پشاور میں 6 افراد کے قتل کی وجہ خاتون کی موت کو قرار دے دیا گیا
اشاعت کی تاریخ: 19th, May 2025 GMT
پشاور میں گھر پر فائرنگ کے نتیجے میں 6 افراد کے قتل کی وجہ پولیس نے خاتون کی موت کو قرار دے دیا۔
پشاور کے نواحی علاقہ ارمڑ میں مخالف فریق کی گھر پر فائرنگ کے نتیجے میں ایک ہی خاندان کے 6 افراد جاں بحق ہوگئے، مارے جانے والوں میں 2 خواتین، ایک بچی اور ایک بچہ شامل ہیں۔
سینئر سپرنٹنڈنٹ آف پولیس (ایس ایس پی) انویسٹی گیشن نور جمال نے جیو نیوز سے بات چیت کرتے ہوئے بتایا کہ 6 افراد کے قتل کی وجہ خاتون کی موت ہے۔
پولیس نے واقعہ کا مقدمہ تین افراد کے خلاف درج کرکے ملزمان کی گرفتاری کے لیے چھاپے مارے ہیں
ایس ایس پی انویسٹی گیشن نے کہا کہ خاتون کی قبر کشائی کا فیصلہ کیا گیا ہے، قبر کشائی کیلئے لیگل ٹیم سے مشاورت کے بعد قانونی تقاضے پورے کریں گے۔
نور جمال نے کہا کہ واقعہ خودکشی تھا یا قتل، فریقین نے رپورٹ نہیں کی، 3 دن پہلے خاتون کی موت واقع ہوئی، ملزمان کو شک تھا کہ ان کی بہن کو بہنوئی نے قتل کیا ہے۔
.
ذریعہ
ذریعہ: Jang News
کلیدی لفظ: خاتون کی موت افراد کے قتل کی
پڑھیں:
کوہاٹ میں گاڑی پر فائرنگ سے کسٹم اہلکار شہید، ایک شخص زخمی
فائل فوٹوکوہاٹ میں پنڈی پل ٹول پلازا کے قریب گاڑی پر فائرنگ میں کسٹم اہلکار جاں بحق اور ایک شخص زخمی ہوگیا۔
پولیس کے مطابق شہید کسٹم اہلکار کی شناخت یاسر شاہ کے نام سے ہوئی ہے۔ شہید اہلکار کی لاش اور زخمی کو اسپتال منتقل کردیا گیا ہے۔
ڈی پی او کا کہنا ہے کہ دہشت گردوں کی گرفتاری کے لیے آپریشن جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا