دفاع کی طرح معاشی مضبوطی کیلئے دن رات سرگرم: وزیراعظم
اشاعت کی تاریخ: 21st, November 2025 GMT
باغ، اسلام آباد (نامہ نگار+ اپنے سٹاف رپورٹر سے+خبر نگار) وزیراعظم شہباز شریف نے کہا ہے کہ مئی میں جنگ کے میدان میں افواج پاکستان نے بھارت کو زناٹے دار تھپڑ رسید کیا جس پر امریکی کانگریس نے بھی مہر لگا دی۔ جنگ کے دوران فیلڈ مارشل نے بلا خوف میری مشاورت سے فیصلے کیے۔ وزیراعظم نے باغ آزادکشمیر میں دانش سکول کا سنگ بنیاد رکھا۔ 137 کنال پر محیط اس دانش سکول میں تقریباً 800 بچے تعلیم حاصل کر سکیں گے۔ افتتاحی تقریب سے خطاب میں وزیراعظم شہباز شریف نے کہا کہ پاکستان کو دفاعی میدان کی طرح معاشی میدان میں بھی مضبوط بنانے کے لیے دن رات کام کر رہے ہیں اور آزادکشمیر کی ترقی کے لیے ریاستی حکومت کے ساتھ مل کر کام کیا جائے گا۔ دانش سکول میں بچوں اور بچیوں کے لیے الگ الگ کیمپسز بنائے گئے ہیں۔ سکول میں کھیلوں کی سہولیات، لانڈری، کیفے، ہاسٹل اور ڈیجیٹل لائبریری بھی شامل ہیں۔ باغ میں دانش سکول کا سنگ بنیاد رکھتے ہوئے خوشی محسوس ہو رہی ہے۔ یہ وہ دانش گاہ ہے جس کا سفر ہم نے پنجاب سے شروع کیا تھا۔ آج ملک بھر میں دانش سکولوں کا بننا خوش آئند ہے۔ بھمبر میں دانش سکول کا 35 فیصد کام مکمل ہوچکا ہے اور محکمہ تعلیم کو ہدایت کی گئی ہے کہ باغ کے دانش سکول کا افتتاح 23 مارچ 2026 کو کیا جائے۔ انہوں نے کہا کہ دانش سکول کا دائرہ کار وادی نیلم تک پھیلایا جائے گا۔ وزیراعظم نے کہا کہ نومنتخب وزیراعظم آزادکشمیر نے فارورڈ کہوٹہ میں دانش سکول کی فرمائش کی ہے اور ان کی خواہش پر وہاں کے لیے تحفتاً دانش سکول کا اعلان کرتا ہوں۔ انہوں نے کہا کہ دانش سکول پاکستان کے نامور تعلیمی اداروں کے ہم پلہ ہیں، جس میں غریب بچوں کو بہترین تعلیمی سہولیات فراہم کی جا رہی ہیں۔ دانش سکولوں کے ذریعے تعلیم سے متعلق علامہ اقبال اور قائداعظم کا خواب پورا ہو رہا ہے۔ دانش سکولوں کا جو خواب دیکھا تھا، اس کی تکمیل کا وقت آگیا ہے اور یہاں پڑھنے والے بچے پاکستان کا نام روشن کریں گے اور اسے عظیم ملک بنائیں گے۔ وزیراعظم نے امریکی کانگریس کی رپورٹ کا حوالہ دیتے ہوئے کہا کہ مئی میں پاکستان نے بھارتی جارحیت کا بھرپور جواب دیا اور امریکی کانگریس کی رپورٹ نے جنگ میں ہماری فتح پر مہر ثبت کر دی۔ اب تو امریکی صدر بھی تسلیم کرتے ہیں کہ پاکستان نے بھارت کے جدید جنگی جہاز مار گرائے ہیں۔ امریکی صدر ڈونلڈ ٹرمپ نے بھی 7 بھارتی جہاز مار گرانے کا ذکر کیا ہے۔ وزیراعظم نے کہا کہ پاکستان کو اللہ تعالیٰ نے عزت سے نوازا ہے اور شاہینوں کی کارکردگی نے دشمن کو گھٹنوں کے بل گرنے پر مجبور کیا۔ جنگ میں بری افواج نے الفتح میزائل داغے اور فیلڈمارشل کی قیادت میں بلاخوف مشاورت سے بھرپور فیصلے کیے۔ افواج پاکستان کی دلیری اور فتوحات کے باعث پاکستان کا دنیا میں وقار بلند ہوا۔ پوری دنیا میں ہمارے لئے گرم جوشی کا مظاہرہ کیا جا رہا ہے۔ وزیراعظم نے معاشی میدان میں دن رات محنت جاری رکھنے پر زور دیتے ہوئے کہاکہ جو قومیں معاشی طور پر ترقی نہیں کرتیں وہ کامیاب نہیں ہوتیں۔ ایک دن آئے گا کہ ہماری قرضوں سے جان چھوٹ جائے گی۔ انہوں نے کہا کہ کشمیر بنے گا پاکستان اور دانش سکول بھی وہاں تعمیر ہوں گے۔ وزیراعظم نے ہدایت کی کہ آزادکشمیر میں گورننس کا مثالی معیار قائم کرتے ہوئے عوام کو بہترین سہولتیں فراہم کی جائیں۔ وزیراعظم نے پاکستان کی فتوحات کا دائرہ معاشی میدان تک بڑھانے کے عزم کا اظہار کرتے ہوئے کہا کہ چار روزہ جنگ کے بعد بھارتی فوج گھٹنوں پر آ گئی۔ بھارت کے غیر قانونی زیر تسلط جموں و کشمیر کے عوام کو ان کا حق ملنے تک پاکستان کشمیریوں کی اخلاقی، سیاسی اور سفارتی حمایت جاری رکھے گا۔ دانش سکولز سے فارغ التحصیل عام گھرانوں کے طلباء و طالبات بھی انجینئرز، ڈاکٹرز بن کر ملک کا نام روشن کر رہے ہیں۔ ان خیالات کا اظہار انہوں نے گزشتہ روز آزاد کشمیر کے ضلع باغ کے علاقے ہاڑی گہل میں دانش سکول کا سنگ بنیاد رکھنے کی تقریب سے خطاب کرتے ہوئے کیا۔ وزیراعظم نے کہا کہ باغ میں باغ دانش کا سنگ بنیاد رکھتے ہوئے انتہائی خوشی محسوس ہو رہی ہے۔ دانش سکول پاکستان کے نامور تعلیمی اداروں کے ہم پلہ ہیں۔ دانش سکولوں میں غریبوں کے بچے بہترین تعلیمی سہولیات حاصل کر رہے ہیں۔ میرٹ پر مفت اور بہترین تعلیم فراہم کی جا رہی ہے۔ وزیراعظم نے کہا کہ دانش سکولوں کا جو خواب دیکھا تھا اس کی تکمیل کا وقت آ گیا ہے۔ عوام کو ایسی تعلیمی سہولیات کی فراہمی علامہ اقبال اور قائداعظم کا وژن تھا۔ دانش سکولوں میں پڑھنے والے بچے پاکستان کا نام روشن کریں گے اور اسے عظیم ملک بنائیں گے۔ فیلڈ مارشل سید عاصم منیر اور سیاسی و عسکری قیادت کی مشاورت سے ہم نے بلاخوف و خطر فیصلے کئے۔ وزیراعظم نے کہا کہ پاکستان کی عسکری و جنگی صلاحیتوں کا لوہا منوانے کے بعد معاشی میدان میں بھی فتوحات کا دائرہ بڑھایا جائے گا جس کیلئے حکومت دن رات محنت کر رہی ہے۔ وزیراعظم نے کہا کہ ایک دن آئے گا کہ بھارت کے غیر قانونی زیر تسلط جموں و کشمیر کے عوام کو ان کا حق ملے گا اور ان کے بچے بھی دانش سکولوں میں تعلیم حاصل کریں گے۔ انہوں نے پاکستان اور آزاد کشمیر کی قیادت پر مشتمل کمیٹی کے فیصلوں پر عملدرآمد کا یقین دلاتے ہوئے کہا کہ وزیراعظم آزاد کشمیر گورننس کا مثالی معیار قائم کریں۔ آزاد کشمیر کے عوام کو بہترین سہولتیں فراہم کی جائیں۔ قبل ازیں وزیراعظم آزاد کشمیر فیصل ممتاز راٹھور نے دانش سکولوں کا دائرہ آزاد کشمیر تک بڑھانے پر وزیراعظم پاکستان کا شکریہ ادا کیا۔ کہا آج پوری دنیا پاکستان کی کامیابیوں کی معترف ہے۔ ہمیں اپنی مسلح افواج پر فخر ہے۔ وفاقی وزیر امور کشمیر و گلگت بلتستان امیر مقام نے تقریب سے خطاب کرتے ہوئے کہا کہ ذہین طلبہ کو ایسے موقع کی تلاش تھی کہ وزیراعظم ملک کے کونے کونے میں دانش سکولوں کے قیام کا خواب پورا کر رہے ہیں۔ دانش سکولوں کے قیام کا یہ اقدام تاریخ کا حصہ بنے گا۔ وزیراعظم نے ناممکن کو ممکن کر دکھایا۔ دنیا کے کسی کونے میں بھی جائیں پاکستا ن کو عزت کی نگاہ سے دیکھا جاتا ہے۔ انہوں نے کہا کہ پاکستان کی مسلح افواج نے بھارت کا غرور خاک میں ملا دیا۔ وزیراعظم نے دنیا میں پاکستان کا مقدمہ بہترین انداز میں لڑا اور آج پوری دنیا ہماری کامیابیوں کی معترف ہے۔ وفاقی وزیر منصوبہ بندی و ترقی احسن اقبال نے کہا کہ جس وژن کا آغاز وزیراعظم شہباز شریف نے خادم پنجاب کی حیثیت سے کیا تھا، آج اس کی تکمیل ہو رہی ہے۔ اس تعلیمی درسگاہ کے ذریعے وزیراعظم نے ملک کے بچوں کیلئے جو خواب دیکھا وہ حقیقت بن کر پورے ملک میں پھیل چکا ہے۔ انہوں نے کہا کہ پنجاب میں پنجاب ایجوکیشن انڈوومنٹ فنڈ قائم کیا گیا جس کے ذریعے میرٹ پر لاکھوں غریب طلباء و طالبات کو تعلیم کی سہولت میسر آئی اور وہ دنیا کی بڑی بڑی یونیورسٹیوں تک پہنچے۔ آئندہ دور ٹیکنالوجی، علم اور برین پاور کا ہے۔ پاکستان کی ترقی کیلئے اڑان پاکستان جیسے منصوبے طلبا ء کیلئے فائدہ مند ہیں۔ چیئرمین وزیراعظم یوتھ پروگرام رانا مشہود احمد خان نے کہا کہ مستحق اور ہونہار طلباء کی زندگیاں بنانے کا خواب آج پورا ہو رہا ہے۔ صدر مسلم لیگ (ن) آزاد کشمیر شاہ غلام قادر اور وزیراعظم آزاد کشمیر فیصل ممتاز راٹھور بھی وزیراعظم کے ہمراہ باغ پہنچے۔ سنگ بنیاد تقریب کے میزبان مسلم لیگ (ن) آزاد کشمیر کے سینئر نائب صدر مشتاق احمد منہاس تھے۔ وزیراعظم خطاب کرتے ہوئے کہا کہ باغ دانش سکول کا افتتاح 23 مارچ2026 ء کو کیا جائے گا۔ وزیراعظم نے کہا کہ دانش سکولوں کا معیار ملک کے بہترین اداروں کے برابر ہے۔ داخلے مکمل میرٹ پر ہوں گے جبکہ تعلیم، رہائش، یونیفارم اور خوراک بالکل مفت فراہم کی جائے گی۔ انہوں نے مزید کہا کہ ان اداروں میں مقامی اساتذہ کو ترجیح دی جائے گی اور پورے ملک میں دانش سکولوں کا جال بچھایا جا رہا ہے۔ وزیراعظم نے عوامی ایکشن کمیٹی کے مطالبات پورے کرنے اور معاہدے پر مکمل عملدرآمد کی یقین دہانی بھی کرائی۔ انہوں نے کہا کہ امریکی کانگریس کی حالیہ رپورٹ پاکستان کے لیے باعث فخر ہے۔دریں اثنا پی آئی اے کی نیلامی کے لیے چار کمپنیوں نے کوالیفائی کرلیا۔ 75 فیصد شیئرز نیلام کیے جائیں گے۔ نجکاری کے بعد پی آئی اے کا نام اور تھیم تبدیل نہیں ہوگی۔ چار سال میں طیاروں کی تعداد 18 سے بڑھا کر 38 کردی جائے گی۔ وزیراعظم محمد شہباز شریف کی زیر صدارت پاکستان انٹرنیشنل ایئرلائنز کے امور پر اہم اجلاس ہوا۔ وزیراعظم نے قومی ایئر لائن کی نجکاری کے حوالے سے تمام مراحل تیز رفتاری اور شفاف طریقے سے مکمل کرنے کی ہدایت کردی۔ وزیراعظم نے پی آئی اے کی فلیٹ میں قابل پرواز طیاروں کی تعداد بڑھانے کے لئے لائحہ عمل ترتیب دینے اور پروازوں کی بروقت روانگی یقینی بنانے کی بھی ہدایت دی۔ اجلاس کو پی آئی اے کی نجکاری اور اس حوالے سے بزنس پلان پر تفصیلی بریفنگ دی گئی اور بتایا گیا کہ پی آئی اے کی نجکاری کے حوالے سے 4 پارٹیز کو پری کوالیفائی کیا گیا ہے۔ جلد پی آئی اے کی نجکاری کے حوالے سے نیلامی ہوگی جس میں پی آئی اے کے 75 فیصد شیئرز کی نجکاری کی جائے گی۔ بریفنگ میں بتایا گیا کہ نجکاری کے حوالے سے یہ شرط رکھی گئی ہے کہ نجکاری کے بعد پی آئی اے کا نام اور اس کی تھیم نہیں بدلی جائے گی۔ بزنس پلان کے تحت 2029ء میں پی آئی اے فلیٹ میں قابل پرواز طیاروں کی تعداد 18 سے بڑھا کر 38 کی جائے گی۔ بریفنگ میں مزید بتایا گیا کہ اس وقت قومی ایئر لائن 30 سے زائد شہروں میں سروس مہیا کر رہی ہے۔ بزنس پلان کی تحت 2029ء تک پی آئی اے کی سروس 40 سے زائد شہروں تک بڑھائی جائے گی۔ ادھر وزیراعظم سے وزیر مملکت عون چودھری بھی ملے۔
.ذریعہ: Nawaiwaqt
کلیدی لفظ: نجکاری کے حوالے سے وزیراعظم نے کہا کہ نے کہا کہ پاکستان میں دانش سکول کا امریکی کانگریس انہوں نے کہا کہ دانش سکولوں کا کا سنگ بنیاد پی ا ئی اے کی ہوئے کہا کہ فراہم کی جا پاکستان کی شہباز شریف پاکستان کا کر رہے ہیں کرتے ہوئے کی نجکاری کا دائرہ کشمیر کے نے بھارت عوام کو جائے گی جائے گا اور اس کے بعد دن رات کے لیے رہی ہے کیا جا ہے اور کا نام رہا ہے
