پاکستان اور یورپی یونین کا 7واں اسٹریٹجک ڈائیلاگ، دوطرفہ تعاون مزید مضبوط کرنے پر اتفاق
اشاعت کی تاریخ: 23rd, November 2025 GMT
پاکستان کے نائب وزیراعظم و وزیر خارجہ سینیٹر اسحاق ڈار اور یورپی یونین کی نمائندہ برائے خارجہ امور کایا کالاس نے 21 نومبر 2025 کو برسلز میں پاکستان یورپی یونین اسٹریٹجک ڈائیلاگ کے 7ویں دور کی مشترکہ صدارت کی۔
مذاکرات میں 2019 کے اسٹریٹجک انگیجمنٹ پلان کے تحت دوطرفہ تعاون کا جائزہ لیا گیا۔ دونوں فریقین نے تجارت، ہجرت، انسانی حقوق، سیاسی، اقتصادی و ترقیاتی شعبوں میں روابط مزید بڑھانے پر اتفاق کیا، جبکہ یورپی یونین کی گلوبل گیٹ وے حکمتِ عملی کے تحت شراکت داری مضبوط بنانے پر بھی زور دیا گیا۔
یہ بھی پڑھیے: اقتصادی تعاون کے لیے پاکستان کے سعودی عرب سے مذاکرات جاری ہیں، وزیر خزانہ
دونوں جانب سے ایراسمس منڈس اور ہورائزن یورپ جیسے تعلیمی و تحقیقی پروگراموں میں تعاون بڑھانے اور خوراک، توانائی تحفظ و موسمیاتی تبدیلی جیسے نئے چیلنجز سے نمٹنے کے لیے مشترکہ کوششوں پر اتفاق ہوا۔
The Deputy Prime Minister and Foreign Minister, Senator Mohammad Ishaq Dar @MIshaqDar50, concluded a successful visit to Brussels and has departed for Pakistan following a series of high-level engagements, including the Pakistan-EU Strategic Dialogue and the EU Indo-Pacific… pic.
— Ministry of Foreign Affairs – Pakistan (@ForeignOfficePk) November 22, 2025
ملاقات میں پائیدار معاشی ترقی اور تجارت کے فروغ کے لیے تعاون بڑھانے کا اعادہ کیا گیا۔ یورپی یونین کی جانب سے نئے جی ایس پی پلس پروگرام کی تیاری سے آگاہ کیا گیا، جبکہ دونوں فریقین نے انسانی حقوق اور بنیادی آزادیوں کے فروغ کے عزم کو دہرایا۔
یہ بھی پڑھیے: پاک افغان بے نتیجہ مذاکرات اور طالبان وزرا کے اشتعال انگیز بیانات، جنگ بندی کب تک قائم رہے گی؟
گفتگو کے دوران پاکستان اور یورپی یونین نے اقوام متحدہ کے چارٹر، کثیرالجہتی سفارت کاری، عالمی قوانین اور قواعد پر مبنی نظام کے احترام کے عزم کا اعادہ کیا۔ علاقائی اور عالمی سیکیورٹی امور پر قریبی تعاون کی اہمیت بھی اجاگر کی گئی۔
فریقین نے تنازعات کے پرامن حل کی ضرورت پر زور دیا۔ یورپی یونین نے یوکرین کی صورتحال پر بریفنگ دی جبکہ پاکستان نے مسئلہ کشمیر پر اپنا موقف پیش کیا۔ مشرقِ وسطیٰ کی صورتحال پر گفتگو کے دوران دونوں نے غزہ تنازع کے خاتمے کے لیے طے پانے والے جامع منصوبے کے پہلے مرحلے کے معاہدے کا خیرمقدم کیا اور جنگ بندی اور دوریاستی حل پر مکمل عمل درآمد کی ضرورت پر تاکید کی۔
یہ بھی پڑھیے: پاکستان اور طالبان رجیم مذاکرات کے دروازے بند یا کوئی کھڑکی کھلی ہے؟
وزرا نے پاک افغان تعلقات اور اکتوبر 2025 کی سرحدی کشیدگی کے تناظر میں خطے کے امن و استحکام پر زور دیا۔ دونوں نے افغانستان میں قیامِ امن، دہشت گردی کے خاتمے اور ہمسایہ ممالک کے درمیان مذاکراتی حل کی حمایت کی۔
افغانستان کی بگڑتی معاشی و سماجی صورتحال پر تشویش کا اظہار کرتے ہوئے انہوں نے اقوام متحدہ کی زیر نگرانی ‘دوحہ عمل’ کے مطابق جامع سیاسی عمل کی ضرورت پر زور دیا۔ یورپی یونین نے افغان مہاجرین کی میزبانی پر پاکستان کی خدمات کو سراہا اور کہا کہ کسی بھی واپسی کو محفوظ، باوقار اور بین الاقوامی اصولوں کے مطابق ہونا چاہیے۔
