مولانا عبدالعزیز نے مفتی عبدالقوی کو لال مسجد سے نکال دیا، ویڈیو سوشل میڈیا پر وائرل
اشاعت کی تاریخ: 17th, May 2025 GMT
جنید انور : لال مسجد میں اُس وقت ہنگامہ برپا ہوگیا جب مولانا عبدالعزیز نے معروف مذہبی شخصیت مفتی عبدالقوی کو مسجد سے نکل جانے کا حکم دے دیا۔ واقعے کی ویڈیو سوشل میڈیا پر وائرل ہوچکی ہے، جس پر شدید عوامی ردعمل سامنے آرہا ہے۔
تفصیلات کے مطابق مفتی عبدالقوی لال مسجد کے دفتر میں موجود تھے، اسی دوران مولانا عبدالعزیز بندوق کے ہمراہ وہاں پہنچے اور سخت الفاظ میں مفتی قوی کو فوری مسجد سے نکل جانے کا کہا۔ مولانا عبدالعزیز نے مفتی قوی کو مخاطب کرتے ہوئے کہا: "یہاں سے نکل جاؤ، آئندہ آئے تو کوڑے ماروں گا"۔
آج کے گوشت اور انڈوں کے ریٹس -جمعہ16 مئی , 2025
ویڈیو میں مولانا عبدالعزیز کو مفتی عبدالقوی کو "بدمعاش" کہتے بھی سنا جا سکتا ہے۔ واقعہ دیکھتے ہی دیکھتے سوشل میڈیا پر وائرل ہوگیا اور صارفین کی جانب سے مختلف آرا کا اظہار کیا جا رہا ہے۔
دوسری جانب مفتی عبدالقوی نے ردعمل میں کہا کہ وہ جمعہ کی نماز کے لیے لال مسجد گئے تھے، جہاں مسجد کے علما نے انہیں ایک شرعی مسئلہ پر بات چیت کے لیے دفتر میں مدعو کیا تھا۔ مفتی قوی نے مزید کہا کہ مولانا عبدالعزیز آئے اور انہوں نے مجھے اللہ کے گھر سے نکال دیا۔
پھلوں اور سبزیوں کی آج کی ریٹ لسٹ -جمعہ 16 مئی ، 2025
یہ واقعہ ملک کے مذہبی حلقوں اور سوشل میڈیا پر ایک نئی بحث کو جنم دے رہا ہے، جہاں ایک طرف لال مسجد کے کردار پر سوالات اٹھائے جا رہے ہیں تو دوسری جانب مولانا عبدالعزیز کے سخت رویے پر تنقید کی جا رہی ہے۔
.ذریعہ: City 42
کلیدی لفظ: مولانا عبدالعزیز سوشل میڈیا پر لال مسجد
پڑھیں:
امریکی لڑکی کو پاکستانی نوجوان کی محبت دیر کھینچ لائی، جوڑی سوشل میڈیا پر وائرل
دیر(اوصاف نیوز) پاکستانی نوجوان کی محبت کا شکار امریکی لڑکی دیر بالا پہنچ گئی، سوشل میڈیا پر دونوں کی تصاویر وائرل ہو گئیں۔
اپر دیر کے علاقے عشیرئی درہ صدیقہ بانڈہ سے تعلق رکھنے والے نوجوان ساجد زیب کی محبت میں گرفتار ایک امریکی لڑکی پاکستان پہنچ گئی ۔ سوشل میڈیا پر دونوں کی تصاویر وائرل ہو گئیں، جس کے بعد دونوں کا نیا رشتہ عوام کی توجہ کا مرکز بن گیا۔
خاندانی ذرائع کے مطابق امریکی لڑکی اور دیر بالا کے نوجوان کے درمیان کئی برس سے دوستی کا سلسلہ جاری تھا، جو بالآخر محبت میں تبدیل ہو گیا۔ دونوں کے درمیان رابطے سوشل میڈیا(فیس بک) کے ذریعے قائم ہوئے اور اسی دوستی نے امریکی لڑکی کو پاکستان آنے پر آمادہ کیا۔
امریکی لڑکی تاحال عشیرئی درہ دیربالا نہیں پہنچی ، تاہم وہ پاکستان پہنچ چکی ہے اور جلد ہی دیر بالا پہنچے گی۔ مقامی ذرائع کا کہنا ہے کہ دونوں شادی کے خواہش مند ہیں اور خاندانوں کی مشاورت سے معاملات طے کیے جا رہے ہیں۔
دوسری جانب امریکی لڑکی اور دیر بالا کے نوجوان کی اس منفرد جوڑی پر سوشل میڈیا صارفین کی جانب سے دلچسپ تبصرے بھی سامنے آ رہے ہیں۔ یاد رہے کہ یہ پہلا موقع نہیں کہ کوئی غیر ملکی لڑکی فیس بک دوستی کے بعد پاکستان پہنچی ہو۔ اس سے قبل کئی غیر ملکی خواتین پاکستانی نوجوانوں کی محبت میں پاکستان آ چکی ہیں، جن میں سے کچھ رشتے کامیاب اور کچھ ناکام بھی ہوئے ہیں۔
صادق آباد جاتے ہوئے تاجر اغوا، 2 کروڑ ، 2 مہنگی گھڑیوں سمیت 2 موبائل فون کا مطالبہ
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی