کیا گلوکار حسن رحیم نے شادی کرلی؟
اشاعت کی تاریخ: 25th, May 2025 GMT
معروف پاکستانی گلوکار حسن رحیم کی وائرل شادی کی تصویر کی حقیقت سامنے آگئی۔
حسن رحیم نے حال ہی میں سوشل میڈیا پر وائرل ہونے والی اپنی شادی سے متعلق تصویر کی حقیقت واضح کر دی ہے۔ اس تصویر میں انہیں دولہے کے لباس میں ایک دلہن کے ساتھ دیکھا گیا تھا، جس سے مداحوں میں قیاس آرائیاں شروع ہو گئی تھیں کہ شاید انہوں نے خاموشی سے شادی کر لی ہے۔
تاہم اب یہ بات سامنے آئی ہے کہ یہ تصویر دراصل اُن کے نئے میوزک ویڈیو ’میموریز‘ کے پروموشنل مواد کا حصہ تھی۔ اس گانے میں ان کے ساتھ سوشل میڈیا پر مقبول ہونے والی جوڑی جسٹن بیبیز نے بھی شرکت کی ہے۔
A post shared by Niche Lifestyle (@nichelifestyle)
یاد رہے کہ ‘میموریز’ ایک نیا میوزک ویڈیو ہے جس میں دلکش مناظر، تخلیقی انداز اور رومانوی تھیم شامل ہے، اور اسے مداحوں کی جانب سے بھرپور پذیرائی حاصل ہو رہی ہے۔
وائرل ہونے والی شادی کے طرز پر بنائی گئی اس تصویر نے نہ صرف سوشل میڈیا پر خوب توجہ حاصل کی بلکہ گانے کی ریلیز کے لیے ایک مؤثر تشہیری حربے کے طور پر بھی کام کیا۔
حسن رحیم نے اس وضاحت کے ذریعے مداحوں کی غلط فہمی دور کر دی ہے اور بتایا کہ ان کی شادی نہیں ہوئی بلکہ یہ سب میوزک ویڈیو کی کہانی کا حصہ تھا۔
TagsShowbiz News Urdu.
ذریعہ: Al Qamar Online
پڑھیں:
مفیصل کپاڈیا کا ڈمپل کپاڈیا سے کیا رشتہ ہے؟ گلوکار کا انٹرویو میں انکشاف
پاکستان کے معروف گلوکار و موسیقار اور 30 برس تک 'اسٹرنگز' کا حصہ رہنے والے فیصل کپاڈیا نے انکشاف کیا ہے کہ بالی وڈ اداکارہ ڈمپل کپاڈیہ رشتے میں ان کی بھتیجی لگتی ہیں۔حال ہی میں فیصل کپاڈیا ایک غیر ملکی انٹرویو میں شریک ہوئے جس دوران انھوں نے اپنے کیرئیر سمیت مختلف موضوعات پر گفتگو کی۔ فیصل کپاڈیا نے بتایا کہ ’میں نے پہلی مرتبہ 1980 میں پاکستان کے مشہور میوزک کمپوزر سہیل رانا صاحب کے بچوں کے پروگرام ’سارے دوست ہمارے‘ میں پرفارم کیا تھااور اس وقت میری عمر 9 سے 10 سال تھی‘۔دوران گفتگو فیصل کپاڈیا نے انکشاف کیا کہ ’بھارتی اداکارہ ڈمپل کپاڈیا رشتے میں میری بھتیجی لگتی ہیں، ان کے مرحوم والد چنی بھائی 1984 میں ہمارے کزن کی شادی کیلئے کراچی بھی آچکے ہیں‘۔فیصل کپاڈیا کے مطابق ’جب چنی بھائی کراچی آئے اس وقت میں نے اپنی کزن کی شادی میں گانا گایا تھا، اس وقت چنی بھائی نے مجھ سے وعدہ کیا تھا کہ میں تمہیں اب بالی وڈ میں بھی گانا گواؤں گا لیکن اس کے بعد چنی بھائی کا انتقال ہوگیا‘۔گلوکار نے مزید بتایا کہ اس کے بعد میں نے بالی وڈ کیلئے گانے گائے، میرا بالی وڈ کا پہلا گانا یہ ہے یہ ہے میری کہانی، اور اسپائیڈر تھا۔
پاکستان میں آئندہ حج سستا ہونے کا امکان