کیلی فورنیا کے طبی مرکز میں بم دھماکا، 1 شخص ہلاک
اشاعت کی تاریخ: 18th, May 2025 GMT
علاقے کے مئیر نے دھماکے کی تصدیق کرتے ہوئے بتایا کہ بم دھماکا عمارت میں پارک کی گئی گاڑی یا اسکے قریب کیا گیا ہے۔ اسلام ٹائمز۔ کیلی فورنیا کے طبی مرکز میں بم دھماکے سے ایک شخص ہلاک اور 4 زخمی ہوگئے، دھماکا پام اسپرنگز Palm Springs شہر میں واقع امریکن ری پروڈکٹیو سینٹرز کے فرٹیلیٹی کلینک میں ہوا۔ علاقے کے مئیر نے دھماکے کی تصدیق کرتے ہوئے بتایا کہ بم دھماکا عمارت میں پارک کی گئی گاڑی یا اسکے قریب کیا گیا ہے۔ ہولیس کی جانب سے دھماکے کے نتیجے میں تباہ ہوئی گاڑی سے کلاشنکوف سمیت دو بندوقیں بھی برآمد کرنے کا دعویٰ کیا گیا ہے۔ عینی شاہدین کے مطابق دھماکے کے بعد انسانی جسم اور گاڑی کے ٹکڑے جگہ جگہ پھیل گئے۔ ذرائع کے مطابق دھماکا مقامی وقت کے مطابق گیارہ بجے کے قریب ہوا، واقعہ میں کئی قریبی عمارتوں کو بھی نقصان پہنچا ہے۔ واضح ہے کہ پام اسپرنگز کیلی فورنیا کے مشہور شہر لاس اینجلیس سے ایک سو کلومیٹر مشرق میں واقع ہے۔ ایف بی آئی کا کہنا ہے کہ ان کے خیال میں بمبار نے فرٹیلیٹی کلینک کو جان بوجھ کر دہشتگردی کا نشانہ بنایا، تاہم واقعہ میں ہلاک شخص کی شناخت ظاہر نہیں کی گئی۔ واقعہ میں ایک شخص سے بات کرنے کا ارادہ بھی ظاہر کیا گیا تاہم اسکے بارے میں نہیں بتایا گیا۔
.
ذریعہ
ذریعہ: Islam Times
کلیدی لفظ: کیا گیا
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی