مصنوعی ذہانت اور ملازمتوں کا مستقبل: خطرہ، تبدیلی یا موقع؟
اشاعت کی تاریخ: 9th, July 2025 GMT
مصنوعی ذہانت کی ترقی دنیا بھر میں محنت کی دنیا کو اسی طرح بدل رہی ہے جیسے صنعتی انقلاب نے کیا تھا، آرٹیفیشل انٹیلیجنس اب صارف خدمات، قانون، مالیات، تخلیقی فنون اور دیگر شعبوں میں کام کے انداز کو بدل رہی ہے۔
گولڈمین زاکس کی 2023 رپورٹ کے مطابق، جنریٹو آرٹیفیشل انٹیلیجنس کی مدد سے 2030 تک عالمی جی ڈی پی میں 7 فیصد تک اضافہ ممکن ہے۔ لیکن اس کے ساتھ ساتھ، کروڑوں نوکریاں ختم یا تبدیل ہو سکتی ہیں، خاص طور پر وہ جو دہرانے والے اور قاعدہ و ضابطہ پر مبنی کاموں پر مشتمل ہیں۔
سیم آلٹمین کی پیش گوئیاوپن اے آئی کے سربراہ سیم آلٹمین نے آرٹیفیشل انٹیلیجنس کی ترقی کو ’ایک نیا موڑ‘ قرار دیا ہے۔ ان کے مطابق، آرٹیفیشل انٹیلیجنس اب کئی میدانوں میں انسانی سطح کی کارکردگی سے بڑھ کر کام کر رہی ہے، جو روزگار کے لیے ایک بڑا خطرہ ہے۔
کن شعبوں میں نوکریاں خطرے میں ہیں؟اینتھروپک کمپنی کے مطابق، اگلے پانچ سالوں میں ابتدائی دفتری ملازمتوں کا 50 فیصد حصہ خودکار نظاموں سے ختم ہو سکتا ہے، خطرے سے دوچار کاموں میں ڈیٹا انٹری، کسٹمر سروس، ترجمہ اور سب ٹائٹلنگ، گوداموں کا جسمانی کام اور میڈیا اور تخلیقی کام شامل ہیں۔
نئے روزگار کے مواقعآرٹیفیشل انٹیلیجنس صرف نوکریاں ختم نہیں کر رہا بلکہ نئے پیشوں کو بھی جنم دے رہا ہے، جن میں پرومپٹ انجینئرز یعنی درست جوابات کے لیے مؤثر سوالات تیار کرنے والے ماہرین، تربیتی ڈیٹا کے معیار اور تنوع کو یقینی بنانے والے افراد یعنی ڈیٹا کیوریشن ماہرین، ماڈل بائس آڈیٹرز کی جانبداری جانچنے والے ماہرین، آرٹیفیشل انٹیلیجنس آپریشنز ٹیکنیشنز یعنی نظاموں کو چلانے اور بہتر بنانے والے ٹیکنیکل ماہرین۔
اسی طرح سنتھیٹک میڈیا ڈیزائنرز کے ذریعے تخلیقی مواد تیار کرنے والے فنکار بھی اسی قبیل میں شمار کیے جاتے ہیں، آرٹیفیشل انٹیلیجنس صرف بدلتا نہیں، سہارا بھی دیتا ہے، بہت سی جگہوں پر آرٹیفیشل انٹیلیجنس انسانی کام کو بہتر بنا رہا ہے۔
اس ضمن میں کاپی رائٹرز اب ابتدائی ڈرافٹ آرٹیفیشل انٹیلیجنس سے بنوا کر زیادہ تخلیقی پہلوؤں پر توجہ دیتے ہیں، ایم آئی ٹی اور اسٹین فورڈ کی تحقیق کے مطابق، کسٹمر سروس میں آرٹیفیشل انٹیلیجنس اسسٹنٹس نے پیداوار میں 14 فیصد اضافہ کیا، اور نئے ملازمین کی کارکردگی میں 34 فیصد اضافہ ہوا۔
بلیو کالر ملازمتیں اور تخلیقی شعبے بھی متاثرلاجسٹکس آرٹیفیشل انٹیلیجنس روبوٹس گوداموں میں کام سنبھال رہے ہیں، میڈیا اور ترجمہ کے شعبے میں آرٹیفیشل انٹیلیجنس پر مبنی سب ٹائٹلنگ اور ترجمے انسانی ماہرین کی جگہ لے رہے ہیں۔
ریٹیل اور ترسیل کے شعبے میں خودکار اسکینرز اور ڈیلیوری بوٹس کا استعمال بڑھ رہا ہے، اسی طرح فنون کے شعبے میں اسکرپٹ رائٹنگ، موسیقی، گیم ڈیزائن اور ڈیجیٹل آرٹ میں آرٹیفیشل انٹیلیجنس کا استعمال ہو رہا ہے۔
آرٹیفیشل انٹیلیجنس کا شعبہ وار اثرصحت عامہ کے شعبے میں تشخیص، میڈیکل امیجنگ، اور دفتری کاموں میں آرٹیفیشل انٹیلیجنس مددگار ہے، اسی طرح قانون کے شعبے میں دستاویزات کا تجزیہ اور مقدمات کی تحقیق اب آرٹیفیشل انٹیلیجنس سے ہو رہی ہے۔
