مس انفارمیشن سب سے بڑا چیلنج، آن لائن انتہا پسندی کیخلاف شراکت داری ناگزیر: عطا تارڑ
اشاعت کی تاریخ: 22nd, November 2025 GMT
اسلام آباد (اپنے سٹاف رپورٹر سے) وفاقی وزیر اطلاعات عطاء اللہ تارڑ نے ڈی ایٹ میڈیا فورم سے خطاب کرتے ہوئے کہا ہے کہ یہ بہترین وقت ہے کہ ہم تعاون، ہم آہنگی اور مشترکہ اقدامات کو مضبوط کریں۔ عالمی میڈیا منظرنامہ بے مثال اور تیز رفتار تبدیلیوں سے گزر رہا ہے۔ ڈیجیٹل میڈیا آج دنیا کا سب سے تیزی سے پھیلتا ہوا ذریعہ ابلاغ بن گیا ہے۔ وفاقی وزیر اطلاعات نے کہا کہ ڈی ایٹ میڈیا فورم ضابطہ اخلاق اور کوڈ آف کنڈکٹ کی تیاری کے لیے بہترین پلیٹ فارم ثابت ہو سکتا ہے۔ نئی نسل خصوصاً Gen Z کو میڈیا لٹریسی اور درست معلومات کی تعلیم دینا وقت کی ضرورت ہے۔ وفاقی وزیر اطلاعات عطاء اللہ تارڑنے کہا کہ پاکستان میں انٹرنیٹ صارفین کی تعداد 117 ملین تک پہنچ چکی ہے۔ ملک بھر میں 79 ملین سے زائد افراد سوشل میڈیا پلیٹ فارمز استعمال کر رہے ہیں۔ حکومت پاکستان نے شفاف ابلاغ، ڈیجیٹل ذمہ داری اور میڈیا اداروں کے مابین بہتر روابط کو اپنی ترجیحات میں شامل کیا ہے۔ آن لائن پلیٹ فارمز اور سوشل میڈیا آؤٹ لیٹس پر فیکٹ چیکنگ کا باقاعدہ نظام موجود ہے تاکہ درست معلومات فراہم کی جائیں اور جعلی خبروں کی نشاندہی کی جا سکے۔ مس انفارمیشن اور ڈس انفارمیشن حالیہ دور کے سب سے بڑے چیلنج ہیں۔ عالمی اقتصادی فورم میں جب عالمی رہنماؤں سے سوال کیا گیا کہ ہمارے دور کا سب سے بڑا چیلنج کیا ہے تو انہوں نے ایٹمی جنگ یا موسمیاتی تبدیلی کا ذکر نہیں کیا بلکہ مس انفارمیشن کو سب سے بڑا چیلنج قرار دیا۔ عطاء اللہ تارڑنے کہا کہ مشترکہ فیکٹ چیک پلیٹ فارم قائم کرنے وقت کی ضرورت ہے۔ آن لائن انتہاپسندی اور نفرت انگیز مواد کے خلاف مشترکہ شراکت داری ناگزیر ہے۔ پاکستان جنوری 2026ء میں سیکرٹری جنرل شپ کی ذمہ داری سنبھالے گا تو موجودہ سیکرٹری جنرل کے تجربات اور مثالی قیادت سے بہت کچھ سیکھنے کا موقع ملے گا۔ ڈی ایٹ ممالک کو باہمی اتفاق رائے سے ایک مشترکہ ضابطہ اخلاق مرتب کرنا چاہیے۔ پاکستان امن، استحکام اور بحرانوں کا مقابلہ کرنے کی مشترکہ صلاحیت بڑھانے کے لیے ہر سطح پر تعاون کرے گا۔ انہوں نے کہا کہ صدر الہام علیوف کی قیادت میں ڈی ایٹ کی سرگرمیوں کو تقویت ملی، عالمی منظر نامہ تیزی سے تبدیل ہو رہا ہے۔ پروپیگنڈا اور غلط معلومات دنیا بھر میں گمراہ کن بیانیہ کو جنم دے رہی ہیں۔ ڈی ایٹ ممالک کی مثبت کہانیاں دنیا تک پہنچانا ہماری مشترکہ ذمہ داری ہے۔ بحرانوں کی ذمہ دارانہ رپورٹنگ کے لئے صحافیوں کی تربیت ناگزیر ہے۔ آذربائیجان میں میڈیا ایکسی لینس سینٹر کے قیام کا خیرمقدم کرتے ہیں۔ رکن ممالک کی شراکت سے میڈیا تعاون کے نئے دروازے کھلیں گے۔
.
ذریعہ
ذریعہ: Nawaiwaqt
کلیدی لفظ: نے کہا کہ میڈیا ا ڈی ایٹ
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
پاکستان نے ورلڈ کپ 2028 کیلیے براہ راست کوالیفائی کر لیا