پڑھیں:
بھارت کے خلاف جنگ میں فیلڈ مارشل نے میری مشاورت سے فیصلےکیے، وزیر اعظم
وزیراعظم شہباز شریف نے کہا ہے کہ مئی میں جنگ کے میدان میں افواج پاکستان نے بھارت کو زناٹے دار تھپڑ رسید کیا جس پر امریکی کانگریس نے بھی مہر لگادی، جنگ کے دوران فیلڈ مارشل نے بلا خوف میری مشاورت سے فیصلے کیے۔
وزیراعظم شہبازشریف نے آزاد کشمیر کے شہر ہاڑی گہل باغ میں دانش اسکول کاسنگ بنیادرکھ دیا۔
دانش اسکول باغ کا سنگ بنیاد رکھنے کی تقریب سے خطاب میں شہباز شریف کا کہنا تھا کہ صدر ٹرمپ تو اپنی ہر تقریر میں پاکستان کی تعریف کرتے ہیں اور وہ ہر تقریر میں کہتے ہیں کہ 7 نئے جہاز گرائے گئے۔
انہوں نے کہا کہ ہماری ائیر فورس اور بری فوج نے 4 روز میں بھارت کی فوج کو گھٹنےکے بل گرایا۔
شہباز شریف کا کہنا تھا کہ امریکی صدر ڈونلڈ ٹرمپ نے پاکستان کی جانب سے بھارت کے 7 جہاز گرانے کا بارہا ذکر کیا جب کہ شاہینوں کی کارکردگی نے بھارت کو گھٹنے ٹیکنے پر مجبور کیا۔
وزیراعظم نے کہا کہ 4 دن کی جنگ میں پاکستان نے بھارت کو زناٹے دار تپھڑ رسید کیا، یہ اللہ کے فضل و کرم اور فیلڈ مارشل کی شاندار اور بلاخوف قیادت کی بدولت ممکن ہوا، فیلڈ مارشل کی شادنار قیادت، امنہوں نے بلا خوف میرے ساتھ مشاورت کرکے بھرپور فیصلے کیے، افواج پاکستان کی دلیری اور فتوحات کے باعث پاکستان کا دنیا میں وقار بلند ہوا۔
شہباز شریف کا کہنا تھا کہ پاکستان کو اللہ تعالیٰ نے عزت سے نوازا، پاک-بھارت جنگ میں بری افواج نے الفتح میزائل داغے، افواج پاکستان کی دلیری اور فتوحات کے باعث پاکستان کا دنیا میں وقار بلند ہوا ۔
وزیراعظم کا کہنا تھا کہ دانش گاہ کا سفر ہم نے پنجاب سے شروع کیا تھا، یہ دانش گاہیں پورے ملک میں تعمیروترقی کے ذریعے پھیل رہی ہیں، بھمبر میں دانش اسکول کا 35 فیصد کام مکمل ہوچکا، دانش اسکول کا دائرہ کار وادی نیلم تک پھیل جائے گا۔
وفاقی وزیرامیرمقام نے تقریب سے خطاب میں کہا وزیراعظم ملک کے کونے کونے میں دانش اسکول کاخواب پوراکررہےہیں۔ دانش اسکولوں کایہ اقدام تاریخ کاحصہ بنے گا۔
وزیراعظم آزاد کشمیرفیصل راٹھورنے کہا پورے پاکستان میں دانش اسکولوں کاسلسلہ بڑھانےمیں وزیراعظم شہبازشریف کاکردارقابل ستائش ہے۔ دانش اسکول وزیراعظم کی علم دوستی کاواضح ثبوت ہے۔
صدر آصف زرداری نے جسٹس منصور علی شاہ اور جسٹس اطہر من اللّٰہ کے استعفے منظور کر لیے