دونوں فریقین نے اسٹریٹجک ڈائیلاگ کے اگلے یعنی 8ویں دور کے انعقاد پر اتفاق کیا، جو اسلام آباد میں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار دفتر خارجہ ڈآئیلاگ مذاکراتذریعہ: WE News
کلیدی لفظ: اسحاق ڈار دفتر خارجہ ڈآئیلاگ مذاکرات یورپی یونین پر اتفاق زور دیا کے لیے
پڑھیں:
پاکستان اور یورپی یونین کا غیرقانونی ہجرت روکنے اور قانونی راستے فعال کرنے کیلئے معاونت کا اعادہ
پاکستان اور یورپی یونین کا غیرقانونی ہجرت روکنے اور قانونی راستے فعال کرنے کیلئے معاونت کا اعادہ WhatsAppFacebookTwitter 0 20 November, 2025 سب نیوز
اسلام آباد(آئی پی ایس ) پاکستان اور یورپی یونین نے غیرقانونی ہجرت روکنے اور قانونی راستے فعال کرنے کی حمایت اور معاونت کا اعادہ کیا اور یورا معاہدے پر عمل درآمد یقینی بنانے کا عزم ظاہر کیا۔دفترخارجہ کے مطابق نائب وزیراعظم اور وزیر خارجہ اسحاق ڈار نے برسلز میں یورپی یونین کے کمشنر برائے امور داخلہ اور مائیگریشن میگنس برونر سے ملاقات کی اور اس دوران انہوں نے حال ہی میں منعقد ہونے والے پاکستان-ای یو مائیگریشن موبلٹی ڈائیلاگ کا خیرمقدم کیا۔
اسحاق ڈار نے یورپی یونین میں ہنر مند لیبر کی قانونی نقل مکانی آسان بنانے اور ان کو منظم کرنے کے لیے “ڈائیلاگ فریم ورک” کی افادیت پر روشنی ڈالی۔اعلامیے کے مطابق دونوں فریقوں نے نقل مکانی اور مزدوروں کی نقل و حرکت سے متعلق امور پر دو طرفہ تعاون کی بڑھتی ہوئی سطح کو سراہا۔ نائب وزیراعظم اسحاق ڈار نے کہا کہ پاکستان “یورا معاہدے” پر عمل درآمد یقینی بنانے کے لیے پر عزم ہے اور یورپی یونین کے کمشنر برنر نے غیر قانونی ہجرت کو روکنے کے لیے پاکستان کی کوششوں کو سراہا۔
دونوں اطراف نے “پاکستان-یورپی یونین ٹیلنٹ پارٹنرشپ روڈ میپ” کے ذریعے غیر قانونی ہجرت روکنے اور قانونی راستے فعال کرنے کی حمایت اور معاونت کا اعادہ کیا۔ نائب وزیراعظم اور وزیرخارجہ اسحاق ڈار کے ہمراہ سیکریٹری خارجہ آمنہ بلوچ اور یورپی یونین، بیلجیئم اور لکسمبرگ کے لیے پاکستان کے سفیر رحیم حیات قریشی بھی اس ملاقات میں موجود تھے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت کے خلاف جنگ میں فیلڈ مارشل نے میری مشاورت سے فیصلے کیے، وزیر اعظم بھارت کے خلاف جنگ میں فیلڈ مارشل نے میری مشاورت سے فیصلے کیے، وزیر اعظم چیئر مین سی ڈی اے سے جڑوں شہروں کے ممبران اسمبلی کی ملاقات،ترقیاتی کاموں پر گفتگو پاک بھارت جنگ: بھارتی حکومت کی امریکی کانگریس رپورٹ کو توڑ مروڑ کر پیش کرنیکی کوشش ناکام کالعدم ٹی ٹی پی نے افغان سرزمین کو استعمال کر کے پاکستان میں متعدد حملے کیے: ڈنمارک پاکستان میں کرپشن مستقل چیلنج، سیاسی و معاشی اشرافیہ جیبیں بھر رہی ہے: آئی ایم ایف اسلام آباد ماڈل کالج فار گرلز ایف سکس ٹو کے ساتویں کانووکیشن کا انعقاد، 153 ڈگریاں، 5 گولڈ میڈلز، 16 شیلڈز اور 30 رول...Copyright © 2025, All Rights Reserved
رابطہ کریں ہماری ٹیم
جنوبی کوریا؛ آن لائن جنسی جرائم میں ملوث 3000 سے زائد افراد زیرِ حراست