حکومت 2026 سے اعلیٰ عہدیداروں کے اثاثے عام کرے: آئی ایم ایف
اشاعت کی تاریخ: 21st, November 2025 GMT
عالمی مالیاتی فنڈ (آئی ایم ایف) کی سفارش پر حکومت نے فیصلہ کیا ہے کہ 2026 سے وفاقی سول سروس کے اعلیٰ عہدیداروں کے اثاثہ جات کے گوشوارے عوام کے لیے شائع کیے جائیں گے تاکہ بدعنوانی کی روک تھام اور شفافیت کے معیار کو بہتر بنایا جا سکے۔ وزارت خزانہ کی جاری کردہ رپورٹ کے مطابق دونوں فریقوں نے 2026 میں اثاثہ جات کی اشاعت اور رسک بیسڈ تصدیق متعارف کروانے پر اتفاق کیا ہے، جبکہ طویل المدتی منصوبے کے تحت ایک مرکزی اتھارٹی قائم کرنے پر غور کیا جا رہا ہے جو اثاثہ جات جمع کرنے، ڈیجیٹل بنانے اور تصدیق کے اختیارات رکھے گی۔ رپورٹ میں یہ بھی کہا گیا کہ موجودہ نیب سربراہ کی تقرری کا طریقہ کار سیاسی سمجھوتوں پر مبنی ہے، جسے شفاف اور میرٹ پر مبنی تقرری کے ذریعے بہتر بنانے کی ضرورت ہے۔ آئی ایم ایف نے مشورہ دیا کہ نیب کے اندرونی کنٹرول کے عمل کی نگرانی کے لیے ایک خود مختار اور کثیر شراکتی ادارہ قائم کیا جائے تاکہ ادارے کی شفافیت اور مؤثریت میں اضافہ ہو اور سیاسی اثرات کم ہوں۔ رپورٹ میں سرکاری مشینری، خاص طور پر سینئر ریونیو افسران کے اثاثہ جات اور تادیبی کارروائیوں میں ناکامی کو بھی اجاگر کیا گیا۔ رپورٹ کے مطابق صوبائی اینٹی کرپشن ایجنسیاں اعلیٰ حکام سے اجازت کے بغیر تحقیقات شروع نہیں کر سکتیں، جبکہ اثاثہ جات کے گوشواروں کا موجودہ نظام بکھرا ہوا ہے اور فوج، عدلیہ اور دیگر سرکاری افسران کے گوشواروں کے معیار میں فرق موجود ہے۔ مزید کہا گیا کہ طرزِ زندگی کی نگرانی اور اثاثہ جات کے تقابل کے ذریعے غیر قانونی دولت کا سراغ لگایا جا سکتا ہے، جس سے بدعنوانی کی روک تھام میں مدد ملے گی۔ رپورٹ نے اس بات پر زور دیا کہ نیب کی آزادی، شفاف تقرری کے عمل اور جدید رسک بیسڈ تصدیق کے نظام کے بغیر احتساب کے مؤثر اقدامات ممکن نہیں۔
.
ذریعہ
ذریعہ: Nawaiwaqt
کلیدی لفظ: اثاثہ جات
پڑھیں:
پاکستان میں سریے کی قیمت آج 23 جولائی 2026، تازہ ریٹس جاری
اسلام آباد: پاکستان میں سریے کی قیمت جمعرات 23 جولائی 2026 کو مجموعی طور پر مستحکم رہی، تاہم مختلف برانڈز اور گریڈز کے لحاظ سے معمولی فرق دیکھا گیا۔ تعمیراتی شعبے سے وابستہ افراد کے لیے جاری کردہ تازہ مارکیٹ اپ ڈیٹ کے مطابق ملک بھر میں سریے کی قیمت 258 روپے سے 265 روپے فی کلوگرام کے درمیان برقرار ہے۔
تعمیراتی ماہرین کے مطابق رہائشی اور کمرشل منصوبوں میں سب سے زیادہ گریڈ 40 اور گریڈ 60 سریا استعمال کیا جاتا ہے، کیونکہ یہ مضبوطی اور معیار کے لحاظ سے موزوں تصور کیے جاتے ہیں۔
پاکستان میں سریے کے تازہ ریٹس
سریے کا گریڈ قیمت (روپے فی کلوگرام)
گریڈ 40 260 روپے
گریڈ 60 265 روپے
مارکیٹ ریٹ 258 سے 265 روپے
ماہرین کا کہنا ہے کہ پاکستان میں سریے کی قیمتوں میں اتار چڑھاؤ کئی عوامل سے متاثر ہوتا ہے، جن میں خام مال کی قیمت، بجلی اور گیس کے نرخ، ٹرانسپورٹ کے اخراجات اور تعمیراتی شعبے کی مجموعی طلب شامل ہیں۔
انہوں نے خریداروں اور بلڈرز کو مشورہ دیا ہے کہ بڑی مقدار میں سریا خریدنے سے قبل مقامی ڈیلرز سے تازہ نرخ ضرور معلوم کریں، کیونکہ مختلف شہروں، برانڈز اور مینوفیکچررز کے لحاظ سے قیمتوں میں معمولی فرق ہو سکتا ہے۔
تعمیراتی صنعت سے وابستہ ماہرین کے مطابق اگر خام مال یا توانائی کی قیمتوں میں نمایاں تبدیلی آتی ہے تو آئندہ دنوں میں پاکستان میں سریے کی قیمت بھی متاثر ہو سکتی ہے، اس لیے مارکیٹ کی صورتحال پر نظر رکھنا ضروری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار