بلتستان میں یوم تکبیر جوش خروش اور ملی جذبے سے منایا گیا
اشاعت کی تاریخ: 28th, May 2025 GMT
بلتستان ڈویژن کے مرکزی شہر سکردو میں یومِ تکبیر کی پہلی تقریب ایوانِ اقبال سکردو میں منعقد ہوئی۔ تقریب سے خطاب کرتے ہوئے مقررین نے کہا کہ آج کا دن ہماری تاریخ کا ایک سنگِ میل ہے جب 28 مئی 1998ء کو چاغی کے پہاڑوں میں پانچ ایٹمی دھماکوں کے ذریعے پاکستان کا دفاع ناقابلِ تسخیر بنایا گیا۔ اسلام ٹائمز۔ بلتستان میں یوم تکبیر قومی جوش و جذبے اور ولولے کے ساتھ منایا گیا۔ اس دن کی مناسبت سے تقاریب اور ریلیوں کا انعقاد کیا گیا جن میں شہریوں کی بڑی تعداد نے بھرپور شرکت کی۔ بلتستان ڈویژن کے مرکزی شہر سکردو میں یومِ تکبیر کی پہلی تقریب ایوانِ اقبال سکردو میں منعقد ہوئی۔ تقریب سے خطاب کرتے ہوئے مقررین نے کہا کہ آج کا دن ہماری تاریخ کا ایک سنگِ میل ہے جب 28 مئی 1998ء کو چاغی کے پہاڑوں میں پانچ ایٹمی دھماکوں کے ذریعے پاکستان کا دفاع ناقابلِ تسخیر بنایا گیا۔ ان دھماکوں نے نہ صرف بھارت کی عسکری برتری کے غرور کو خاک میں ملایا بلکہ جنوبی ایشیا میں طاقت کا توازن بھی قائم ہو گیا۔ مقررین کا مذید کہنا تھا کہ ہماری مسلح افواج نے بھارتی جارحیت کا منہ توڑ جواب دیا اور قوم کا سرفخر کو بلند کیا۔ آج ہمیں اپنے سپاہیوں، شہداء اور غازیوں پر فخر ہے جنہوں نے اپنی جانوں کا نذرانہ دے کر وطن کا دفاع کیا۔ تقریب میں بلتی اور اردو زبان میں شعراء نے یومِ تکبیر کے حوالے سے اپنا تازہ کلام پیش کیا اور شہداء کو زبردست خراجِ عقیدت پیش کیا۔
علاوہ ازیں ضلع گانچھے کے ہیڈکوارٹر خپلو میں بھی یومِ تکبیر کے موقع پر ایک پُروقار اور جوش و جذبے سے بھرپور ریلی کا انعقاد کیا گیا۔ ریلی کا آغاز میونسپل آفس خپلو سے ہوا، جو مارچ کرتے ہوئے مین بازار تک پہنچی۔ ریلی میں سول سوسائٹی کے نمائندگان، علماء کرام، مختلف مکاتب فکر کے افراد اور شہریوں نے بڑی تعداد میں شرکت کی۔ شرکاء نے پاکستان زندہ باد، یومِ تکبیر مبارک اور ہم سب کا پاکستان اور پاکستان ہمیشہ زنداباد کے فلک شگاف نعرے لگا کر قومی یکجہتی کا مظاہرہ کیا۔ یومِ تکبیر کی تقریبات نے گلگت بلتستان میں حب الوطنی، قومی اتحاد اور دفاعِ وطن کے جذبے کو ایک بار پھر اجاگر کیا۔ شہریوں نے اس عزم کا اظہار کیا کہ وطن کی سالمیت اور خودمختاری کے لیے ہر قربانی دینے کو تیار ہیں۔
ذریعہ
ذریعہ: Islam Times
کلیدی لفظ: میں یوم
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان