بھارت کی مسلح افواج پر ہندو قوم پرستی کے رجحان کا غلبہ
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
بھارتیہ جنتا پارٹی کے دورِ اقتدار میں بھارت کی مسلح افواج غیر معمولی حد تک ہندوتوا اثرات کا شکار ہوتی جا رہی ہیں، ان اثرات میں ہندو مذہبی علامتوں کا بڑھتا ہوا استعمال، سیاسی رنگ لیے ہوئی فوجی قیادت اور اقلیتی اہلکاروں پر بڑھتا ہوا دباؤ شامل ہے۔
ماہرین خبردار کرتے ہیں کہ یہ رجحان فوج کے دیرینہ سیکولر اور غیر سیاسی کردار کو کمزور کر کے اسے اکثریتی سیاسی ایجنڈوں کے قریب لا رہا ہے۔
افواج میں ہونے والی متعدد علامتی تبدیلیوں نے اس شبہ کو تقویت دی ہے کہ فوجی اداروں میں جان بوجھ کر نظریاتی تبدیلی لائی جا رہی ہے۔
جنوری 2025 میں آرمی چیف کے ساؤتھ بلاک لاؤنج میں آویزاں 1971 کی جنگ کی پینٹنگ کو کرم شیتر نامی فن پارے سے بدل دیا گیا، جس میں کرشن اور چانکیہ جیسے ہندو دیومالائی کردار جدید فوجی ساز و سامان کے ساتھ دکھائے گئے۔
اسی طرح دسمبر 2024 میں فائر اینڈ فیوری کور نے لداخ کے پینگونگ تسو میں ہندو بادشاہ شیواجی کا مجسمہ نصب کیا، جس کے ساتھ ہندوتوا سوچ کا عکاس پیلا پرچم بھی لگایا گیا اور یہ سب ایک انتہائی حساس سرحدی علاقے میں ہوا۔
بھارت کی اعلیٰ فوجی قیادت نے عوامی ہندو مذہبی رسومات میں بڑھ چڑھ کر حصہ لینا شروع کر دیا ہے، نیشنل یونٹی ڈے 2025 کے موقع پر آرمی چیف نے وردی میں ہی پُجاریوں سے تلک اور ہار وصول کیا، جس نے ادارے کی غیر جانب داری پر بحث چھیڑ دی۔
مئی 2025 میں آرمی چیف نے مدھیہ پردیش میں ہندو روحانی پیشوا رام بھدر اچاری کے آشرم کا دورہ کیا، جہاں انہیں مبینہ طور پر مذہبی دکشا بھی دی گئی جس نے فوجی ذمہ داری اور مذہبی اثر و رسوخ کے درمیان لکیریں مزید دھندلا دیں۔
بھارت کے فوجی آپریشنز کے ناموں میں بھی نظریاتی جھکاؤ دکھائی دینے لگا ہے، سندور اور مہادیو جیسے نام اس تبدیلی کی مثال ہیں، جو غیر جانب دار فوجی اصطلاحات سے ہٹ کر مذہبی رنگ اپناتی ہیں۔
اسی دوران سینئر افسران کے بیانات میں حکمران جماعت کی زبان جھلکنے لگی ہے، جن میں پاکستان کے خلاف سخت گیر تبصرے بھی شامل ہیں، یہ سب فوج کی بی جے پی کے سیاسی بیانیے سے بڑھتی ہوئی قربت کا اشارہ دیتے ہیں۔
بھارت کی افواج میں سکھ، مسلمان اور مسیحی افسران بڑھتے ہوئے دباؤ کی شکایت کرتے ہیں کہ انہیں ہندو رسومات میں شامل ہونے پر مجبور کیا جاتا ہے۔
ان شکایات میں ایسے کئی واقعات شامل ہیں، جیسے کرسچن افسر لیفٹیننٹ سیموئل کمالیسن، جنہیں 2025 میں ہندو رسومات میں شرکت سے انکار پر برخاست کر دیا گیا اور دہلی ہائی کورٹ نے اس فیصلے کو برقرار رکھا۔
اقلیتی اہلکار سماجی تنہائی، ترقی میں رکاوٹوں اور دباؤ والے ماحول کی شکایت کرتے ہیں، جس کی وجہ سے کچھ نے استعفیٰ دینے یا فوج چھوڑنے پر غور شروع کر دیا ہے۔
ہیومن رائٹس واچ کی 2025 کی رپورٹ کے مطابق فوجی ماحول میں 520 سے زیادہ حراستی ہلاکتیں اور ماورائے عدالت قتل رپورٹ ہوئے، جن میں بعض واقعات کا تعلق سکیورٹی فورسز میں بڑھتی ہوئی نظریاتی شدت پسندی سے جوڑا گیا۔
بھارتی مسلح افواج میں جاری ہندوتوا رجحان جو علامتی تبدیلیوں، فوجی قیادت کے رویے، بھرتی کے عمل، آپریشنز کے ناموں اور اقلیتوں کے ساتھ سلوک میں نمایاں ہے، یہ ایک بڑی ادارہ جاتی تبدیلی کی نشاندہی کرتا ہے۔
ماہرین و ناقدین کا کہنا ہے کہ فوج تیزی سے مودی کی سینا کے طور پر دیکھی جانے لگی ہے، جس سے اس کا سیکولر کردار، پیشہ ورانہ وقار اور ادارہ جاتی اعتبار متاثر ہو رہا ہے۔
ذریعہ: Jasarat News
کلیدی لفظ: بھارت کی
پڑھیں:
رنویر سنگھ کی لیاری میں انٹری، پاکستان مخالف فلم میں بے نظیر کی تصاویر بھی شامل
کراچی:بھارت کی آنے والی پاکستان مخالف پروپیگنڈا فلم ’دھرندر‘ کا ٹریلر جاری کردیا گیا۔
فلم کے ٹریلر میں پاکستان کے سب سے بڑے شہر کراچی کے علاقے لیاری کو جنگ کے میدان کے طور پر دکھایا گیا ہے۔
فلم میں پاکستان کے پولیس افسر شہید اسلم چوہدری اور رحمٰن ڈکیت سمیت دیگر کرداروں کو دکھایا گیا ہے۔
فلم کے ٹریلر میں پاکستان کی سابق پہلی خاتون وزیر اعظم بینظیر بھٹو کی تصاویر اور پیپلز پارٹی کے جھنڈے بھی نظر آرہے ہیں۔
ٹریلر میں رنویر سنگھ کو را ایجنٹ جبکہ سنجے دت کو شہید ایس ایس پی چوہدری اسلم اور اکشے کھنہ کو رحمٰن ڈکیت کے روپ میں دکھایا گیا ہے۔
پروپیگنڈا فلم کو آئندہ ماہ دسمبر کے آغاز میں ریلیز کرنے کا اعلان کیا گیا ہے تاہم اسکا ٹریلر ہی بالی ووڈ انڈسٹری کی جگ ہنسائی کی وجہ بن گیا ہے اور خود بھارت میں اس پر تنقید کی جارہی ہے۔
مٹیاری،میمن گوٹھ کے قریب ٹرک کی ٹکر سے راہگیر جاں بحق