وردی کسی بھی رنگ کی ہو ہماری شہادت کی آرزو زندگی سے زیادہ ہے، ترجمان پاک فوج
اشاعت کی تاریخ: 20th, May 2025 GMT
اسلام آباد:
پاک فوج کے ترجمان ڈائریکٹر جنرل لیفٹیننٹ جنرل احمد شریف چوہدری نے واضح کیا ہے کہ پاکستان کی قوم تو نہ پہلے جھکی تھی اور نہ ہم اب جھکیں گے، میں پہلی بھی کہتا رہا ہوں اور اب بھی کہتا ہوں کہ ہماری شہادت کی آرزو زندگی سے زیادہ ہے۔
بھارت کے ساتھ تنازع اور پاک چین تعلقات پر ڈی جی آئی ایس پی آر نے چائنا میڈیا گروپ کو خصوصی انٹرویو دیا، جس میں ڈی جی آئی ایس پی آر نے بھارت کے ساتھ کشیدگی، پاک چین تعلقات اور خطے کی صورتحال پر اپنا موقف پیش کیا۔
ڈی جی آئی ایس پی آر لیفٹیننٹ جنرل احمد شریف چوہدری نے چائنا میڈیا گروپ کے ہر سوال کا مفصل اور حقائق پر مبنی جواب دیا۔
ڈی جی آئی ایس پی آر لیفٹیننٹ جنرل احمد شریف چوہدری کا کہنا تھا کہ پاکستان کے لیے سب اہم چیز اس کا عزم اور اس کی طاقت ہے، ہم اللہ کے بعد سب سے زیادہ اپنے آپ پر انحصار کرتے ہیں۔ جب ہمارا عزم مضبوط ہوگا جو ہم نے دکھایا بھی تو پھر بین الاقوامی کمیونٹی بھی اپنا کردار ادا کرتی ہے۔
انہوں نے کہا کہ دنیا کے جتنے بھی ممالک ہیں سب کو اس وقت بڑے چیلنجز کا سامنا ہے، جو بڑے ممالک ہیں ان کا ویژن بھی بڑا ہے، لوگ انسانیت کی ترقی کی جانب دیکھ رہے ہیں۔ اس دنیا کو موسمیاتی تبدیلی کے مسائل ہیں، بڑھتی آباد کے مسائل ہیں یعنی بہت سارے مسائل سے دنیا نبردآزما ہے۔
ترجمان پاک فوج نے کہا کہ کیا ایسے میں ایک ملک دوسرے ملک پر بلاجواز، جھوٹے بیانیے اور بغیر ثبوت کے چڑھ دوڑے، پڑوسی ممالک کے اوپر اپنی اجارہ داری مسلط کرنے کی کوشش کرے۔
انہوں نے واضح کیا کہ پاکستان کی قوم تو نہ پہلے جھکی تھی اور نہ ہم اب جھکیں گے، میں پہلی بھی کہتا رہا ہوں اور اب بھی کہتا ہوں کہ ہماری شہادت کی آرزو زندگی سے زیادہ ہے۔ چاہے کسی نے نیلی، سفید یا خاکی وردی پہن رکھی ہے شہادت ہمارے لیے اعزاز ہے۔
صحافی کے سوال کے جواب میں ڈی جی آئی ایس پی آر نے کہا کہ پاکستان اور چین دنیا میں دو ذمہ دار ملک ہیں، پاکستان اور چین دونوں کی پہلی ترجیح لوگوں کی فلاح و بہبود ہے۔ لوگوں کی خوشحالی ہمیشہ امن و استحکام سے آتی ہے۔
انہوں نے کہا کہ پاکستان اور چین دونوں خطے میں امن و استحکام کے لیے کوشاں ہیں، اس کے لیے ہم دہشتگردی کی لعنت سے لڑ رہے ہیں اور دہشتگردی کا مقصد ہی ترقی کو روکنا ہے۔ چین نے انتہائی کم عرصے میں اتنی بڑی آبادی کے ساتھ جو ترقی کی ہے اسے دنیا کو دیکھنا چاہیے، پاکستان کے عوام بھی یہی چاہتے ہیں کہ ہم ترقی اور استحکام کی جانب جائیں۔
