خیبرپختونخوا کو سود سے پاک کرنے کے لیے حکومت نے اہم فیصلہ کرلیا
اشاعت کی تاریخ: 14th, November 2025 GMT
وزیراعلیٰ خیبرپختونخوا کے معاون خصوصی شفیع جان نے کہا ہے کہ وزیراعلیٰ سہیل آفریدی کی زیرصدارت کابینہ کے پہلے اجلاس میں فیصلہ کیا گیا ہے کہ صوبے میں سود سے پاک بینکنگ نظام لایا جائےگا۔
کابینہ اجلاس کے بعد میڈیا کو بریفنگ دیتے ہوئے انہوں نے کہاکہ آج وزیراعلیٰ سہیل آفریدی کی زیر صدارت پہلا کابینہ اجلاس تھا، جس میں سہیل آفریدی نے سب سے پہلے امن جرگہ کے تمام شرکا کا شکریہ ادا کیا۔
مزید پڑھیں: وزیراعلیٰ خیبرپختونخوا کا ریڈیو پاکستان پر 9 مئی حملے کی تحقیقات کے لیے انکوائری کمیشن قائم کرنے کا اعلان
انہوں نے کہاکہ یہ تاریخی امن جرگہ تھا جس کا کریڈٹ وزیراعلیٰ اور اسپیکر کو جاتا ہے، کابینہ میں سب سے اہم چیز ’ایکشن ان ایڈ آف سول پاور‘ کا خاتمہ ہے۔
شفیع جان نے کہاکہ اجلاس میں فیصلہ کیا گیا ہے کہ 9 مئی واقعات سے متعلق ریڈیو پاکستان کے حوالے سے کمیشن بنایا جائے گا اور حملے میں جو بھی ملوث ہوگا اسے سامنے لایا جائےگا۔
انہوں نے کہاکہ خیبرپختونخوا کو سود سے پاک کیا جائے گا اور اس کے لیے سود سے پاک بینکنگ نظام لایا جارہا ہے۔
معاون خصوصی نے کہاکہ صوبے میں ایسے قوانین لائے جارہے ہیں جس سے صوبے کے عوام کو فائدہ ہو، اب حکومتی فنڈ پر کسی کی ذاتی تشہیر کی اجازت نہیں ہوگی، یہ پیسہ عوام کا ہے اور صوبے میں کرپشن برداشت نہیں جائے گی۔
شفیع جان نے کہاکہ آپریشن سے بے گھر افراد کے لیے 4 ارب روپے کی گرانٹ صوبائی حکومت نے جاری کی ہے، جبکہ تعلیم کے لیے 6 ارب روپے کی گرانٹ دینے کا فیصلہ کیا گیا۔
انہوں نے کہاکہ پہلے مرحلے میں 1.
مزید پڑھیں: امن جرگہ کے حوالے سے فائنل ڈرافٹ تیار، تمام فریقین کو اعتماد میں لے لیا گیا، شفیع جان
انہوں نے بتایا کہ صوبے میں سیاحت کے فروغ لیے اہم اقدامات کیے جارہے ہیں۔
انہوں نے مزید کہاکہ وفاق کی جانب سے جو کباڑی گاڑیاں خیبرپختونخوا پولیس کو دی گئی تھیں وہ اسی روز واپس کردی گئی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اہم فیصلے بینکاری نظام خیبرپختونخوا سہیل آفریدی سود سے پاک کابینہ اجلاس گرانٹ جاری وزیراعلی وی نیوز
ذریعہ
ذریعہ: WE News
کلیدی لفظ: اہم فیصلے بینکاری نظام خیبرپختونخوا سہیل ا فریدی سود سے پاک کابینہ اجلاس وزیراعلی وی نیوز انہوں نے کہاکہ سہیل ا فریدی سود سے پاک شفیع جان کے لیے
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار