اسحاق ڈار کی سخت ہدایات کے باوجود چینی کی قیمتوں میں کمی نہ ہو سکی
اشاعت کی تاریخ: 22nd, May 2025 GMT
نائب وزیراعظم اسحاق ڈار کی جانب سے چینی کی فی کلو ریٹیل قیمت 164 روپے کرنے کی سخت ہدایات کے باوجود اب تک چینی کی قیمت میں کمی نہ ہو سکی ہے، دکانوں پر چینی 180 سے 185 روپے فی کلو میں فروخت ہو رہی ہے، جبکہ ہول سیل مارکیٹ میں 50 کلو کا تھیلا 8600 یعنی 172 روپے فی کلو میں فروخت ہو رہا ہے۔
سیاست میں موجود شوگرملز مالکان اور ان کے رشتے دار کون ہیں؟َیہ بھی پڑھیں:
رواں سال کے آغاز میں ملک بھر میں میں چینی کی قیمت 140 روپے تھی جبکہ منڈیوں میں چینے کے 50 کلو والے تھیلے کی قیمت 6ہزار 200 روپے تھی، اب پرچون میں فی کلو قیمت 180 سے 185 روپے ہو گئی ہے جبکہ 50 کلو والے تھیلے کی قیمت 1800 روپے بڑھ کر 8 ہزار 600 روپے کا ہو گیا ہے۔
حکومت نے شوگر ملز کے اصرار پر اضافی چینی ایکسپورٹ کرنے کی اجازت دی تھی، اسی وجہ سے چینی کی قیمت میں اچانک بڑا اضافہ ہو گیا ہے، البتہ ایکسپورٹ کی اجازت اس شرط پر دی گئی تھی کہ لوکل مارکیٹ چینی کے ریٹ میں اضافہ نہیں ہو گا۔
چینی کی ایکسپورٹحکومت نے ملک بھر میں چینی کی اضافی مقدار موجود ہونے اور قیمتوں میں اضافہ نہ ہونے کی یقین دہانی پر گزشتہ سال جون سے اکتوبر 2024 کے دوران 7 لاکھ 50 ہزار ٹن اور اکتوبر کے بعد 5 لاکھ میٹرک ٹن چینی ایکسپورٹ کرنےکی اجازت دی تھی، رواں مالی سال کے 7 ماہ کے دوران سب سے زیادہ افغانستان کو 26 کروڑ 27 لاکھ ڈالر مالیت کی چینی ایکسپورٹ کی گئی ہے۔
گزشتہ ہفتے 14 مئی کو نائب وزیراعظم اسحاق ڈار کی زیر صدارت چینی کی قیمتوں سے متعلق اجلاس ہوا تھا، جس میں اسحاق ڈار نے شوگر ملز ایسوسی ایشن کے نمائندگان کو چینی کی قیمت فوری کم کرنے کا حکم دیا تھا، اسحاق ڈار نے چینی کا ایکس مل ریٹ 164 روپے فی کلو سے کم کرکہ 159 روپے تک لانے کا حکم دیا تھا جس پر عمل نہ ہو سکا ہے۔
اس سے قبل 19 مارچ 2025 کو بھی نائب وزیراعظم اسحاق ڈار نے چینی کی قیمتوں میں اضافے کا سخت نوٹس لیا تھا اور حکم دیا تھا کہ اب سے ریٹیل قیمت 164 روپے فی کلو جبکہ ایکس ملز قیمت 159 روپے فی کلو رہے گی، تاہم 2 ماہ گزرنے کے باوجود چینی کی قیمتوں میں کمی نہیں ہو سکی ہے۔
دکانداروں کا مؤقفدکانداروں کا کہنا ہے کہ ہم 172 روپے فی کلو کے حساب سے منڈیوں سے خریداری کر رہے ہیں، پھر اس پر اخراجات اور کرائے علیحدہ ہیں، تو کیسے ہم چینی 164 روپے فی کلو میں فروخت کر سکتے ہیں، اگر حکومت کہتی ہے کہ چینی 154 روپے فی کلو فروخت کرے تو وہ اس بات کو یقینی بنائیں کہ منڈیوں میں بھی چینی 159 روپے کے حساب سے دستیاب ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار چینی چینی ایکسپورٹ شوگر.
ذریعہ
ذریعہ: WE News
کلیدی لفظ: اسحاق ڈار چینی چینی ایکسپورٹ شوگر چینی کی قیمتوں چینی ایکسپورٹ چینی کی قیمت روپے فی کلو قیمتوں میں اسحاق ڈار
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی