یاسین نے آخر میں کہا کہ ہم ماضی کی طرح آج بھی ہر فورم پر اپنی جمہوری، سیاسی اور قانونی جدوجہد پوری قوت کے ساتھ جاری رکھے ہوئے ہیں اور آئندہ بھی مزدوروں کے حقوق کی حفاظت کیلئے کسی قربانی سے دریغ نہیں کریں گے۔ انہوں نے دو ٹوک الفاظ میں کہا کہ مزدور دشمن پالیسیوں کو کسی صورت برداشت نہیں کیا جائے گا اور نہ ہی ہم کسی کو مزدوروں کے حقوق پامال کرنے دیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرافغانستان دہشتگردی کے خاتمے میں عملی کردار ادا کرے، پاکستان اور یورپی یونین کا مطالبہ افغانستان دہشتگردی کے خاتمے میں عملی کردار ادا کرے، پاکستان اور یورپی یونین کا مطالبہ ضمنی انتخابات میں پولنگ کے دوران کشیدگی، پی ٹی آئی کے دھاندلی کے الزامات چیف جسٹس پاکستان یحییٰ آفریدی نے جوڈیشل کمیشن کا اجلاس منگل کو طلب کرلیا مسلمان نیویارک اور لندن کے میئر بن سکتے ہیں،لیکن بھارت میں کسی یونیورسٹی کا وائس چانسلر بھی نہیں بن سکتا، مولانا ارشد مدنی فیصل آباد ،پی پی 115 بوتھ نمبر 1میں الیکشن قوانین کی خلاف ورزی پاکستان میں اگلے سال تک سولر پینلز کی بجلی نیشنل گرڈ سے تجاوز کریگیCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: سی ڈی اے
پڑھیں:
لاہور میں بلدیاتی الیکشن کیلئے حلقہ بندیوں کی ابتدائی فہرست جاری کر دی گئی
لاہور: (ویب ڈیسک) بلدیاتی الیکشن کے لیے حلقہ بندیوں کی ابتدائی فہرست جاری کر دی گئی، لاہور میں مجموعی طور پر 433 یونین کونسلز بنائی گئی ہیں۔
نجی ٹی وی چینل’’ دنیا نیوز‘‘ کے مطابق ڈسٹرکٹ الیکشن کمشنر پنجاب نے لاہور کی یونین کونسل کی حلقہ بندیوں کی ابتدائی فہرست جاری کر دی، فہرست کےمطابق لاہور کو 9 ٹاؤن میں تقسیم کیا گیا جس میں راوی ٹاؤن 52، شالیمار میں 72، واہگہ ٹاؤن میں 25 یونین کونسلز قائم کی گئی ہیں۔
ماڈل ٹاؤن میں 77، نشتر ٹاؤن میں 40، صدر کینٹ میں 29 یونین کونسل بنائی گئیں، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونینز بنائی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
شہری 23 جون تک حلقہ بندیوں پر اعتراضات دائرکرسکتے ہیں، 24 جولائی تک اعتراضات پر فیصلہ سنایا جائے گا، تمام حلقہ بندیوں کی حتمی فہرست 10 اگست 2026 کو جاری ہوگی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