پشاور میں پی پی کی صوبہ بچائو ریلی ‘ پولیس سے تصادم ، شیلنگ تشددکریشن بچانے کی کوشش : بلاول
اشاعت کی تاریخ: 27th, May 2025 GMT
پشاور+ اسلام آباد (نوائے وقت رپورٹ+ نمائندہ خصوصی) پیپلز پارٹی کے کارکنوں کی جانب سے صوبہ بچاؤ ریلی کے دوران حصار توڑ کر وزیراعلیٰ ہاؤس جانے کی کوشش پر پولیس نے شیلنگ کردی، مظاہرین نے پتھراؤ کرتے ہوئے پی ٹی آئی کے کیمپ کو آگ لگا دی اور ریڈ زون کا گیٹ توڑ دیا۔ پیپلز پارٹی کی جانب سے مردان سے صوبہ بچاؤ ریلی نکالی گئی۔ متعدد گاڑیوں پر مشتمل ریلی ریلوے گراؤنڈ نوشہرہ روڈ سے شروع ہوئی جس کی قیادت ڈویژنل صدر عمر فاروق خان ہوتی نے کی۔ ریلی کے شرکاء نے مختلف بینرز اور پلے کارڈ اٹھا رکھے تھے جن پر کرپشن کے خلاف نعرے درج تھے۔ پیپلز پارٹی کے کارکن کے پی اسمبلی کے سامنے جمع ہوگئے اور خیبر پی کے حکومت کے خلاف احتجاج شروع کر دیا۔ ساتھ پی پی نے صوبے بھر کے کارکنوں کو پشاور پہنچنے کی ہدایت کر دی۔ پی پی پی ورکرز نے ریڈ زون میں داخلے کی کوشش کی جس پر ریڈ زون کے دروازے بند کر دئیے گئے۔ جواب میں مظاہرین نے احتجاج کرتے ہوئے اسمبلی چوک کو بلاک کر دیا جس پر خیبر روڈ ٹریفک کے لیے دونوں طرف سے بند ہوگیا۔ احتجاج میں پی پی پی صوبائی صدر ہمایون خان، احمد کریم کنڈی، محمد علی شاہ باچا اور دیگر بھی پہنچ گئے۔ ایس ایس پی آپریشنز مسعود احمد نے کہا ہے کہ پیپلز پارٹی کو احتجاج کا این او سی ملا ہوا تھا، پہلے ہی سے ریڈ زون کی سکیورٹی بڑھائی ہوئی تھی، مظاہرے میں شامل چند شرپسند افراد نے ریڈ زون کا گیٹ توڑا، مظاہرین ریڈ زون میں داخل ہوئے جس پر پولیس نے شیلنگ کی، چند شرپسند افراد نے ایک کیمپ کو بھی آگ لگائی، سی سی ٹی وی کیمروں سے شرپسند افراد کی نشاندہی کی جائے گی۔ شرپسند افراد کا تعلق کسی جماعت سے ہے یا نہیں تحقیقات کی جائیں گی۔ دریں اثناء پیپلزپارٹی کے چیئرمین بلاول بھٹو زرداری نے کہا کہ خیبر پی کے کی صوبائی حکومت نے ہمارے پْرامن احتجاج کا راستہ روک کر دراصل بدترین کرپشن کو چھپانے کی ناکام کوشش کی۔ کارکنوں پر آنسوگیس کی شیلنگ قابل افسوس ہے، ہمارے کارکنان خیبرپی کے کی کرپٹ حکومت کا سامنا کرنے کو تیار ہیں، پی ٹی آئی کی صوبائی حکومت کا اصل فاشسٹ چہرہ آج خیبر پی کے کے عوام نے دیکھ لیا۔ گورنر خیبرپی کے فیصل کریم کنڈی نے صوبائی حکومت کی بوکھلاہٹ قرار دیا، شازیہ مری نے کہا کہ پرامن احتجاج پر ریاستی طاقت کا استعمال افسوسناک ہے، سیکرٹری جنرل پیپلز پارٹی پارلیمنٹینز سید نیئر بخاری نے کہا کہ صوبائی خزانے کے خائن خواہ کتنے ہی بااثر ہوں قانون کی گرفت میں ہونے چاہیں۔ پیپلزپارٹی خیبرپی کے کے صوبائی صدر محمد علی شاہ باچا نے کہا کہ امین گنڈاپور نے پولیس کو عوام پر چھوڑ رکھا ہے۔