لیفٹیننٹ جنرل احمد شریف چوہدری نے کہا کہ ہماری پہلی ترجیح امن ہے، آج پاکستان کی گلیوں میں دیکھیں تو آپ کو فتح نہیں بلکہ امن کی خوشی مناتے لوگ نظر آئیں گے۔ پاکستان کے لوگوں میں آپ کو انسانیت نظر آئے گی، ہم عاجزی کرتے ہوئے اللہ کا شکر ادا کرتے ہیں اور ہم اللہ تعالیٰ کے حضور سجدہ شکر ادا کرتے ہیں کیونکہ ہم امن پسند ہیں۔
ڈی جی آئی ایس پی آر کا کہنا تھا کہ پاکستان کی جو آہنی دیوار جس میں عوام، مسلح افواج اور تمام شعبے شامل ہیں، کو دہشتگردی کے ناسور کی جانب موڑنا ہے، آپ دیکھیں گے کہ ملک کیسے دوڑتا ہوا ترقی کی منازل طے کرے گا، ان شاء اللہ۔
.ذریعہ: Express News
کلیدی لفظ: لیفٹیننٹ جنرل احمد شریف چوہدری ڈی جی ا ئی ایس پی ا ر پاکستان کی کہ پاکستان نے کہا کہ سے زیادہ
پڑھیں:
ایران اور اسرائیل کے درمیان سیز فائر کے پیچھے بھی ’وردی‘ ہے،محسن نقوی
وفاقی وزیر داخلہ محسن نقوی نے کہا کہ ایران اور اسرائیل کے مابین حالیہ جنگ بندی کے پس پردہ بھی ’وردی‘ کا کردار ہے، انہوں نے کہا کہ وزیر اعظم نے بھی خطے میں امن کے قیام اور سیز فائر کے عمل میں کلیدی کردار ادا کیا ہے، علما سے مکمل رابطے اور مشاورت کے ساتھ ملک میں امن و استحکام کو یقینی بنایا جائے گا۔
اسلام آباد میں محرم الحرام کے دوران امن وامان کی صورتحال کے جائزہ اجلاس میں علما کرام سے خطاب کرتے ہوئے وفاقی وزیر داخلہ محسن نقوی نے کہا کہ محرم الحرام کے دوران امن و امان کا قیام علما کی شراکت کے بغیر ممکن نہیں، علما کرام کا معاشرے میں انتہائی اہم اور مثبت کردار ہے اور حکومت ان کے تعاون کو قدر کی نگاہ سے دیکھتی ہے۔
وزیر داخلہ نے کہا کہ قیامِ امن کے لیے علما نے ہمیشہ بھرپور کردار ادا کیا ہے اور محرم کے دوران مذہبی ہم آہنگی کا فروغ نہایت ضروری ہے، انہوں نے ممتاز مذہبی شخصیت مولانا عبدالخبیر آزاد کا خصوصی طور پر شکریہ ادا کرتے ہوئے کہا کہ ان کا تعاون ہر وقت حکومت کے ساتھ رہتا ہے۔
یہ بھی پڑھیں:پہلی ہی بارش میں اسلام آباد کا انڈرپاس بیٹھ گیا، ’کوئی تو محسن نقوی سے حساب مانگے‘
محسن نقوی نے ملک کی حالیہ دفاعی صورتحال پر گفتگو کرتے ہوئے کہا کہ اللہ کی نصرت سے بھارت کے خلاف جنگ میں پاکستان کو فتح حاصل ہوئی۔ انہوں نے واضح کیا کہ پاکستان نے جنگ کے دوران بھارتی شہری آبادی کو نشانہ نہیں بنایا کیونکہ حکومت نہیں چاہتی تھی کہ بھارت کے کسی سویلین کو نقصان پہنچے۔
وزیر داخلہ نے کہا کہ بھارت کی جانب سے فائر کیے گئے تمام میزائل اپنے اہداف کو حاصل کرنے میں ناکام رہے۔ انہوں نے مزید کہا کہ ایران اور اسرائیل کے مابین حالیہ سیز فائر کے پس پردہ بھی ’وردی‘ کا کردار ہے۔
محسن نقوی نے کہا کہ وزیر اعظم شہباز شریف نے بھی خطے میں امن کے قیام اور سیز فائر کے عمل میں کلیدی کردار ادا کیا ہے، وزیر داخلہ نے علما کرام کی آمد پر ان کا شکریہ ادا کیا اور کہا کہ آئندہ بھی علما سے مکمل رابطے اور مشاورت کے ساتھ ملک میں امن و استحکام کو یقینی بنایا جائے گا۔
