سونے کی قیمت پھر بڑھ گئی، 900روپے کا اضافہ
اشاعت کی تاریخ: 16th, May 2025 GMT
کراچی(ڈیلی پاکستان آن لائن )سونے کی عالمی اور مقامی مارکیٹوں میں قیمتوں میں ایک بار پھر اضافہ ہوگیا۔
نجی ٹی وی ایکسپریس نیوز کے مطابق بین الاقوامی بلین مارکیٹ میں فی اونس سونے کی قیمت میں 09ڈالر کا اضافہ ہونے کے نتیجے میں نئی عالمی قیمت 3ہزار 177ڈالر کی سطح پر آگئی۔
اسی طرح ملک میں 24 قیراط کے حامل فی تولہ سونے کی قیمت بھی 900روپے کے اضافے کے بعد 3لاکھ 36ہزار 100روپے کی سطح پر آگئی جبکہ فی 10 گرام سونے کی قیمت 772روپے بڑھ کر 2لاکھ 88ہزار 151روپے ہوگئی۔
سونے کی قیمتوں میں اضافے کے برعکس ملک میں فی تولہ چاندی کی قیمت بغیر کسی تبدیلی کے 3ہزار 377روپے اور 10 گرام چاندی کی قیمت بھی بغیر کسی تبدیلی کے 2ہزار 895روپے کی سطح پر مستحکم رہی۔
"میں تمہیں گولی مار دوں گا، یہ جہاں ملے اسے کوڑے لگائے جائیں" ہاتھ میں رائفل پکڑے مولانا عبدالعزیز نے مفتی قوی کو لال مسجد سے نکال دیا
مزید :.ذریعہ: Daily Pakistan
کلیدی لفظ: سونے کی قیمت
پڑھیں:
پیٹرول کی قیمت میں کمی یا اضافے کا امکان؟
عالمی منڈی میں خام تیل کی قیمتوں میں بڑی کمی ہوئی ہے، خام تیل کی قیمت رواں سال 20 جنوری کو 82 ڈالر تھی، یکم مئی کو 62 ڈالر فی بیرل جبکہ معمولی اضافے کے بعد 65.76 ڈالر فی بیرل ہو گئی ہے۔
یہ بھی پڑھیں:پیٹرول کی قیمتوں میں کمی نہ کرنے سے کتنے ارب روپے بچا کر بلوچستان کی سڑکیں بنائی جائیں گی؟
میڈیا رپورٹس میں کہا جا رہا ہے کہ پیٹرول کی قیمت میں 2 سے 3 روپے فی لیٹر کمی ہو گی جبکہ تجزیہ کاروں کے مطابق چونکہ گزشتہ 15 دنوں میں خام تیل کی قیمت میں 3 ڈالر سے زائد کا اضافہ ہوا ہے اور ڈالر کی قدر بھی ایک روپے 37 پیسے بڑھی ہے، اس لیے پیٹرول کی قیمت میں کمی تو نہیں البتہ معمولی اضافے کا امکان ہے۔
حکومت کی جانب سے ہر 15 روز بعد پیٹرول کی قیمت میں ردوبدل کا فیصلہ کیا جاتا ہے۔
یہ بھی پڑھیں:پاکستان میں پیٹرول کی قیمت انڈیا، بنگلہ دیش اور نیپال کے مقابلے میں کم ترین ہے، وزیرپیٹرولیم
30 اپریل کو جب پیٹرول کی فی لیٹر قیمت میں 2 روپے کی کمی کی گئی تھی اس وقت ڈالر کی قیمت 280.60 روپے تھی جو کہ اب 281.97 روپے ہو گئی ہے جبکہ عالمی منڈی میں خام تیل کی قیمت اس وقت 62 ڈالر فی بیرل تھی جو کہ اب 65.76 ڈالر ہو گئی ہے۔
معاشی تجزیہ کاروں کے مطابق اس وقت پیٹرول کی قیمت میں معمولی اضافہ ممکن ہے، پیٹرول کی قیمتوں میں کمی کا حتمی فیصلہ وزارت خزانہ اوگرا کی سمری کی روشنی میں 15 مئی کی شب کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوگرا پاکستان پیٹرول پیٹرول پرائس خام تیل
دریاؤں اور آبی ذخائر میں پانی کی صورتحال ہے؟