آرٹیفیشل انٹیلیجنس ذاتی نوعیت کی تعلیم اور گریڈنگ میں معاون ہے، اسی طرح فراڈ کی شناخت اور آڈٹ میں آرٹیفیشل انٹیلیجنس انسانی تجزیہ کاروں کی جگہ لے رہا ہے۔
انسانی ردعمل: نئی مہارتوں کی ضرورتتجزیہ کاروں کے مطابق، جو لوگ آرٹیفیشل انٹیلیجنس کے ساتھ کام کرنے کی مہارتیں سیکھیں گے، وہ بہتر کارکردگی دکھا سکیں گے، نرم مہارتوں، فیصلے کی صلاحیت، اور جذباتی ذہانت پر مبنی پیشے نسبتاً محفوظ رہیں گے۔ حکومتیں اور ادارے اب پرومپٹ انجینیئرنگ، آرٹیفیشل انٹیلیجنس کی اخلاقیات، اور ڈیٹا لٹریسی کی تربیت فراہم کر رہے ہیں۔
میکنزی کی رپورٹ کے مطابق، 2030 تک دنیا بھر میں تقریباً 10 کروڑ افراد کو اپنا پیشہ تبدیل کرنا پڑ سکتا ہے، اس تبدیلی سے نمٹنے کے لیے کئی ممالک پبلک پرائیویٹ شراکت داری کے تحت ’ری اسکلنگ‘ پروگرام شروع کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرٹیفیشل انٹیلیجنس سنتھیٹک میڈیا ڈیزائنرز سیم آلٹمین.
ذریعہ
ذریعہ: WE News
کلیدی لفظ: ا رٹیفیشل انٹیلیجنس سیم آلٹمین میں ا رٹیفیشل انٹیلیجنس کے شعبے میں کے مطابق رہے ہیں کے لیے رہی ہے رہا ہے
پڑھیں:
پاکستان میں گزشتہ ماہ 3161 نئی کمپنیاں رجسٹرڈ، مجموعی تعداد 2 لاکھ 97 ہزار سے متجاوز
صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔ اسلام ٹائمز۔ پاکستان میں گزشتہ ماہ 3161 نئی کمپنیاں رجسٹرڈ ہوئیں، جس کے بعد مجموعی رجسٹرڈ کمپنیوں کی تعداد 2 لاکھ 97 ہزار سے زیادہ ہوگئی ہے۔سیکیورٹیز اینڈ ایکسچینج کمیشن آف پاکستان (ایس ای سی پی) کے مطابق مئی کے دوران ملک بھر میں 3 ہزار 161 نئی کمپنیاں رجسٹر کی گئیں، جس کے بعد رجسٹرڈ کمپنیوں کی مجموعی تعداد بڑھ کر 2 لاکھ 97 ہزار 239 ہو گئی ہے۔ ایس ای سی پی کے اعداد و شمار کے مطابق نئی رجسٹر ہونے والی کمپنیوں میں سے 99.9 فیصد کی رجسٹریشن آن لائن طریقہ کار کے ذریعے مکمل کی گئی، جو کاروباری سرگرمیوں میں ڈیجیٹل سہولتوں کے بڑھتے ہوئے استعمال کی عکاسی کرتی ہے۔ صوبائی سطح پر پنجاب میں سب سے زیادہ ایک ہزار 643 کمپنیاں رجسٹر ہوئیں، جبکہ اسلام آباد میں 596 اور سندھ میں 479 نئی کمپنیوں کی رجسٹریشن کی گئی۔ اسی طرح خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر ہوئیں۔
شعبہ وار جائزے کے مطابق سب سے زیادہ کمپنیاں انفارمیشن ٹیکنالوجی اور ای کامرس کے شعبے میں رجسٹر کی گئیں۔ انفارمیشن ٹیکنالوجی کے شعبے میں 598 نئی کمپنیاں رجسٹر ہوئیں، جبکہ ٹریڈنگ سیکٹر میں 503، سروسز کے شعبے میں 404 اور رئیل اسٹیٹ و کنسٹرکشن کے شعبے میں 303 نئی کمپنیاں قائم کی گئیں۔ایس ای سی پی کے مطابق سیاحت اور ٹرانسپورٹ کے شعبے میں بھی نمایاں سرگرمی دیکھنے میں آئی، جہاں 206 نئی کمپنیوں کی رجسٹریشن عمل میں لائی گئی۔ ادارے نے بتایا کہ مئی کے دوران 17 مختلف ممالک کے سرمایہ کاروں نے پاکستان میں کمپنیاں رجسٹر کروائیں۔ اعداد و شمار کے مطابق چین سے تعلق رکھنے والے 89 شیئر ہولڈرز نے مختلف کمپنیوں میں ڈائریکٹر شپ حاصل کی جبکہ غیر ملکی سرمایہ کاروں کی کمپنیوں کا ادا شدہ سرمایہ 139.4 ملین روپے ریکارڈ کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