لاہور ہائیکورٹ نے ’اینٹی بیگری ایکٹ‘ پر مکمل عملدرآمد کا حکم دے دیا
اشاعت کی تاریخ: 26th, May 2025 GMT
---فائل فوٹو
لاہور ہائی کورٹ نے اینٹی بیگری ایکٹ پر مکمل طور عملدرآمد کروانے کا حکم دیتے ہوئے بھکاریوں کے لیے بنائے گئے فلاحی مراکز فعال بنانے کی ہدایت کر دی۔
لاہور ہائی کورٹ کے جسٹس ساجد محمود سیٹھی نے مقامی وکیل کی درخواست پر سماعت کی۔
درخواست گزار کے وکیل نے نشاندہی کی کہ بھکاری مافیا کے خاتمے کےلیے قانون تو بنا دیا گیا ہے مگر اس پر عملدرآمد نہیں ہو رہا، عدالت نے بھی پنجاب حکومت کو بھکاری مافیا ختم کرنے کا حکم دیا، مگر سرکاری محکمے عدالتی حکم پر عمل نہیں کر رہے، بیرون ملک بھی بھکاری مافیا بدنامی کا باعث بن رہا ہے، استدعا ہے کہ پنجاب حکومت کو بھکاری مافیا کے خلاف مؤثر کارروائی کا حکم دیا جائے۔
سیکریٹری داخلہ نورالامین مینگل نے رپورٹ پیش کی تو عدالت نے حکم دیا کہ عدالتی احکامات پر عملدرآمد کر کے رپورٹ پیش کریں۔
لاہور ہائی کورٹ نے سماعت کے دوران ہدایت کی کہ 3 ماہ میں عدالتی حکم پر عمل درآمد کر کے رپورٹ پیش کی جائے۔
عدالت نے یہ ہدایت بھی کی کہ بھکاری مافیا کے خلاف مؤثر کارروائی کےلیے موبائل ایپ بنائی جائے جبکہ چھوٹے بچوں سے بھیک منگوانے والوں کے خلاف مقدمات درج کیے جائیں۔
.
ذریعہ
ذریعہ: Jang News
کلیدی لفظ: کا حکم
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار