چیف آف جنرل اسٹاف عامر رضا کی سعودی ہم منصب سے ملاقات، دفاعی تعاون بڑھانے پر اتفاق
اشاعت کی تاریخ: 14th, November 2025 GMT
چیف آف جنرل اسٹاف لیفٹیننٹ جنرل سید عامر رضا نے سعودی عرب عرب کی مسلح افواج کے چیف آف جنرل اسٹاف فہد بن حمید الرویلی سے ریاض میں ملاقات کی۔
ملاقات کے دوران باہمی اسٹریٹجک مفادات پر بات چیت ہوئی، خاص طور پر دوطرفہ دفاعی تعاون کو مضبوط بنانے، آپریشنل ہم آہنگی بڑھانے اور اسٹریٹجک میوچل ڈیفنس ایگریمنٹ کے تحت تعاون کو فروغ دینے پر زور دیا گیا۔
یہ بھی پڑھیں: ایران نے پاک سعودی دفاعی معاہدے میں شمولیت کی خواہش ظاہر کردی
دونوں فریقین نے پاکستان اور سعودی عرب کے دیرینہ بھائی چارہ اور تعلقات کو مزید گہرا کرنے کا عزم دہرایا، جو خطے میں امن، استحکام اور خود انحصاری میں اہم کردار ادا کرے گا۔
پاک سعودی عرب دوطرفہ دفاعی صنعتی فورم کا خصوصی اجلاساسی دوران پاکستان سعودی عرب دوطرفہ دفاعی صنعتی فورم کا خصوصی اجلاس بھی ریاض میں منعقد ہوا، پاک فوج کی تینوں شاخوں کی نمائندگی لیفٹیننٹ جنرل سید عامر رضا نے کی، جبکہ سعودی عرب کی جانب سے اجلاس کی قیادت اسسٹنٹ منسٹر آف ڈیفنس برائے ایگزیکٹو افیئرز ڈاکٹر خالد البیاری نے کی۔
اجلاس میں جاری دفاعی تعاون کے منصوبوں پر پیش رفت کا جائزہ لیا گیا اور وژن 2030 کے تحت ابھرتی ہوئی ٹیکنالوجیز میں نئے مشترکہ منصوبوں کے مواقع پر بات چیت ہوئی۔
یہ بھی پڑھیں: پاک سعودی معاہدہ: ’برمی مسلمانوں‘ کو پاسپورٹ جاری کرنے کے لیے کمیٹی قائم
چیف آف جنرل اسٹاف نے شاہی سعودی دفاعی افواج کی صلاحیت سازی میں پاکستان کی مستقل حمایت کا اعادہ کیا، جبکہ سعودی قیادت نے پاکستان کی دہشت گردی کے خلاف جدوجہد، قربانیوں اور خطے میں امن و استحکام میں اہم کردار کی تعریف کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹریٹجک تعاون پاکستان چیف آف جنرل اسٹاف لیفٹیننٹ سعودی عرب سید عامر رضا.ذریعہ: WE News
کلیدی لفظ: اسٹریٹجک تعاون پاکستان چیف ا ف جنرل اسٹاف لیفٹیننٹ چیف ا ف جنرل اسٹاف
پڑھیں:
تاجک وزیر دفاع کی فیلڈ مارشل سے ملاقات، دوطرفہ تعاون بڑھانے کے عزم کا اعادہ
راولپنڈی(ڈیلی پاکستان آن لائن) تاجکستان کے وزیر دفاع کرنل جنرل صابرزادہ امام علی عبداللہ رحیم نے جنرل ہیڈکوارٹرز (جی ایچ کیو) راولپنڈی کا دورہ کیا جہاں انہوں نے فیلڈ مارشل سید عاصم منیر سے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں باہمی دلچسپی کے امور، علاقائی سلامتی اور دو طرفہ دفاعی تعاون پر تفصیلی گفتگو ہوئی، دونوں ممالک نے دونوں افواج کے درمیان تعاون مزید بڑھانے کے عزم کا اعادہ کیا۔
آئی ایس پی آر کے اعلامیے میں بتایا گیا ہے کہ ملاقات کے دوران فوجی تربیت، انسدادِ دہشتگردی اور علاقائی امن و استحکام جیسے اہم شعبوں پر بھی اتفاق رائے ہوا۔
ویڈیو: چین اور امریکہ کے درمیان تجارتی معاہدے کی تفصیلات
تاجک وزیر دفاع نے پاکستانی فوج کی پیشہ ورانہ صلاحیتوں اور علاقائی امن کے لیے کردار کو بھرپور سراہتے ہوئے کہا ہے کہ پاکستان کی مسلح افواج نے خطے میں امن کے قیام کے لیے نمایاں کردار ادا کیا ہے۔
اس موقع پر فیلڈ مارشل سید عاصم منیر نے خطے کی سلامتی اور خوشحالی کے لیے اجتماعی اقدامات کی اہمیت پر زور دیتے ہوئے تاجکستان کے ساتھ دفاع اور سلامتی کے شعبوں میں تعاون مزید بڑھانے کے پاکستان کے عزم کو دہرایا۔
ڈنمارک نے کم عمر بچوں کے لیے سوشل میڈیا کے استعمال پر پابندی عائد کردی