نامعلوم شخص کی سلمان خان کے گھر میں گھسنے کی کوشش، اداکار کہاں تھے؟
اشاعت کی تاریخ: 22nd, May 2025 GMT
بھارت کے معروف اداکار سلمان خان کو کافی عرصے سے قتل کی دھمکیاں مل رہی ہیں جس کے بعد ان کی سیکیورٹی بڑھا دی گئی ہے لیکن اس کے باوجود ایک نامعلوم شخص نے سلمان خان کے باندرہ میں واقع گلیکسی اپارٹمنٹ میں گھسنے کی کوشش کی۔
بھارتی میڈیا کے مطابق پولیس نے انکشاف کیا کہ جتیندر کمار سنگھ نامی 23 سالہ نوجوان نے 20 مئی کو اداکار سلمان خان کے گھر میں داخل ہونے کی کوشش کی۔
پولیس کے مطابق جتیندر کو پہلی بار صبح 9:45 بجے کے آس پاس سلمان خان کے باندرہ میں واقع گھر کے آس پاس گھومتے ہوئے دیکھا گیا۔ اس کے بعد سلمان کی سیکیورٹی پر تعینات پولیس افسر نے اسے وہاں سے جانے کو کہا جس پر وہ غصے میں آ گیا اور اس نے اپنا موبائل فون زمین پر پھینک کر توڑ دیا۔
یہ بھی پڑھیں: سلمان خان کو گھر میں قتل کردیں گے، پولیس کو یہ پیغام کس نے پہنچایا؟
اسی دن شام کے وقت جتیندر ایک ایسی کار میں سوار ہو کر گلیکسی اپارٹمنٹس میں داخل ہوا جو اسی عمارت میں رہنے والے شخص کی تھی۔ تاہم، اسے دوبارہ پولیس نے روک لیا۔ اس بار پولیس نے اسے باندرہ پولیس کے حوالے کر دیا۔
تفتیش کے دوران جتیندر نے پولیس کو بتایا کہ وہ اداکار سے ملنا چاہتا تھا لیکن پولیس اسے ملنے نہیں دے رہی تھی اس لیے وہ چھپنے کی کوشش کر رہا تھا۔
جتیندر چھتیس گڑھ کا رہائشی ہے جسے پولیس نے گرفتار کر لیا گیا ہے اور اس کے خلاف مقدمہ درج کر لیا گیا ہے جبکہ مزید تفتیش جاری ہے۔ یہ واضح نہیں ہے کہ واقعے کے وقت سلمان خان اپنے گھر پر موجود تھے یا نہیں۔
یہ بھی پڑھیں: قتل کی دھمکیوں کے بعد سلمان خان نے سوشل میڈیا پر کیا پیغام دیا؟
واضح رہے کہ گزشتہ چند مہینوں کے دوران سلمان خان کو متعدد دھمکیاں ملی ہیں، جس کی وجہ سے ان کی سیکیورٹی میں اضافہ کر دیا گیا ہے۔ ممبئی پولیس اس واقعے کو سنجیدگی سے لے رہی ہے اور سلمان خان کی حفاظت کو یقینی بنانے اور پیغام کے پیچھے موجود محرکات کی تحقیقات کر رہی ہے۔
گزشتہ سال 5 نومبر کو، ممبئی پولیس کو سلمان خان کے خلاف مبینہ طور پر لارنس بشنوئی گینگ کی جانب سے دھمکی آمیز پیغام موصول ہوا۔ اس پیغام میں اداکار کو دو آپشنز دیے گئے: معافی مانگو یا زندہ رہنے کے لیے 5 کروڑ روپے دو۔ اسے بعد میں ایک اور دھمکی آمیز پیغام بھی ملا جس میں کہا گیا کہ کہ اداکار کو ان کے گھر میں قتل کر دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سلمان خان سلمان خان قتل کی دھمکی.ذریعہ: WE News
کلیدی لفظ: بالی ووڈ سلمان خان قتل کی دھمکی سلمان خان کے پولیس نے کی کوشش گھر میں
پڑھیں:
ہالی ووڈ کے عالمی شہرت یافتہ اداکار رابرٹ ریڈفورڈ انتقال کر گئے
ہالی ووڈ کے آسکر ایوارڈ یافتہ عظیم اداکار اور ڈائریکٹر رابرٹ ریڈفورڈ 89 برس کی عمر میں انتقال کر گئے۔
عالمی خبر رساں ادارے کے مطابق اداکار کو جب صبح نیند سے بیدار کرنے کی کوشش کی کیی گئی تو وہ مردہ پائے گئے۔
وہ کافی عرصے سے نقاہت اور عمر رسیدگی سے جڑے دیگر امراض میں مبتلا تھے اور مختلف دوائیں لے رہے تھے۔
ریڈفورڈ کو نہ صرف آسکر ایوارڈ یافتہ اداکار کے طور پر بلکہ ایک بااثر فلم ساز اور سنڈینس انسٹی ٹیوٹ کے بانی کے طور پر بھی جانا جاتا تھا۔
1937 میں سینٹا مونیکا، کیلیفورنیا میں پیدا ہونے والے ریڈفورڈ نے ابتدا میں پینٹنگ کی تربیت حاصل کی لیکن بعد میں اداکاری کی طرف راغب ہوئے اور جلد ہی براد وے اور پھر فلم انڈسٹری میں قدم رکھا۔
ان کی پہلی فلم Warhunt 1962 میں ریلیز ہوئی، جبکہ 1967 کی کامیڈی Barefoot in the Park سے انہیں پہچان ملی۔
ان کا سب سے بڑا بڑا کارنامہ Indie Films کو عالمی سطح پر فروغ دینا ہے۔ کیریئر کے آغاز میں ہی رومانوی فلموں جیسے Out of Africa میں شائقین کے دل جیت لیے تھے۔
علاوہ ازیں The Candidate اور All the President’s Men میں سیاسی موضوعات پر کام کیا جبکہ The Electric Horseman اور Indecent Proposal جیسی فلموں میں اپنے "گولڈن بوائے" امیج کو چیلنج بھی کیا۔
1980 میں بطور ہدایتکار ڈیبیو فلم Ordinary People نے بہترین فلم اور بہترین ڈائریکٹر کے آسکر ایوارڈز جیتے۔
تاہم وہ سب سے زیادہ مشہور اپنی دو فلموں Butch Cassidy and the Sundance Kid (1969) اور The Sting (1973) میں ہوئے جو انہوں نے اداکار پال نیومین کے ساتھ کیں اور آج بھی یہ فلمیں کلاسکس شمار ہوتی ہیں۔
ریڈفورڈ کی نجی زندگی بھی خبروں میں رہی۔ وہ ایک طویل عرصے تک پہلی بیوی کے ساتھ رشتہ ازدواج میں رہے جس کا 1985 میں خاتمہ ہوا۔ 2009 میں انہوں نے جرمن آرٹسٹ سبائل زاگارز سے شادی کی۔
اداکاری کے علاوہ وہ ماحولیاتی مہمات کے بھی بڑے حامی تھے اور National Wildlife Federation جیسے اداروں کے ساتھ کام کرتے رہے۔
ریڈفورڈ کو 2001 میں لائف ٹائم اچیومنٹ آسکر ملا اور وہ 2017 تک فلم انڈسٹری میں سرگرم رہے۔ ان کی آخری نمایاں فلم Our Souls at Night تھی جس میں انہوں نے اپنی پرانی ساتھی اداکارہ جین فونڈا کے ساتھ کام کیا۔
پاک بھارت کشیدہ تعلقات کے دوران 67 پاکستانی قیدی رہا، برسوں بعد وطن واپسی