.ذریعہ: Nawaiwaqt
کلیدی لفظ: شرپسند افراد پیپلز پارٹی نے کہا کہ ریڈ زون
پڑھیں:
پیپلزپارٹی تھر سے کوئلہ نکال کر فروخت کررہی ہے،عوامی تحریک
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) عوامی تحریک کے مرکزی صدر ایڈووکیٹ وسند تھری، مرکزی جنرل سیکریٹری ایڈووکیٹ ساجد حسین مہیسر، مرکزی رہنما ڈاکٹر رسول بخش خاصخیلی، نور نبی پلیجو اور ایڈووکیٹ ایاز کلوئی نے اپنے مشترکہ پریس بیان میں کہا ہے کہ پیپلز پارٹی کی حکومت تھر سے کوئلہ نکال کر فروخت کر رہی ہے، لیکن اس کے بدلے میں تھر کے عوام کو بیماری، بھوک اور افلاس کے سوا کچھ نہیں مل رہا۔ بڑے پیمانے پر کوئلہ نکالنے کے باعث سندھ میں ماحولیاتی تبدیلیوں اور وبائی امراض کے پھیلنے کا خطرہ پیدا ہو چکا ہے۔ تھر، کراچی، بدین، سانگھڑ، دادو، گھوٹکی سمیت سندھ کے ہر ضلعے سے قیمتی معدنیات نکالی جا رہی ہیں، سندھ کے پاس سمندری بندرگاہ بھی ہے، اس کے باوجود سندھ کے لوگ بیروزگاری اور بھوک کے باعث خودکشیاں کرنے پر مجبور ہیں۔بجلی پیدا کرنے والی کمپنیوں کو تھر سے کروڑوں ٹن کوئلہ دیا گیا ہے، لیکن اس کے باوجود سندھ کو اس کی ضرورت کے مطابق بجلی نہیں دی جا رہی۔ سندھ سے پیدا ہونے والی بجلی سے تخت لاہور کی صنعتیں چل رہی ہیں، لیکن سندھ کی اپنی صنعتوں کو بجلی نہیں مل رہی۔ ایک سازش کے تحت سندھ کی صنعتوں کو پنجاب منتقل کیا جا رہا ہے۔رہنماؤں نے کہا کہ پیپلز پارٹی سندھ کے وسائل فروخت کرکے سندھ کو ویران اور برباد کرنا چاہتی ہے۔ بلاول زرداری نے سندھ حکومت کو وسائل فروخت کرنے والا ایک گروہ بنا دیا ہے۔ سندھ حکومت عوامی فلاح و بہبود پر ایک پیسہ بھی خرچ نہیں کر رہی۔ بلاول کو وزیراعظم بنانے کے لیے سندھ کے تمام وسائل فروخت کیے جا رہے ہیں۔ کارپوریٹ فارمنگ اور گرین پاکستان کے نام پر مظلوم قوموں کے وسائل پر قبضہ کیا جا رہا ہے۔پیپلز پارٹی کارپوریٹ فارمنگ کی حمایت کر کے قائداعظم کے پاکستان کو قتل کرنے کی سازش کر رہی ہے۔ پیپلز پارٹی نے اقتدار کی لالچ میں 70 کی دہائی میں بھی ملک توڑا تھا، اب پھر ویسی ہی سازشیں کر رہی ہے۔ پیپلز پارٹی غیر جمہوری قوتوں کے اشاروں پر چلنے والی ایک کٹھ پتلی ہے۔ پیپلز پارٹی کو چاہیے کہ وہ کارپوریٹ فارمنگ جیسے قوموں کے قاتل منصوبوں کو رد کرے یا حکومت چھوڑ دے۔ سندھ کے وسائل کو لوٹنے والی پیپلز پارٹی کو سندھ پر حکومت کرنے کا کوئی حق نہیں۔
بینک سے نکلنے والے شہری اور خاتون سے 10 لاکھ روپے کی ڈکیتی