فلپائن میں سابق میئر ’ایلس گو‘ کو انسانی اسمگلنگ پر عمرقید
اشاعت کی تاریخ: 21st, November 2025 GMT
فلپائن کی عدالت نے چین کی شہری ایلس گو کو انسانی اسمگلنگ کے مقدمے میں 7 ساتھیوں سمیت عمرقید کی سزا سنائی ہے۔ 35 سالہ گو نے مقامی ریکارڈز میں جعل سازی کرکے خود کو فلپائنی ظاہر کیا اور بنبان ٹاؤن کی میئر منتخب ہوئی تھیں، مگر بعدازاں انکشاف ہوا کہ وہ ایک چینی زیرِ انتظام آن لائن جوا اور دھوکا دہی کے مرکز کی سرکردہ منتظم تھیں۔
مزید پڑھیں: انسانی اسمگلنگ روکنے اور امیگریشن آسان بنانے کے لیے ایف آئی اے نے اہم فیصلہ کرلیا
عدالت نے قرار دیا کہ ملزمان نہ صرف غیرقانونی سرگرمیوں میں ملوث تھے بلکہ بڑی تعداد میں غیرملکی کارکنوں کو زبردستی آن لائن اسکیم چلانے پر مجبور کرتے تھے۔
استغاثہ کے مطابق 2024 میں ایک ویتنامی مزدور نے فرار ہوکر پولیس کو اطلاع دی، جس کے نتیجے میں ایک وسیع کمپاؤنڈ پر چھاپہ مارا گیا جہاں سے 700 سے زائد افراد کو بازیاب کرایا گیا۔
ان میں فلپائنی، چینی، ویتنامی، ملائیشیائی، تائیوانی، انڈونیشی اور افریقی شہری شامل تھے۔ دستاویزات بھی برآمد ہوئیں جو گو کو اس کمپنی کی سربراہ ثابت کرتی تھیں جس کے زیرِ ملکیت یہ کمپاؤنڈ چلایا جا رہا تھا۔
مزید پڑھیں: وزیراعظم شہباز شریف کا انسانی اسمگلنگ کے خلاف عالمی دن پر پیغام
سینیٹ اور سرکاری اداروں نے اس کیس کو سائبر کرائم، بین الاقوامی منظم جرائم اور حکومتی نظام میں دراڑوں کی علامت قرار دیا ہے۔
حکام کا کہنا ہے کہ یہ مقدمہ جنوبِ مشرقی ایشیا میں تیزی سے پھیلتی آن لائن دھوکا دہی کی ان صنعتوں پر بھی روشنی ڈالتا ہے جن سے 2023 میں خطے کے لاکھوں افراد اربوں ڈالر کے فراڈ کا شکار ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسانی اسمگلنگ ایلس گو فلپائن.ذریعہ: WE News
کلیدی لفظ: انسانی اسمگلنگ ایلس گو فلپائن انسانی اسمگلنگ
پڑھیں:
انسداد اسمگلنگ کیلیے ملک گیر کریک ڈاؤن؛ کروڑوں روپے مالیت کی منشیات برآمد
انسداد اسمگلنگ کے لیے ملک گیر کارروائیوں کے دوران کروڑوں روپے مالیت کی منشیات برآمد کرلی گئی۔
ترجمان اینٹی نارکوٹکس فورس فورس کے مطابق ملک کے مختلف شہروں میں منشیات اسمگلنگ کے خلاف بڑے پیمانے پر کریک ڈاؤن کرتے ہوئے 7 الگ الگ کارروائیوں میں نائیجیرین باشندے سمیت 4 ملزمان کو گرفتار کرکے مجموعی طور پر 417.69 کلوگرام منشیات برآمد کرلی گئی، جس کی مالیت 37 کروڑ 50 لاکھ روپے سے زائد بتائی گئی ہے۔
کراچی میں کوریئر آفس پر چھاپے کے دوران برطانیہ بھیجے جانے والے پارسل میں لیڈیز پرس کے اندر چھپائی گئی 93 گرام ہیروئن پکڑی گئی۔ اسی طرح کراچی ہی میں ایک اور کارروائی میں موٹر سائیکل سوار سے 348 ہزار ڈائزیپام گولیوں کا ذخیرہ برآمد ہوا جن کا وزن 106.8 کلوگرام تھا۔
اسلام آباد ایکسپریس وے پر بس اسٹاپ سے ایک نائیجیرین شہری کو گرفتار کیا گیا جس کے قبضے سے 75 گرام کوکین ملی۔ اُدھر جی ٹی روڈ پشاور میں بس اسٹاپ کے قریب گاڑی سے 9.6 کلوگرام افیون برآمد کی گئی اور ملزم کو موقع پر ہی حراست میں لے لیا گیا۔
پشاور کے ناصر باغ روڈ پر یونیورسٹی ٹاور کے پاس گاڑی سے ایک کلوگرام آئس برآمد کی گئی جب کہ ملزم کو گرفتار کرکے مزید تفتیش شروع کر دی گئی ہے۔ بلوچستان میں ماسٹر پلان ڈسٹرکٹ چمن سے 300 کلوگرام ہیروئن برآمد ہوئی جب کہ چمن بارڈر پر لاوارث خفیہ پارسل سے 130 گرام کوکین ملی۔
ترجمان اے این ایف کے مطابق تمام کارروائیوں میں گرفتار ملزمان کے خلاف انسداد منشیات ایکٹ 1997 کے تحت مقدمات درج کر کے مزید تحقیقات شروع کر دی گئی ہیں۔
خیبرپختونخوا کو سود سے پاک کرنے کے لیے حکومت نے اہم فیصلہ کرلیا