برسلز میں پاکستان اور یورپی یونین کا ساتواں اسٹریٹجک ڈائیلاگ، دوطرفہ تعلقات میں نئی پیش رفت
اشاعت کی تاریخ: 22nd, November 2025 GMT
برسلز میں پاکستان اور یورپی یونین کے درمیان ساتواں اسٹریٹجک ڈائیلاگ منعقد ہوا، جس کی مشترکہ صدارت پاکستان کے نائب وزیراعظم و وزیر خارجہ سینیٹر اسحاق ڈار اور یورپی یونین کی اعلیٰ نمائندہ اور نائب صدر کاجا کالس نے کی۔
دفتر خارجہ کے مطابق اس اہم اجلاس میں دونوں فریقین نے پاکستان—یورپی یونین تعلقات کا جامع جائزہ لیا اور حالیہ اعلیٰ سطح کی مصروفیات اور ادارہ جاتی روابط کی مثبت رفتار کو مزید آگے بڑھانے پر اتفاق کیا۔
اجلاس میں شریک رہنماؤں نے مشترکہ اقدار، اقوام متحدہ کے چارٹر، کثیرالجہتی، باہمی احترام اور عملی تعاون پر مبنی مستقبل کی وسیع البنیاد شراکت داری کے عزم کا اعادہ کیا۔
بات چیت کے دوران تجارت اور سرمایہ کاری کے شعبوں میں تعاون بڑھانے پر خاص زور دیا گیا، خصوصاً یورپی یونین کے جی ایس پی پلس پروگرام کے ذریعے پائیدار ترقی، برآمدات میں تنوع، روزگار کے مواقع اور باہمی فائدے کے نئے راستے تلاش کرنے کی اہمیت پر روشنی ڈالی گئی۔
ڈائیلاگ میں جنوبی ایشیا، افغانستان، مشرقِ وسطیٰ اور وسیع تر جیوپولیٹیکل صورتحال پر بھی تفصیلی تبادلۂ خیال ہوا۔ دونوں فریقین نے امن، استحکام، پائیدار ترقی، موسمیاتی تبدیلی اور عالمی چیلنجز سے نمٹنے کے لیے مربوط اور مشترکہ حکمتِ عملی کی ضرورت پر اتفاق کیا۔
اجلاس کے اختتام پر پاکستان اور یورپی یونین نے اس بات پر بھی اتفاق کیا کہ اسٹریٹجک انگیجمنٹ پلان کے تحت تعاون مزید مضبوط کیا جائے گا، جاری مذاکرات کو آگے بڑھایا جائے گا اور آنے والے برسوں میں دوطرفہ شراکت داری کو وسعت دینے کے لیے ٹھوس اقدامات کی نشاندہی کی جائے گی۔
ذریعہ: Daily Mumtaz
کلیدی لفظ: اور یورپی یونین
پڑھیں:
پاکستان اور یورپی یونین کا غیرقانونی ہجرت روکنے اور قانونی راستے فعال کرنے کیلئے معاونت کا اعادہ
پاکستان اور یورپی یونین کا غیرقانونی ہجرت روکنے اور قانونی راستے فعال کرنے کیلئے معاونت کا اعادہ WhatsAppFacebookTwitter 0 20 November, 2025 سب نیوز
اسلام آباد(آئی پی ایس ) پاکستان اور یورپی یونین نے غیرقانونی ہجرت روکنے اور قانونی راستے فعال کرنے کی حمایت اور معاونت کا اعادہ کیا اور یورا معاہدے پر عمل درآمد یقینی بنانے کا عزم ظاہر کیا۔دفترخارجہ کے مطابق نائب وزیراعظم اور وزیر خارجہ اسحاق ڈار نے برسلز میں یورپی یونین کے کمشنر برائے امور داخلہ اور مائیگریشن میگنس برونر سے ملاقات کی اور اس دوران انہوں نے حال ہی میں منعقد ہونے والے پاکستان-ای یو مائیگریشن موبلٹی ڈائیلاگ کا خیرمقدم کیا۔
اسحاق ڈار نے یورپی یونین میں ہنر مند لیبر کی قانونی نقل مکانی آسان بنانے اور ان کو منظم کرنے کے لیے “ڈائیلاگ فریم ورک” کی افادیت پر روشنی ڈالی۔اعلامیے کے مطابق دونوں فریقوں نے نقل مکانی اور مزدوروں کی نقل و حرکت سے متعلق امور پر دو طرفہ تعاون کی بڑھتی ہوئی سطح کو سراہا۔ نائب وزیراعظم اسحاق ڈار نے کہا کہ پاکستان “یورا معاہدے” پر عمل درآمد یقینی بنانے کے لیے پر عزم ہے اور یورپی یونین کے کمشنر برنر نے غیر قانونی ہجرت کو روکنے کے لیے پاکستان کی کوششوں کو سراہا۔
دونوں اطراف نے “پاکستان-یورپی یونین ٹیلنٹ پارٹنرشپ روڈ میپ” کے ذریعے غیر قانونی ہجرت روکنے اور قانونی راستے فعال کرنے کی حمایت اور معاونت کا اعادہ کیا۔ نائب وزیراعظم اور وزیرخارجہ اسحاق ڈار کے ہمراہ سیکریٹری خارجہ آمنہ بلوچ اور یورپی یونین، بیلجیئم اور لکسمبرگ کے لیے پاکستان کے سفیر رحیم حیات قریشی بھی اس ملاقات میں موجود تھے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت کے خلاف جنگ میں فیلڈ مارشل نے میری مشاورت سے فیصلے کیے، وزیر اعظم بھارت کے خلاف جنگ میں فیلڈ مارشل نے میری مشاورت سے فیصلے کیے، وزیر اعظم چیئر مین سی ڈی اے سے جڑوں شہروں کے ممبران اسمبلی کی ملاقات،ترقیاتی کاموں پر گفتگو پاک بھارت جنگ: بھارتی حکومت کی امریکی کانگریس رپورٹ کو توڑ مروڑ کر پیش کرنیکی کوشش ناکام کالعدم ٹی ٹی پی نے افغان سرزمین کو استعمال کر کے پاکستان میں متعدد حملے کیے: ڈنمارک پاکستان میں کرپشن مستقل چیلنج، سیاسی و معاشی اشرافیہ جیبیں بھر رہی ہے: آئی ایم ایف اسلام آباد ماڈل کالج فار گرلز ایف سکس ٹو کے ساتویں کانووکیشن کا انعقاد، 153 ڈگریاں، 5 گولڈ میڈلز، 16 شیلڈز اور 30 رول...Copyright © 2025, All Rights Reserved
رابطہ کریں ہماری ٹیم
پارلیمنٹ کے فیصلوں کو نہ ماننا آئین شکنی ہے، مریم اورنگزیب