بلوچستان میں معصوموں کا خون، مودی ذمہ دار ہے: گرپتونت سنگھ پنوں
اشاعت کی تاریخ: 22nd, May 2025 GMT
معرکہ بنیان المرصوص کے تناظر میں بلوچستان میں ہونے والے دہشتگرد حملے پر سکھ فار جسٹس کے سربراہ گرپتونت سنگھ پنوں نے شدید مذمت کرتے ہوئے اسے بھارت کی ریاستی دہشتگردی قرار دیا ہے۔
گرپتونت سنگھ پنوں کا کہنا تھا کہ بھارت نے بلوچستان میں دہشتگردی کی کارروائی کرکے معصوم بچوں کو نشانہ بنایا، جو ناقابل معافی جرم ہے۔ اُن کا کہنا تھا کہ دستیاب شواہد اس بات کی تصدیق کرتے ہیں کہ یہ حملہ بھارتی پراکسیز نے مودی سرکار کی ایما پر کیا، جس کا مقصد خطے میں عدم استحکام پیدا کرنا ہے۔
مزید پڑھیں: خضدار اسکول بس حملہ: 3 بچوں سمیت 5 افراد شہید، متعدد بچے زخمی
انہوں نے کہا کہ سکھ کمیونٹی اس دکھ کی گھڑی میں شہدا کے لواحقین کے ساتھ کھڑی ہے اور اس بزدلانہ حملے کے خلاف آواز بلند کرتی رہے گی۔ پنوں نے دعویٰ کیا کہ بلوچستان میں جو خون بہایا گیا، اُس کے پیچھے مودی کا ہاتھ ہے اور دنیا کو اس کا محاسبہ کرنا چاہیے۔
گرپتونت سنگھ پنوں نے مطالبہ کیا کہ عالمی ادارے بلوچستان میں بھارتی دہشتگردی کا نوٹس لیں اور معصوم جانوں کے ضیاع پر بھارت سے جواب طلب کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان بنیان المرصوص سکھ فار جسٹس سکھ کمیونٹی گرپتونت سنگھ پنوں مودی سرکار.ذریعہ: WE News
کلیدی لفظ: بلوچستان بنیان المرصوص سکھ فار جسٹس سکھ کمیونٹی گرپتونت سنگھ پنوں مودی سرکار گرپتونت سنگھ پنوں بلوچستان میں
پڑھیں:
علامہ باقر زیدی کی خضدار میں معصوم بچوں کو دہشتگردی کا نشانہ بنانے کی مذمت
ایم ڈبلیو ایم سندھ کے صدر کا کہنا تھا کہ استعماری قوتیں ملک میں عدم استحکام دیکھنا چاہتے ہیں، بلوچستان میں جاری دہشتگردی میں دہشتگرد جماعتوں کے پیچھے بھارتی و اسرائیلی خفیہ ایجنسیاں ملوث ہیں، دہشتگردوں اور ان کے سہولت کاروں کے خلاف بھر پور ایکشن لیا جانا ضروری ہے۔ اسلام ٹائمز۔ مجلس وحدت مسلمین پاکستان صوبہ سندھ کے صدر علامہ باقر عباس زیدی نے خضدار معصوم بچوں کو دہشتگردی کا نشانہ بنانے کی مذمت کرتے ہوئے کہا ہے کہ بزدلانہ کاروائی میں بھارت اور اسرائیل ملوث ہے، اس سے قبل بھی پشاور سانحہ آرمی پبلک اسکول میں معصوم بچوں کو دہشتگردی کا نشانہ بنایا گیا تھا، بلوچستان میں مسلسل دہشتگری پھیلا کر ہر طبقات میں خوف کی فضا پیدا کی جارہی ہے، بھارت و اسرائیل ہمیشہ عالمی میڈیا میں پاکستان کو ایک ایسی غیر محفوظ ریاست جہاں دہشت گردوں کی محفوظ پناہ گاہیں ثابت کرنے کے لیے ایڑی چوٹی کا زور لگانے کی مذموم سازشیں کرتے رہیں ہیں، ماضی میں سانحہ پشاور اور آج خضدار میں تاریخ کی بدترین دہشتگردی ہوئی۔
ان کا کہنا تھا کہ استعماری قوتیں ملک میں عدم استحکام دیکھنا چاہتے ہیں، بلوچستان میں جاری دہشتگردی میں دہشتگرد جماعتوں کے پیچھے بھارتی و اسرائیلی خفیہ ایجنسیاں ملوث ہیں، دہشتگردوں اور ان کے سہولت کاروں کے خلاف بھر پور ایکشن لیا جانا ضروری ہے، آج ملک و اسلام دشمن عناصر کی ہار کا دن ہے پوری قوم دہشتگردی کے خلاف متحد ہے، ننھے پھولوں کی قربانی رائے گاہ نہیں جائیں گی، واقعہ میں ملوث دہشتگردوں کے خلاف فوری آپریشن کیا جائے، خضدار بس میں شہید ہونے والے بچوں کے لواحقین سے دلی ہمدردی کا اظہار کیا۔ ان کا کہنا تھا کہ اہلخانہ کے غم میں برابر کے شریک ہیں، زخمیوں کی جلد صحتیابی کیلئے دعا کے ساتھ عوام سے ان کی صحتیابی کی دعا کی اپیل کی۔
ہم ثابت قدم اور متحد رہے، اور وقار کے ساتھ فتح یاب ہوئے؛صدر مملکت