نواز شریف کی وجہ سے آج ہم ایٹمی طاقت ہیں: کھیئل داس
اشاعت کی تاریخ: 28th, May 2025 GMT
وزیر مملکت کھیئل داس کوہستانی—فائل فوٹو
کراچی میں واقع مسلم لیگ ہاؤس کارساز میں یومِ تکبیر پر تقریب منعقد ہوئی۔
اس موقع پر وزیرِ مملکت کھئیل داس کوہستانی نے تقریب سے خطاب کرتے ہوئے کہا کہ نواز شریف کی وجہ سے ہی ہم آج ایٹمی طاقت ہیں۔
انہوں نے کہا اسمبلی میں ایک شخص کہتا تھا میں کیا کروں کیا جنگ کروں؟ نواز شریف کہاں خاموش ہیں وہ رہنمائی کر رہے ہیں۔
وزیرِ مملکت نے کہا کہ فیلڈ مارشل عاصم منیر کی وجہ سے آج قوم خوشی منا رہی ہے، انہیں سپہ سالار بنانے کے خلاف لوگ سازشیں کر رہے تھے۔
کھیئل داس کوہستانی نے کہا کہ شہباز شریف عالم اسلام کے لیڈر ہیں، آج بھی دنیا کو بتا رہے ہیں کہ ہم امن چاہتے ہیں، اگر کوئی امن کے خلاف ہے تو اس کو اسی کی زبان میں جواب دیں گے۔
.ذریعہ: Jang News
پڑھیں:
کینسر کے مریضوں کا جلد اور مفت علاج میرا عزم ہے، مریم نواز شریف
وزیراعلیٰ پنجاب مریم نواز شریف نے میو اسپتال لاہور میں پاکستان کے پہلے سرکاری کو ابلیشن سینٹر کا افتتاح کیا اور کہا کہ جدید کو ابلیشن طریقہ کار کے ذریعے کینسر کے مریضوں کا جلد اور مفت علاج میرا عزم ہے۔
وزیراعلیٰ نے بتایا کہ کو ابلیشن ٹیکنالوجی دورہ چین کے دوران دیکھی گئی اور چینی حکام سے مکمل معلومات اور بریفنگ حاصل کی گئی۔ اس دوران ہواوے کی کمپنی کے ساتھ ہی ایم او یو بھی سائن کیا گیا تاکہ یہ جدید ٹیکنالوجی پنجاب میں متعارف کرائی جا سکے۔
مریم نواز شریف نے کہا کہ ابتدائی طور پر 5 مریضوں کا کو ابلیشن کے ذریعے کامیاب علاج کیا جا چکا ہے، جس میں رانا محمد اصغر کے پیچیدہ جگر کے کینسر اور محمد اکرم کے پھیپھڑوں کے ٹیومر بھی شامل ہیں۔ 60 منٹ کے آپریشن کے بعد مریض چند گھنٹوں میں چلنے پھرنے کے قابل ہو جاتے ہیں اور اس طریقہ علاج سے صحت مند سیلز متاثر نہیں ہوتے۔
مزید پڑھیں: پنجاب: کینسر کے علاج کی نئی تاریخ، پاکستان کے پہلے کو ابلیشن سینٹر کا افتتاح
وزیراعلیٰ نے ہدایت کی کہ مزید 5 مشینیں پنجاب کے دیگر شہروں، نشتر ملتان، راولپنڈی اور 3 نواز شریف کینسر اسپتالوں میں نصب کی جائیں۔
انہوں نے یقین دلایا کہ کینسر کے علاج کے لیے تمام سہولتیں اور وسائل مہیا کیے جائیں گے اور ڈاکٹروں و اسٹاف کو جدید تربیت دی جائے گی تاکہ پنجاب کے عوام کے ساتھ دیگر صوبوں کے مریض بھی اس سے فائدہ اٹھا سکیں۔
مریم نواز شریف نے کہا کہ دکھی انسانیت کی خدمت میرا عزم ہے اور پاکستان بالخصوص پنجاب کی عوام کی خدمت کے موقع پر اللہ کا شکر ادا کرتی ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کو ابلیشن سینٹر کینسر مریم نواز شریف مفت علاج
آج کا دن کیسا رہے گا؟