امریکی صدر ڈونلڈ ٹرمپ نے روسی صدر ولادیمیر پیوٹن کو ’پاگل‘ قرار دے دیا
اشاعت کی تاریخ: 26th, May 2025 GMT
امریکی صدر ڈونلڈ ٹرمپ نے روس کے صدر ولادیمیر پیوٹن کی جانب سے یوکرین پر سب سے بڑے فضائی حملے کے بعد انہیں ’پاگل‘ قرار دیا ہے اور کہا ہے کہ وہ ان سے خوش نہیں ہیں، وہ بہت سے لوگوں کو مار رہے ہیں۔
نیو جرسی میں رپورٹرز سے بات کرتے ہوئے ٹرمپ نے کہا کہ وہ پیوٹن کو لمبے عرصے سے جانتے ہیں اور اچھے تعلقات رکھتے تھے، لیکن اب وہ شہروں پر حملے کر رہا ہے جسے وہ پسند نہیں کرتے۔ جب پابندیوں کے بارے میں پوچھا گیا تو ٹرمپ نے کہا بالکل، ہم پابندیاں بڑھائیں گے۔
ٹرمپ نے سوشل پوسٹ میں بھی لکھا کہ پیوٹن بالکل پاگل ہو گیا ہے اور کہا کہ پیوٹن چاہتا ہے کہ وہ پورے یوکرین پر قبضہ کر لے، جو روس کے زوال کا باعث بنے گا۔ ٹرمپ نے یوکرینی صدر زیلنسکی پر بھی سخت نکتہ چینی کی اور کہا کہ ان کے بیانات ملک کے لیے نقصان دہ ہیں اور انہیں فوراً بند ہونا چاہیے۔
مزید پڑھیں: ہمیں ٹینک اور کمپیوٹر چِپس چاہییں، ٹی شرٹس یا موزے نہیں، ٹرمپ
یورپی اتحادی روس پر مزید پابندیاں لگانے کی تیاری کر رہے ہیں جبکہ امریکا امن مذاکرات کو آگے بڑھانے یا ناکامی کی صورت میں اسے ترک کرنے کی تیاری میں ہے۔ یوکرینی صدر ولادیمیر زیلنسکی نے واشنگٹن کی حالیہ روسی حملوں پر خاموشی کو پیوٹن کی حوصلہ افزائی قرار دیا اور ماسکو پر سخت دباؤ، بشمول مزید پابندیاں، لگانے کا مطالبہ کیا ہے۔
اتوار کی شب روس کی جانب سے 367 ڈرونز اور میزائل داغے گئے، جو 2022 میں مکمل حملے کے بعد سے ایک رات میں سب سے زیادہ تعداد ہے۔ اس حملے میں کم از کم 12 افراد ہلاک اور درجنوں زخمی ہوئے۔ پیر کی صبح یوکرین کے کئی علاقوں میں ڈرونز اور میزائلوں کی آمد کی وارننگ بجائی گئی۔
گزشتہ ہفتے ٹرمپ اور پیوٹن کے درمیان 2 گھنٹے کی فون کال ہوئی جس میں امریکا کی طرف سے تجویز کردہ جنگ بندی پر بات ہوئی۔ ٹرمپ نے کہا کہ بات چیت بہت اچھی رہی اور دونوں ممالک جنگ بندی اور جنگ ختم کرنے کے لیے مذاکرات شروع کریں گے۔
مزید پڑھیں: ڈونلڈ ٹرمپ نے امریکی فوج کو طاقتور بنانے کا کریڈٹ خود کو دیدیا
یوکرین نے باضابطہ 30 روزہ جنگ بندی کی حمایت کی ہے، جبکہ پیوٹن نے کہا ہے کہ روس یوکرین کے ساتھ ممکنہ امن یادداشت پر کام کرے گا، جسے یوکرین اور یورپی ممالک تاخیری حربہ قرار دیتے ہیں۔
16 مئی کو ترکی کے استنبول میں دونوں ملکوں کے درمیان پہلی براہ راست بات چیت ہوئی تھی، مگر زیادہ پیش رفت نہیں ہوئی۔ روس اب قریباً 20 فیصد یوکرینی علاقے پر قابض ہے جس میں 2014 میں الحاق شدہ کریمیا بھی شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ پاگل روس کے صدر ولادیمیر پیوٹن یوکرین یوکرینی صدر زیلنسکی.ذریعہ: WE News
کلیدی لفظ: امریکی صدر ڈونلڈ ٹرمپ پاگل روس کے صدر ولادیمیر پیوٹن یوکرین یوکرینی صدر زیلنسکی صدر ولادیمیر ڈونلڈ ٹرمپ کہا کہ نے کہا
پڑھیں:
قیدیوں کے تبادلے کے بعد روس کا یوکرین پر بڑا حملہ، 12 ہلاک، درجنوں زخمی
قیدیوں کے تبادلے کے بعد روس کا یوکرین پر بڑا حملہ، 12 ہلاک، درجنوں زخمی WhatsAppFacebookTwitter 0 25 May, 2025 سب نیوز
کیف (آئی پی ایس )روس نے یوکرین کے دارالحکومت کیف پر مسلسل دوسرے روز فضائی حملے کیے جن میں میزائل اور ڈرونز کا استعمال کیا گیا۔ برطانوی خبر ایجنسی کے مطابق اتوار کی صبح کیے گئے ان حملوں میں 12 افراد ہلاک اور کم از کم 18 زخمی ہوئے، جن میں تین بچے بھی شامل ہیں۔ روسی حملے میں رہائشی عمارتوں کو بھی شدید نقصان پہنچا۔
میڈیا رپورٹس کے مطابق فضائی حملے کے سائرن کئی گھنٹوں تک گونجتے رہے، شہریوں کو رات بھر پناہ گاہوں میں رہنے کی ہدایت کی گئی تھی۔ دوسری جانب یوکرین کی فضائیہ نے بتایا کہ ڈرونز، بیلسٹک اور کروز میزائلز پر مشتمل یہ حملے کئی شہروں کو نشانہ بنانے کے لیے کیے گئے، جب کہ بنیادی توجہ دارالحکومت کیف پر رہی۔حالیہ حملے ایک ایسے وقت میں کیے گئے ہیں جب بین الاقوامی برادری روسی صدر ولادیمیر پیوٹن پر جنگ بندی کے لیے دبا ڈال رہی ہے۔ اس کے علاوہ قیدیوں کے تبادلے کے دوسرے مرحلے میں ہفتے کو 600 سے زائد روسی اور یوکرینی فوجیوں کو رہا کیا گیا۔ جمعے کو پہلے مرحلے میں تقریبا 800 قیدیوں کو رہا کیا گیا تھا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعمران خان نے کہا ہے اسٹیبلشمنٹ بات کرنا چاہتی ہے تو براہ راست ان سے کر لے،رہنما پی ٹی آئی سینیٹر علی ظفر عمران خان نے کہا ہے اسٹیبلشمنٹ بات کرنا چاہتی ہے تو براہ راست ان سے کر لے،رہنما پی ٹی آئی سینیٹر علی ظفر وزیراعلی پنجاب نے برسوں سے رائج برتھ اور ڈیتھ رجسٹریشن فیس ختم کردی گزشتہ 2سالوں میں پاکستان کا ریونیو تقریبا دگنا ہوگیا، آئی ایم ایف پاکستان کوفیٹف کی گرے لسٹ میں شامل کروانے کی بھارتی سازش بے نقاب اسلام آباد، ضلعی انتظامیہ کا شیشہ کیفے کیخلاف کریک ڈاون ، 7کیفے سیل آئیسکو ریجن میں بوجہ ضروری سسٹم مینٹیننس26مئی 2025 عارضی بجلی بندش کا شیڈولCopyright © 2025, All Rights Reserved
رابطہ کریں ہمارے بارے ہماری ٹیم
جنرل ساحر شمشاد مرزا کی جنرل عاصم منیر کو فیلڈ مارشل بننے پر مبارکباد