اسلامی معیشت میں فرد کی فلاح اولین ترجیح ہے، ڈاکٹر حسین قادری
اشاعت کی تاریخ: 23rd, May 2025 GMT
صدر منہاج القرآن انٹرنیشنل کا بجٹ کے حوالے سے منعقدہ خصوصی نشست سے خطاب میں کہنا تھا کہ بجٹ میں تعلیم اور صحت کے شعبوں پر سب سے زیادہ توجہ دی جائے، جہاں غربت ہو گی وہاں بدامنی اور جہالت بھی ہو گی۔ اسلام ٹائمز۔ منہاج القرآن انٹرنیشنل کے صدر، معاشی ماہر پروفیسر ڈاکٹر حسین محی الدین قادری نے کہا ہے کہ اسلامی معیشت میں فرد کی فلاح اولین ترجیح ہے، بجٹ میں تعلیم اور صحت کے شعبوں پر سب سے زیادہ توجہ دی جائے، جہاں غربت ہو گی وہاں بدامنی اور جہالت بھی ہو گی۔ انہوں آمدہ بجٹ کے حوالے سے منعقدہ خصوصی نشست میں اظہار خیال کرتے ہوئے کہا کہ ریاست اپنے شہریوں کو معیاری تعلیم اور صحت کی معیاری سہولتیں فراہم کر کے ان کی معاشی زندگی میں انقلاب لا سکتی ہے، تعلیم اور صحت ہر امیر اور غریب کی یکساں ضرورت ہے، صاحب حیثیت طبقہ اپنی مالی آسودگی کی وجہ سے نجی شعبہ سے ان سہولتوں سے فائدہ اٹھا لیتا ہے مگر غریب اور متوسط طبقہ اور خاندان تعلیم اور صحت پر خرچ کریں تو اُن کے پاس اتنے وسائل باقی نہیں بچتے کہ وہ جسم اور روح کا رشتہ برقرار رکھ سکیں۔
انہوں نے کہا کہ ہزارہا سرکاری سکول اور سرکاری ہسپتال موجود ہیں انہیں مفت ادویات کے لئے وافر بجٹ بھی مہیا کیا جاتا ہے، ڈاکٹرز اور طبی عملہ کی سہولیات بھی ان ہسپتالوں اور ڈسپنسریز اور تعلیمی اداروں کو دستیاب ہوتی ہیں مگر فرض شناسی، احساس ذمہ داری اور چیک اینڈ بیلنس کے کمزور نظام کی وجہ سے عام آدمی ان سرکاری سہولیات سے فائدہ نہیں اٹھا پاتے، ریاست کرپشن اور نااہلی پر قابو پا کر اور اپنے انتظامی میکانزم کو فعال اور ذمہ دارانہ بنا کر سرکاری وسائل کو عام آدمی تک پہنچا سکتی ہے۔ اگر تعلیم اور صحت کی مدات میں ریاست اپنے شہریوں کو سہولیات فراہم کر دے تو عام آدمی کے ماہانہ ہزار ہا روپے کی بچت ہو سکتی ہے اور ان کا معیار زندگی بہتر ہو سکتا ہے۔
ذریعہ: Islam Times
کلیدی لفظ: تعلیم اور صحت
پڑھیں:
موٹروے توڑنا آسان فیصلہ نہیں، ہر قیمت پر جلال پور پیر والا کو بچانا ترجیح ہے: عبدالعلیم خان
—تصویر بشکریہ سوشل میڈیاوفاقی وزیرِ مواصلات عبدالعلیم خان کا کہنا ہے کہ جلالپور پیر والا کو بچانے کے لیے موٹر وے توڑنا آسان فیصلہ نہیں، شہریوں کی جان و مال زیادہ اہم ہے، ہر قیمت پر جلال پور پیر والا شہر کو بچانا ترجیح ہے۔
ملتان میں عبدالعلیم خان نے جلالپور پیر والا کا دورہ کیا جہاں انہوں نے موٹروے ایم 5 کو پہنچنے والے نقصان اور بحالی کے اقدامات کا جائزہ لیا۔
اس موقع پر میڈیا سے گفتگو میں انہوں نے کہا کہ 3 ہفتوں سے جلالپور پیر والا شہر کو بچانے کی کوشش جاری ہے، موٹروے کے ساتھ دونوں طرف پانی 20 کلو میٹر تک ہے۔
وفاقی وزیرِ مواصلات عبدالعلیم خان نے کہا کہ پنجاب حکومت فیصلہ کرے، این ایچ اے ان کے شانہ بشانہ کھڑی ہے۔
اس موقع پر عبدالعلیم خان نے پنجاب کی سینئر وزیر مریم اورنگزیب اور صوبائی وزراء کے ہمراہ مشترکہ اجلاس میں بھی شرکت کی۔
اجلاس میں سیکریٹری مواصلات، چیئرمین این ایچ اے اور کمشنر نے بریفنگ دی۔
اعلامیے کے مطابق موٹروے پر مزید شگاف کے لیے نیسپاک، آبپاشی، واٹر سروسز اور متعلقہ ادارے رابطے میں ہیں،این ایچ اے و آبپاشی کے ماہرین کی ٹیکنیکل کمیٹی قائم کر دی گئی ہے، صورتِ حال کی مسلسل مانیٹرنگ ہو گی۔
ہمالیہ ایئرلائنز کی پرواز منسوخ، بیمان کی پرواز واپس موڑ دی گئی