خراب موسم، اسلام آباد ایئر پورٹ پر پروازوں کا شیڈول متاثر
اشاعت کی تاریخ: 24th, May 2025 GMT
اسلام آباد ایئر پورٹ—فائل فوٹو
خراب موسم کے باعث اسلام آباد ایئر پورٹ پر پروازوں کا شیڈول متاثر ہوا ہے۔
اسلام آباد ایئر پورٹ کے ذرائع کے مطابق لاہور، گلگت اور کابل سے اسلام آباد آنے والی پروازیں منسوخ ہو گئیں۔
لاہور میں شدید طوفانِ باد و باراں اور موسمی خرابی کے باعث پروازوں کو دشواری کا سامنا ہے، کراچی سے لاہور پہنچنے والی پرواز شدید طوفان کے باعث خوفناک حادثے سے بال بال بچ گئی۔
ایئر پورٹ ذرائع نے بتایا ہے کہ اسلام آباد سے اسکردو، لاہور اور کوئٹہ جانے والی پروازیں بھی منسوخ کر دی گئی ہیں۔
اسلام آباد ایئر پورٹ کے ذرائع کا کہنا ہے کہ ایک چارٹر طیارے کو خراب موسم کے باعث لینڈنگ کی اجازت نہیں ملی۔
فلائٹ انکوائری کا کہنا ہے کہ طیارے کو کنٹرول ٹاور کی ہدایات پر ڈائیورٹ کر دیا گیا۔
.ذریعہ: Jang News
کلیدی لفظ: اسلام ا باد ایئر پورٹ اسلام ا باد ا کے باعث
پڑھیں:
پنجاب: آندھی و طوفان سے 8 افراد جاں بحق، 45 زخمی
—فیس بک ویڈیو گریبپرووینشل ڈیزاسٹر مینجمنٹ اتھارٹی (پی ڈی ایم اے) نے پنجاب میں طوفان سے نقصانات کی ابتدائی رپورٹ جاری کر دی۔
ترجمان پی ڈی ایم اے کے مطابق پنجاب بھر میں آندھی و طوفان میں 8 شہری جاں بحق اور 45 زخمی ہوئے ہیں۔
ترجمان نے بتایا ہے کہ جہلم میں 3، راولپنڈی، شیخوپورہ، ننکانہ صاحب، سیالکوٹ اور میانوالی میں ایک ایک شہری جاں بحق ہوا ہے۔
لاہور میں شدید طوفانِ باد و باراں اور موسمی خرابی کے باعث پروازوں کو دشواری کا سامنا ہے، کراچی سے لاہور پہنچنے والی پرواز شدید طوفان کے باعث خوفناک حادثے سے بال بال بچ گئی۔
پرووینشل ڈیزاسٹر مینجمنٹ اتھارٹی کے ترجمان نے بتایا ہے کہ اموات بوسیدہ مکانات کے گرنے اور لوگوں کے غیر محفوظ مقامات پر ہونے کے باعث واقع ہوئی ہیں۔
ترجمان پی ڈی ایم اے کے مطابق لاہور میں درختوں کے گرنے اور سولر پینلز کو نقصان کے واقعات بھی رپورٹ ہوئے ہیں۔
دوسری جانب ڈی جی پی ڈی ایم اے کا کہنا ہے کہ حکومتِ پنجاب کی پالیسی کے مطابق متاثرہ خاندانوں کو مالی معاونت فراہم کی جائے گی۔
امریکی اخبار نے آپریشن ’بنیان مرصوص‘ پاک فوج کی بڑی کامیابی قرار دیدیا