فارم 47 والا ڈرامہ نہیں چلے گا، ضمنی الیکشن میں کامیاب ہونگے: پرویز اشرف
اشاعت کی تاریخ: 20th, May 2025 GMT
مبڑیال، لاہور (نمائندہ نوائے وقت، نامہ نگار) سابق وزیراعظم راجہ پرویز اشرف، پی پی پی کے سینئر رہنما قمر الزمان کائرہ سمبڑیال میں پیپلز پارٹی کے امیداوار کی الیکشن مہم کے سلسلہ میں جلسے سے خطاب کرتے ہوئے کہا کہ ووٹ امانت ہے ووٹ کو اہل امیدوار کے سپرد کریں۔ حلقہ پی پی 52 سمبڑیال سے پیپلزپارٹی ضمنی انتخاب بھرپور طریقے سے لڑرہی ہے جس کیلئے زور و شور سے انتخابی مہم شروع کر دی گئی ہے۔ الیکشن میں فارم 47 والا ڈرامہ نہیں چلنے دیں گے، یکم جون کو پی پی کی جیت ہو گی حلقہ کے عوام ووٹ دینے سے قبل پیپلزپارٹی کی حقیقی خدمات اور قربانیوں کو سامنے رکھیں، ان خیالات کا اظہار انہوں نے سمبڑیال کے محلہ واٹر ورکس میں ملک برادران کے جلسے سے خطاب کرتے ہوئے کیا۔ اس موقع پر پیپلز پارٹی کے سینئر رہنما چوہدری امتیاز صفدر وڑائچ،، چوہدری اعجاز سماں، آصف بھاگٹ، پیپلز پارٹی پی پی 52 کے امیدوار راحیل کامران چیمہ، پیپلزپارٹی سمبڑیال کے سٹی صدر چوہدری احسن ظفر گھمن، سٹی جنرل سیکرٹری چوہدری کاشف گجر، ملک شعیب صد یق، ملک شبیر، ملک حق نواز شیخ شبیر سفیر، ، زوہیب مہر، راجہ افضال سمیت جیالوں کی کثیر تعداد موجود تھی۔ پی پی 52 سیالکوٹ سے پیپلز پارٹی کے امیدوار راحیل کامران چیمہ نے ضمنی الیکشن میں پولیس گردی کی شدید مذمت کرتے ہوئے کہا ہے کہ مقامی پولیس ہمارے کارکنوں کو ہراساں اور جھوٹے مقدمات میں گرفتار کر رہی ہے۔ ایس ایچ او سمبڑیال نے ن لیگ کے کہنے پر ہمارے کارکنوں کو حبس بیجا میں رکھا ہوا ہے۔ راحیل کامران چیمہ نے مزید کہا کہ ہمارے کارکن رہا نہ ہوئے تو تھانے کے سامنے دھرنا دیں گے۔ انہوں نے مطالبہ کیا کہ حکام بالا الیکشن کمشن اور ڈی پی او سیالکوٹ میرے مغوی کزن کو بازیاب کرائیں۔ دریں اثناء پیپلز پارٹی مینارٹی ونگ پنجاب کے نائب صدر ایڈون سہوترا نے بھی اپنی ٹیم کے ساتھ راحیل کامران چیمہ کی انتخابی مہم شروع کر دی۔
.
ذریعہ
ذریعہ: Nawaiwaqt
کلیدی لفظ: راحیل کامران چیمہ پیپلز پارٹی
پڑھیں:
چین کا ایک اور کامیاب خلائی مشن، 5 سیٹلائٹس مقررہ مدار میں داخل
چین نے اپنی خلائی سرگرمیوں میں ایک اور اہم کامیابی حاصل کرتے ہوئے جمعہ کے روز لیجیان-1 وائی 15 کیریئر راکٹ کے ذریعے 5 مصنوعی سیٹلائٹس کامیابی سے خلا میں بھیج دیے۔
چینی حکام کے مطابق راکٹ کو مقامی وقت کے مطابق صبح 7 بج کر 33 منٹ پر شمال مغربی چین میں واقع ڈونگ فینگ کمرشل اسپیس انوویشن پائلٹ زون سے لانچ کیا گیا۔
کامیاب پرواز کے بعد راکٹ نے تمام 5 سیٹلائٹس کو ان کے مقررہ مدار میں پہنچا دیا، جس کے ساتھ مشن اپنے تمام اہداف حاصل کرنے میں کامیاب رہا۔
اس موقع پر جاری بیان میں کہا گیا کہ تمام سیٹلائٹس منصوبہ بندی کے مطابق اپنے مخصوص مدار میں داخل ہو گئے ہیں، جس سے لانچنگ کی کامیابی کی تصدیق ہوگئی۔
یہ مشن چین کے تجارتی خلائی پروگرام کی مسلسل پیش رفت کا مظہر ہے، حالیہ برسوں میں چین نے سیٹلائٹ لانچنگ، خلائی تحقیق اور تجارتی خلائی سرگرمیوں میں نمایاں کامیابیاں حاصل کی ہیں اور ملک اپنے خلائی پروگرام کو مزید وسعت دینے کے لیے مختلف راکٹ مشنز اور سیٹلائٹ منصوبوں پر کام جاری رکھے ہوئے ہے۔
ماہرین کے مطابق اس نوعیت کے کامیاب مشنز نہ صرف چین کی لانچنگ صلاحیتوں کو مزید مضبوط بناتے ہیں بلکہ تجارتی خلائی صنعت کی ترقی اور مستقبل کے خلائی منصوبوں کے لیے بھی اہم سنگ میل تصور کیے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین خلائی مشن سیٹلائٹ مدار
پاکستان نے ورلڈ کپ 2028 کیلیے براہ راست کوالیفائی کر لیا