اسلام آباد پولیس کا جرائم پیشہ عناصر کے خلاف کریک ڈاؤن، جرائم میں 32 فیصد کمی
اشاعت کی تاریخ: 23rd, May 2025 GMT
اسلام آباد پولیس کی جانب سے رواں سال مجرمانہ سرگرمیوں کے خلاف بھرپور آپریشن اور کریک ڈاؤن کے باعث وفاقی دارالحکومت میں جرائم کی شرح میں نمایاں کمی دیکھنے میں آئی ہے۔ پولیس ترجمان کے مطابق گزشتہ سال کے مقابلے میں رواں سال جرائم کی شرح میں 32 فیصد کمی ریکارڈ کی گئی ہے۔
پولیس نے رواں سال مجموعی طور پر 8,784 ملزمان کو گرفتار کرکے قانون کے کٹہرے میں کھڑا کیا۔ اس دوران شہریوں سے لوٹا گیا 81 کروڑ 43 لاکھ روپے سے زائد مال مسروقہ بھی برآمد کیا گیا۔ ڈکیتی، راہزنی، چوری اور گاڑی چوری میں ملوث 290 گینگز کے 649 اراکین کو گرفتار کیا گیا، جبکہ 152 مسروقہ گاڑیاں اور 320 موٹر سائیکلیں بھی بازیاب کرکے اصل مالکان کے حوالے کی گئیں۔
مزید پڑھیں: اسلام آباد پولیس نے شف شف سے بزرگ باباجی کا علاج کردیا، ویڈیو وائرل
سنگین جرائم میں مطلوب 896 اشتہاری مجرمان اور عدالتی مفروران کو بھی گرفتار کیا گیا۔ غیر قانونی اسلحہ کے خلاف کارروائیوں میں 940 ملزمان کو حراست میں لے کر 1,024 پستول، 117 کلاشنکوفیں، 20 بندوقیں/کاربینز اور بڑی مقدار میں گولہ بارود برآمد کیا گیا۔
منشیات کے خلاف ’نشہ اب نہیں‘ مہم کے تحت 736 ملزمان کو گرفتار کیا گیا جن کے قبضے سے بھاری مقدار میں چرس، ہیروئن اور آئس بھی برآمد ہوئی۔ پولیس ترجمان کے مطابق اسلام آباد پولیس شہریوں کے جان و مال کے تحفظ کے لیے ہر وقت مستعد ہے اور اس کی اولین ترجیح امن و امان کا قیام ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: اسلام آباد پولیس کے خلاف کیا گیا
پڑھیں:
اسلام آباد ائیرپورٹ پر ناخوشگوار واقعہ، اے ایس ایف اہلکار برطرف
سٹی 42: ائیرپورٹ سیکیورٹی فورس نے بڑا ایکشن لیتے ہوئے اہلکار کو برطرف کردیا
اسلام آباد ائیرپورٹ پر ناخوشگوار واقعہ پیش آیا ، سعودی مسافر کو اہلکار نے فیملی کے سامنے تھپڑ مارا تھا،واقعہ منگل کے روز اسلام آباد ائیرپورٹ پر پیش آیا
مسافر پر تشدد کی ویڈیو سوشل میڈیا پر وائرل ہوگئی ، اے ایس ایف حکام نے واقعے کا نوٹس لے لیا،اے ایس ایف نے واقعے میں ملوث اے ایس ایف اہلکار برطرف کردیا۔
برطانیہ: بارشیں نہ ہونے سے خشک سالی کاخطرہ پیداہوگیا
اصلاحات کے بغیر آئی ایم ایف سے چھٹکارا ممکن نہیں: وفاقی وزیرِ خزانہ