ملک کو معاشی استحکام کے لئے میثاق معیشت ناگزیر ہے، گورنر سندھ
اشاعت کی تاریخ: 23rd, May 2025 GMT
کانفرنس سے خطاب میں کامران ٹیسوری نے کہا کہ تاجر برادری نے ہمیشہ ملکی معیشت کے استحکام میں کردار ادا کیا، تاجروں نے کبھی پاکستان کو مایوس نہیں کیا، پاکستانی معیشت کا پہیہ تاجروں کی وجہ سے چل رہا ہے، پوری قوم نے بھارت اور دنیا کو اتحاد کا پیغام دیا، ہم ایک ہیں اور ہمیشہ ایک رہیں گے۔ اسلام ٹائمز۔ گورنر سندھ کامران ٹیسوری نے کہا ہے کہ ملک کو معاشی استحکام کے لئے میثاقِ معیشت ناگزیر ہے، سیاسی جماعتیں اختلافات بھلا کر معیشت کے لئے متحد ہوں، ملکی ترقی کے لیے مشترکہ لائحہ عمل وقت کی ضرورت ہے۔ ان خیالات کا اظہار انہوں نے اسلام آباد میں 17ویں آل پاکستان چیمبرز پریزیڈنٹ کانفرنس سے خطاب کرتے ہوئے کیا۔ گورنر سندھ نے کہا کہ تاجر برادری نے ہمیشہ ملکی معیشت کے استحکام میں کردار ادا کیا، تاجروں نے کبھی پاکستان کو مایوس نہیں کیا، پاکستانی معیشت کا پہیہ تاجروں کی وجہ سے چل رہا ہے۔ انہوں نے کہا کہ پوری قوم نے بھارت اور دنیا کو اتحاد کا پیغام دیا، ہم ایک ہیں اور ہمیشہ ایک رہیں گے۔ انہوں نے کہا کہ آذربائیجان اور ترکیہ نے پاکستان کا کھل کر ساتھ دیا۔ گورنر سندھ نے راولپنڈی چیمبرز کی جانب سے ترکیہ کے سفیر کو یادگاری شیلڈ پیش کی۔
.ذریعہ: Islam Times
کلیدی لفظ: گورنر سندھ نے کہا کہ
پڑھیں:
بھارتی مظالم سے کشمیری مسلمان دن رات شہید ہو رہے ہیں، گورنر سندھ
اسلام آباد:گورنر سندھ کامران خان ٹیسوری نے کہا ہے کہ مقبوضہ کشمیر میں انسانیت سسک رہی ہے، دنیا خاموش تماشائی ہے اور بھارتی مظالم سے کشمیری مسلمان دن رات شہید ہو رہے ہیں۔
اسلام آباد میں تقریب سے خطاب کرتے ہوئے گورنر سندھ کامران ٹیسوری نے کہا کہ 10 مئی 2025 کا دن پاکستانی قوم کے جذبے کا ثبوت بن گیا ہے، ہم نے 65 اور 71 کی جنگیں نہیں دیکھیں لیکن دشمن کی للکار کا جواب ضرور دیا۔
انہوں نے کہا کہ پاکستان اللہ کے نام پر حاصل کیا گیا، کوئی اسے رات کے اندھیرے میں نہیں جھکا سکتا، بھارت نے معصوم بچوں اور مسجدوں کو نشانہ بنایا، ہم نے بدلے میں کسی کا بچہ یا مندر نشانہ نہیں بنایا اور یہی ہمارا دین ہے۔
گورنر سندھ کا کہنا تھا کہ دشمن سن لے، ہم کم وسائل کے باوجود ایمان اور قربانی میں آگے ہیں، ہم نے ہمیشہ صبر کا دامن تھاما، جنگ کا فیصلہ اللہ پر چھوڑا، وزیراعظم نے سفارتی محاذ پر بھارت کو بے نقاب کیا۔
ان کا کہنا تھا کہ حافظ عاصم منیر نے بھارت اور اندرونی سازشوں کے خلاف دو محاذوں پر جنگ لڑی، حافظ قرآن سپہ سالار نے پاکستان کا سر دنیا بھر میں بلند کیا، 10 مئی کے بعد خطے میں طاقت کا توازن پاکستان کے حق میں ہو چکا ہے۔
انہوں نے کہا کہ پاک فوج، نیوی، ایئر فورس نے پیشہ ورانہ مہارت کا ثبوت دیا، دشمن سن لے، پاکستانی شاہین شہادت کو گلے لگاتے ہیں، میدان نہیں چھوڑتے، دوسروں کی جنگوں میں ہمیں ہمیشہ سگریٹ کی طرح استعمال کیا گیا لیکن اب ہم وہ نشہ بنیں گے جو دشمن کو خود تباہ کر دے گا۔
کامران ٹیسوری نے کہا کہ بھارتی مظالم سے کشمیری مسلمان دن رات شہید ہو رہے ہیں، مقبوضہ کشمیر میں انسانیت سسک رہی ہے اور دنیا خاموش تماشائی ہے، طاقت نہ ہونے کی وجہ سے کشمیریوں کو انصاف نہیں مل رہا ہے۔
انہوں نے کہا کہ افواج پاکستان نے ثابت کر دیا دفاع مضبوط ہاتھوں میں ہے، آج بھارت کی بالادستی کا خاتمہ ہو چکا ہے۔
گورنر سندھ نے کہا کہ سوشل میڈیا پر منفی پروپیگنڈے سے اجتناب کریں، اللہ نے ایک بار پھر ہمیں موقع دیا ہے، قوم اس کو ضائع نہ کریں، آئیں سیاسی استحکام اور معیشت کی بحالی کے لیے متحد ہوں۔
ان کا کہنا تھا کہ عالمی مالیاتی ادارہ (آئی ایم ایف) سے نجات اور خود انحصاری وقت کی ضرورت ہے، پاکستان کی غربت کے خاتمے کے لیے پوری قوم کو نکلنا ہوگا۔
شاہ محمود قریشی عارضہ قلب میں مبتلا، اسپتال منتقل