روس کے یوکرین پر ڈرونز اور میزائل حملے، 13 افراد ہلاک، 30 سے زائد زخمی
اشاعت کی تاریخ: 25th, May 2025 GMT
روس(نیوز ڈیسک)روس نے یوکرین پر ڈرونز اور میزائلوں کی برسات کردی، حملے میں 13 افراد ہلاک اور 30 سے زائد زخمی ہوگئے۔
یوکرینی حکام کے مطابق روس نے دارالحکومت کیف سمیت مختلف شہروں میں ڈرون اور میزائل حملے کیے۔
رپورٹ کے مطابق روس کی جانب سے گزشتہ رات یوکرین پر 298 ڈرون اور 45 میزائل داغے گئے، جن سے کیف سمیت مختلف شہروں میں درجنوں عمارتیں کو نقصان پہنچا۔
یوکرینی وزارت دفاع کے مطابق روسی حملوں میں 13 افراد ہلاک اور 30 سے زائد زخمی ہوگئے، ہلاکتیں دارالحکومت کیف، مغربی اور جنوبی علاقوں میں ہوئیں۔
وزیراعظم ترکیہ، آذربائیجان، ایران اور تاجکستان کے 6 روزہ دورے پر روانہ
.ذریعہ: Daily Ausaf
پڑھیں:
آسٹریلیا میں سیلابی طوفان کی تباہ کاریاں، ہزاروں پھنس گئے، تین ہلاک
سڈنی: آسٹریلیا کی جنوب مشرقی ریاست نیو ساؤتھ ویلز میں شدید بارشوں کے باعث سیلاب سے تین افراد ہلاک اور ہزاروں افراد محصور ہو گئے ہیں۔ مقامی حکام کے مطابق مزید بارشوں کی پیش گوئی کی گئی ہے، جس سے صورتحال مزید خراب ہو سکتی ہے۔
ریاست نیو ساؤتھ ویلز کے علاقے ہنٹر اور مڈ نارتھ کوسٹ شدید متاثر ہوئے ہیں، جہاں کئی دیہات مکمل طور پر پانی میں ڈوب چکے ہیں۔ پولیس کے مطابق اب تک 590 افراد کو ریسکیو کیا جا چکا ہے جن میں کئی کو ہیلی کاپٹر کے ذریعے چھتوں سے نکالا گیا۔
حکام کے مطابق 50,000 سے زائد افراد کو انخلا کی تیاری کا حکم دیا گیا ہے، جبکہ 140 فلڈ وارننگز جاری ہیں۔ 9,500 سے زائد مکانات متاثر ہوئے ہیں، اور 100 سے زائد اسکول بند ہیں۔ کئی علاقوں میں بجلی بھی منقطع ہو چکی ہے۔
مڈ نارتھ کوسٹ کا علاقہ کندل ٹاؤن مکمل طور پر دنیا سے کٹ چکا ہے۔ ایک نرس نِکول سموٹ نے بتایا کہ وہ 67 بوڑھے افراد کی دیکھ بھال کر رہی ہیں اور امدادی ٹیموں کے ساتھ وہیں پھنسی ہوئی ہیں۔
ادھر طوفانی بارشوں کے باعث ماننگ دریا میں 100 سالہ ریکارڈ بھی ٹوٹ گیا۔ مقامی خاتون شیرینہ پیک کو بدھ کی رات دو بجے ان کے فارم ہاؤس سے نکالا گیا، مگر ان کی تمام قیمتی اشیاء بہہ گئیں۔
موسم کا حال بتانے والے ادارے کے مطابق جمعہ تک مزید 200 ملی میٹر تک بارش کا امکان ہے، جس سے مزید خطرناک فلیش فلڈز ہو سکتے ہیں۔
وفاق بجٹ سے قبل این ایف سی اجلاس بلائے، بیرسٹر سیف