بھارت نے اپنے کٹھ پتلی دہشت گردوں کےذریعے بلوچستان میں بچوں کو نشانہ بنایا، علی رضا سید
اشاعت کی تاریخ: 22nd, May 2025 GMT
چیئرمین کشمیرکونسل ای یو علی رضا سید نے کہا ہے کہ بلوچستان کے علاقے خضدار میں بھارت نواز دہشت گردوں کے حملے میں اسکول کے معصوم بچوں کا قتل عام قابلِ مذمت ہے۔
علی رضا سید نے اپنے بیان میں کہاکہ بھارت نے اپنے کٹھ پتلی دہشت گردوں کے ذریعے بلوچستان میں اسکول کے معصوم اور نہتے بچوں کو نشانہ بنایا۔ یہ بھارتی سفاکی اور بزدلی کی انتہا ہے۔
انہوں نے کہاکہ میدان جنگ میں شکست کھانے کے بعد بھارت بوکھلاہٹ کا شکار ہے اور اوچھے ہتھکنڈوں پر اتر آیا ہے۔
علی رضا سید نے کہاکہ پاکستان اور آزادکشمیر میں حالیہ بھارتی حملوں میں بھی بچوں و خواتین سمیت متعدد افراد شہید ہوئے۔
چیئرمین کشمیرکونسل ای یو نے مزید کہاکہ بھارت نے پہلگام حملے کی آڑ میں بھی مقبوضہ کشمیر میں بچوں اور خواتین پر ظلم و ستم کیا۔
انہوں نے کہاکہ عالمی برادری کو غیرانسانی بھارتی ظالمانہ ہتھکنڈوں پر فوری نوٹس لینا چاہیے۔
علی رضا سید کا کہنا تھا کہ اقوام عالم کو کشمیریوں پر بھارتی مظالم روکوانا ہوںگے، عالمی طاقتیں کشمیریوں کو ان کا حق خودارادیت دلوائیں۔
واضح رہے کہ خضدار میں بدھ کو اسکول بس پر دہشت گردانہ حملے میں 4 بچوں سمیت 6 افراد شہید ہوئے اور چالیس سے زائد بچے زخمی ہوئے۔
Post Views: 4.ذریعہ: Daily Mumtaz
کلیدی لفظ: علی رضا سید
پڑھیں:
بہت ہوچکا، دہشت گردوں کے لیے کوئی رعایت نہیں:علی ظفر
---فائل فوٹورہنما پی ٹی آئی اور سینیٹر علی ظفر نے خضدار بس حملے کی مذمت کرتے ہوئے کہا کہ بہت ہوچکا، دہشت گردوں کے لیے کوئی رعایت نہیں۔
سینیٹ اجلاس میں اظہار خیال کرتے ہوئے بیرسٹر علی ظفر نے کہا کہ ہم نے بلوچستان میں حملے میں معصوم جانیں گنوائیں، سانحہ خضدار ناقابل قبول ہے۔
انہوں نے کہا کہ پاکستان نے بہادر قوم کی طرح بھارت کو منہ توڑ جواب دیا، دنیا پر ثابت کیا ہم اخلاقی، سفارتی اور فوجی لحاظ سے بالادست ہیں، بھارت کی پاکستان کا پانی بند کرنے کی کوشش برداشت نہیں کی جائے گی۔
پاکستان تحریک انصاف (پی ٹی آئی) سینیٹر علی ظفر نے کہا ہے کہ نریندر مودی ہمیں ڈرائیں نہیں ہم سے ڈریں۔
ان کا کہنا ہے کہ ہم نے بھارت میں سویلینز کو نشانہ نہیں بنایا، بھارت نے ہماری آبادی کو نشانہ بنایا، شہید بچوں کے ورثا سے دلی ہمدردی کا اظہار کرتا ہوں۔
بیرسٹر علی ظفر نے پاکستان افریقا کلچرل فیسٹیول کے انعقاد کی تجویز پیش کرتے ہوئے کہا فیسٹیول کا مقصد دونوں خطوں کی ثقافت، موسیقی اور قصہ گوئی کو اجاگر کرنا ہے، 2019 میں پاکستان نے افریقہ سے رابطوں کی پالیسی شروع کی تھی۔
انہوں نے کہا کہ پاکستان اور افریقا کا تعلق صرف سفارتی یا معاشی نہیں، ثقافتی بھی ہے، کلچرل فیسٹیول پاکستان افریقا تعلقات کو سیاست اور تجارت سے آگے لے جائے گا۔
مسئلہ کشمیر پر ڈونلڈ ٹرمپ کی ثالثی کا خیر مقدم کرتے ہیں، بیرسٹر سلطان