اوکاڑہ میں پولیس مقابلہ، بین الاضلاعی ڈکیت گینگ کا سرغنہ ہلاک
اشاعت کی تاریخ: 17th, May 2025 GMT
اوکاڑہ کے علاقے تھانہ شاہبور کی حدود میں پولیس اور ڈاکوؤں کے درمیان ہونے والے مقابلے میں ایک خطرناک ڈاکو ہلاک ہو گیا جس کی شناخت ذوالقرنین عرف زنو کے نام سے ہوئی ہے۔ ہلاک ہونے والا ڈاکو بین الاضلاعی ڈکیت گینگ کا سرغنہ تھا اور اس کے خلاف ڈکیتی اور راہزنی کے 22 سنگین مقدمات درج تھے۔
تفصیلات کے مطابق تھانہ شاہبور کے نواحی علاقے 33 فور ایل پل پر تین ڈاکو شہری ناصر سے اسلحے کے زور پر موٹر سائیکل چھین کر فرار ہو گئے۔ واردات کی اطلاع ملتے ہی ایس ایچ او شاہبور ظفر مہار نے اپنی ٹیم کے ہمراہ فوری کارروائی کرتے ہوئے ڈاکوؤں کا پیچھا کیا۔
پولیس اور ڈاکوؤں کا آمنا سامنا 37 فور ایل پل کے قریب ہوا جہاں ڈاکوؤں نے پولیس پارٹی کو دیکھتے ہی اندھا دھند فائرنگ شروع کر دی۔ پولیس نے بھی حفاظت خود اختیاری کے تحت جوابی فائرنگ کی جس کے نتیجے میں ایک ڈاکو اپنے ہی ساتھیوں کی فائرنگ سے موقع پر ہلاک ہو گیا جبکہ دو فرار ہونے میں کامیاب ہو گئے۔
پولیس کے مطابق ہلاک ڈاکو ذوالقرنین عرف زنو لاہور، گوجرانوالہ، وہاڑی، ساہیوال اور اوکاڑہ کے مختلف تھانوں کو سنگین مقدمات میں مطلوب تھا اور تھانہ بہادر شاہ ضلع ساہیوال کے ایک ڈکیتی کیس میں اشتہاری بھی نکلا۔ پولیس نے موقع سے چھینی گئی موٹر سائیکل، نقدی، موبائل فون اور اسلحہ بھی برآمد کر لیا ہے۔
فرار ہونے والے ڈاکوؤں کی گرفتاری کے لیے پولیس کا سرچ آپریشن جاری ہے جبکہ خصوصی ٹیمیں بھی تشکیل دے دی گئی ہیں۔
.ذریعہ: Express News
پڑھیں:
بیوپاریوں سے 95 لاکھ کی ڈکیتی، حساس ادارے کی کارروائی میں 2 پولیس اہلکار سمیت 5 ڈاکو گرفتار
کراچی:ویگو میں سوار ڈاکوؤں نے 30 اپریل کی شب اورنگی ٹاؤن کے 20 قصابوں کو میر پور خاص مویشیوں کی خریداری کے لیے جاتے ہوئے لوٹا تھا جس کا مقدمہ گڈاپ تھانے میں درج ہے
حساس ادارے نے مویشیوں کے بیوپاریوں سے 95 لاکھ کی ڈکیتی میں ملوث 5 ڈاکوؤں کو گرفتار کرلیا جس میں 2 پولیس اہلکار بھی بتائے جاتے ہیں جبکہ گروہ میں دیگر 2 پولیس اہلکاروں سمیت 5 مفرور ڈاکوؤں کی تلاش کا عمل جاری ہے.
اس حوالے سے ذرائع کا کہنا ہے کہ 30 اپریل کی رات سپر ہائی وے پر ویگو گاڑی میں سوار ڈاکوؤں نے اورنگی ٹاؤن سے تعلق رکھنے والے 20 قصابوں سے 95 لاکھ روپے نقد اور موبائل فونز سمیت دیگر سامان لوٹ لیا تھا۔
تمام افراد بذریعہ ہائی ایس وین مویشیوں کی خریداری کے لیے میر پور خاص جا رہے تھے ، واردات کا مقدمہ نمبر 292 سال 2025 بجرم دفعات 395 اور 397 کے تحت گڈاپ سٹی تھانے میں درج کیا گیا تھا۔
ذرائع کا کہنا ہے حساس ادارے ہاتھوں گرفتار 5 ملزمان کی شناخت ندیم ، قیصر ، سفیر ، نور شیر اور عدنان کے نام سے کی گئی جس میں 2 پولیس اہلکار بھی شامل بتائے جاتے ہیں۔
جبکہ گروہ 10 افراد پر مشتمل ہے جس میں 5 ملزمان مفرور ہیں اور ان کی بھی شناخت پولیس فراہم کر دی گئی ان ملزمان میں بھی 2 پولیس اہلکار شامل ہیں تاہم ملزمان کو گڈاپ انویسٹی گیشن پولیس کے حوالے کر دیا گیا ہے۔
ٹرمپ کو ڈیڈی کیوں کہا؟ نیٹو کے سربراہ کا بیان سامنے آگیا