مزید پڑھیں:سعدیہ اقبال ٹی20 کی نمبر ون بولر، پی سی بی چیئرمین محسن نقوی کی جانب سے پذیرائی
اس موقع پر خطیب بادشاہی مسجد لاہور اور چیئرمین رویت ہلال کمیٹی، مولانا عبدالخبیر آزاد نے کہا کہ پاکستان پر جارحیت مسلط کرنے والوں کو اللہ تعالیٰ نے عبرتناک شکست سے دوچار کیا، پاکستان کا دشمن نہ صرف جھوٹا بلکہ انتہائی مکار بھی ہے، جس نے ہمیشہ سازشوں کے ذریعے پاکستان کے امن کو سبوتاژ کرنے کی کوشش کی، مگر اللہ کے فضل و کرم سے قوم نے ہر بار متحد ہو کر دشمن کے ناپاک عزائم کو ناکام بنایا۔
مولانا عبدالخبیر آزاد نے کہا کہ بھارت کے خلاف پوری قوم یک آواز اور متحد تھی، اور یہ اتحاد ہی دشمن کی شکست کا باعث بنا، انہوں نے کہا کہ قوم کے حوصلے بلند ہیں اور افواجِ پاکستان کے شانہ بشانہ پوری قوم ہر قسم کی قربانی کے لیے تیار ہے۔
معرکہ حق میں اتحاد یقین اور مضبوط عزم کے ساتھ کامیابی ملی، معرکہ حق نے پوری قوم کو ایک پیج پر کھڑا کر دیا، یہ ملک ہمارا ہے،وطن سے محبت ہمارے ایمان کا حصہ ہے، محرم میں ہم نے مثالی اتحاد کا مظاہرہ کرنا ہے۔
مزید پڑھیں: ویمنز پی ایس ایل سمیت اہم اعلانات، محسن نقوی لڑکیوں کی کارکردگی پر خوشی سے سرشار
انہوں نے اجلاس میں شریک تمام علمائے کرام کو خوش آمدید کہتے ہوئے ان کے اتحاد و یکجہتی کے جذبے کو سراہا اور اس امید کا اظہار کیا کہ محرم الحرام کے دوران بھی علما کرام اپنا مثبت، معتدل اور اتحاد پیدا کرنے والا کردار ادا کرتے رہیں گے۔
اس موقع پر خطیب بادشاہی مسجد لاہور اور چیئرمین رویت ہلال کمیٹی، مولانا عبدالخبیر آزاد نے کہا کہ پاکستان پر جارحیت مسلط کرنے والوں کو اللہ تعالیٰ نے عبرتناک شکست سے دوچار کیا، پاکستان کا دشمن نہ صرف جھوٹا بلکہ انتہائی مکار بھی ہے، جس نے ہمیشہ سازشوں کے ذریعے پاکستان کے امن کو سبوتاژ کرنے کی کوشش کی، مگر اللہ کے فضل و کرم سے قوم نے ہر بار متحد ہو کر دشمن کے ناپاک عزائم کو ناکام بنایا۔
مولانا عبدالخبیر آزاد نے کہا کہ بھارت کے خلاف پوری قوم یک آواز اور متحد تھی، اور یہ اتحاد ہی دشمن کی شکست کا باعث بنا، انہوں نے کہا کہ قوم کے حوصلے بلند ہیں اور افواجِ پاکستان کے شانہ بشانہ پوری قوم ہر قسم کی قربانی کے لیے تیار ہے۔
انہوں نے اجلاس میں شریک تمام علمائے کرام کو خوش آمدید کہتے ہوئے ان کے اتحاد و یکجہتی کے جذبے کو سراہا اور اس امید کا اظہار کیا کہ محرم الحرام کے دوران بھی علما کرام اپنا مثبت، معتدل اور اتحاد پیدا کرنے والا کردار ادا کرتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران بادشاہی مسجد لاہور خطیب رویت ہلال کمیٹی محسن نقوی وزیر داخلہ
کراچی: ہاکس بے کے قریب سمندرمیں نہاتے ہوئے نوجوان ڈوب کر جاں بحق