بہادر کشمیریوں کی آزادی تک ہر فورم پر ان کی آواز بلند کرتے رہیں گے،امیرمقام

اشاعت کی تاریخ: 28th, May 2025 GMT

میر پور: وفاقی وزیر برائے امور کشمیر، گلگت بلتستان وسیفران و صدر پاکستان مسلم لیگ ن خیبر پختونخوا انجینئر امیر مقام کی مسلم لیگ ن آزاد جموں کشمیر کے زیر اہتمام کھڑی شریف میر پور آزاد جموں کشمیر میں یوم تکبیر کے موقع پر ایک بہت بڑے عوامی “معرکہ حق” یومِ تشکر اجتماع سے خطاب۔وفاقی وزیر انجینئر امیر مقام آزاد جموں و کشمیر پہنچنے پر شاندار استقبال کیا گیا اور ان پر پھولوں کی پتیاں نچھاور کی گئیں ۔ اس بڑے عوامی “معرکہ حق” یومِ تشکر اجتماع کا اہتمام یوم تکبیر کی مناسبت سے مسلم لیگ ن کے سابق وزیر مرکزی رابطہ سیکرٹری چوہدری رخسار احمد نے کیا تھا۔جلسہ سے وفاقی وزیر کے علاوہ آزاد کشمیر مسلم لیگ ن کی اعلی قیادت نےبھی خطاب کی۔وفاقی وزیر و صدر پاکستان مسلم لیگ ن خیبر پختونخوا انجینئر امیر مقام نے کہا کہ یوم تکبیر پر پوری قوم کو مبارک پیش کرتا ہوں، اس دن بھارت کے ایٹمی دھماکوں کے جواب میں پاکستان نے 6 ایٹمی دھماکے کرکے ملک کا دفاع ناقابل تسخیر بنانے کا اعلان کیا تھا۔ انجینئر امیر مقام نے کہا کہ صدر پاکستان مسلم لیگ ن نوازشریف نے ملکی دفاع ناقابل تسخیر بنا کر پاکستان کو عالم اسلام کی پہلی اور دنیا کی ساتویں ایٹمی قوت بنایا۔الحمد للہ یہ شرف مسلم لیگ ن کی محبِ وطن قیادت کو ہی نصیب ہوا کہ جس نے تمام تر یکطرفہ عالمی دباؤ کو خاطر میں لائے بغیر28مئی 1998کو بھارتی دھماکوں کے جواب میں چھ ایٹمی دھماکے کرکے پاکستان کے دفاع کو ناقابل تسخیر بنادیا۔ یومِ تکبیر کے ساتھ ساتھ “معرکہ حق یومِ تشکر” بھی منایا گیا تاکہ ملک کے ناقابلِ تسخیر دفاع اور استقامت پر اظہارِ تشکر کیا جا سکے۔کھڑی شریف میر پور آزاد جموں کشمیر میں یوم تکبیر کے موقع پر ایک بہت بڑے عوامی اجتماع سے خطاب میں وفاقی وزیر انجینئر امیر مقام نے پاک افواج کو شاندار خراجِ تحسین پیش کیا اور ان کی پیشہ ورانہ صلاحیتوں، قربانیوں اور ملک کی خودمختاری کے تحفظ میں ان کے کردار کو سراہا۔وفاقی وزیر و صدر پاکستان مسلم لیگ ن خیبر پختونخوا انجینئر امیر مقام نے کہا کہ بھارت کی حالیہ جارحیت کے خلاف پاکستان کی شاندار عسکری کامیابی پر ہم اپنی مسلح افواج کو خراج تحسین پیش کرتے ہیں۔انجینئر امیر مقام نے کہا کہ 6 اور 7 مئی کی درمیانی شب بھارت نے بزدلانہ حملہ کیا، جس میں معصوم شہری شہید ہوئے، اور ہمیں جوابی کارروائی پر مجبور ہونا پڑا۔ ان کا کہنا تھا کہ پاکستان ایک پُرامن ملک ہے، لیکن اپنے دفاع کا حق ہر حال میں محفوظ رکھتا ہے۔ انہوں نے پاک افواج کی جرأت و پیشہ وارانہ صلاحیت کو سراہتے ہوئے کہا کہ ہماری فوج نے دشمن کو مؤثر جواب دے کر عسکری تاریخ میں نیا باب رقم کیا۔انہوں نے کہا کہ وزیراعظم شہباز شریف کی بصیرت افروز قیادت میں قوم نے بھارت کے ساتھ جنگ کے دوران غیرمعمولی اتحاد اورعزم کا مظاہرہ کیا۔ میں فیلڈ مارشل جنرل سید عاصم منیر، ایئر چیف مارشل ظہیر احمد بابر سدھو اور نیول چیف ایڈمرل نوید اشرف اور افواج پاکستان کے تمام افسران اور جوانوں کو مبارکباد پیش کرتا ہوں.

وفاقی وزیر امور کشمیر نے کہا کہ وزیراعظم شہباز شریف کی قیادت میں وفاقی حکومت ریاست آزاد جموں و کشمیر کی تعمیر و ترقی اور مسائل کے حل میں اپنا کردار جاری رکھے گی۔ امیر مقام نے کہا کہ بہادر کشمیریوں کی آزادی تک ہر فورم پر ان کی آواز بلند کرتے رہیں گے۔ وفاقی وزیر نے کہا کہ بھارت مقبوضہ جموں وکشمیر میں کشمیریوں پر ظلم و جبر جاری رکھے ہوئے ہے اور مظلوم کشمیریوں پر عرصہ حیات تنگ کر رکھا ہے۔جنگ جیسی صورتحال میں لائن آف کنٹرول کشمیر جاکر وہاں کے لوگوں کی حوصلہ افزائی کی. میں نیلم میں تھا کہ مجھے کالز آئیں کہ آپ یہاں سے نکل جائیں۔امیر مقام نے کہا کہ کشمیر کے لوگ جذبے سے سرشار ہیں اور پاکستان اور پاک فوج سے بے پناہ محبت کرتے ہیں، یہ جذبہ ناقابل شکست ہے۔ان کا کہنا تھا کہ میں ان کے جذبے اور پاکستان کے ساتھ محبت کو سلیوٹ پیش کرتا ہوں۔انہوں نے مزید کہا کہ ہمارے اور بھارت کے درمیان یہی فرق ہے، ہمارے لوگ پاک فوج سے محبت کرتے ہیں اور اگر جنگ ہوئی تو ہر شہری پاک فوج کے شانہ بشانہ کھڑا ہوگا۔امیرمقام نے کہا کہ پوری قوم متحد ہے، جیسے ہمارے آبا و اجداد نےکشمیر کی آزادی میں اپنا کردار ادا کیا تھا، ہمارے لیے خوش قسمتی کی بات ہے کہ ہم ملک کی حفاظت کے لیے شہید ہوں یا غازی بنیں۔وفاقی وزیر انجینئر امیر مقام آزاد جموں و کشمیر پہنچنے پر شاندار استقبال کیا گیا،وفاقی وزیر کو راستے میں کئی مقامات پر پرجوش انداز میں خوش آمدید کہا گیا، جہاں بڑی تعداد میں لوگ ان کے استقبال کے لیے جمع تھے۔روایتی مہمان نوازی اور جوش و خروش کے اظہار کے طور پر تقریباً دو درجن گھڑسواروں نے استقبال کے جلوس کی قیادت کی، پاکستان مسلم لیگ (ن) کے کارکنوں اور مقامی رہنماؤں کی بڑی تعداد نے وفاقی وزیر کا خیرمقدم کیا، جنہوں نے پارٹی کے جھنڈے لہرائے اور وطن سے محبت کے نعرے لگائے، جن میں “پاکستان زندہ باد”، “وزیراعظم شہباز شریف زندہ باد”، اور “پاک فوج زندہ باد” انجینئر امیر مقام زندہ باد” شامل تھے۔کارکنان سڑکوں کے کنارے کھڑے ہو کر پھولوں کی پتیاں نچھاور کر رہے تھے اور قومی یکجہتی و مسلم لیگ (ن) کی قیادت کے حق میں نعرے لگا رہے تھے۔ مقامی قیادت نے وفاقی وزیر کو علاقے کی ترقیاتی ترجیحات کے حوالے سے ان کی وابستگی پر سراہا.میزبان جلسہ کھڑی شریف میرپور مرکزی رابطہ سیکرٹری چوہدری رخسار احمد , شاہ غلام قادر صدر مسلم لیگ ن اذادکشمیر , سابق وزیراعظم راجہ فاروق حیدر ،مرکزی جنرل سیکرٹری طارق فاروق، مرکزی نائب صدر چوہدری سعید ،نجیب نقی ، مرکزی انفارمیشن سیکرٹری افتخار گیلانی، ذوالفقار علی ملک ایڈیشنل سیکرٹری جنرل مسلم لیگ ن ضلعی صدر جاوید قادر، امیدوار اسمبلی عظیم بخش امیدوار اسمبلی مسعود خالد، مرکزی چیرمین رابطہ بورڈ سردار طارق، کوآرڈینیٹر ہیلتھ سردار امتیاز اور فاتح محمود کیانی نے بھی اس موقع پر خطاب کیا۔ انہوں نے وفاقی وزیر کا خیرمقدم کرتے ہوئے شرکاء کو یوم تکبیر کی مبارکباد دی۔ انہوں نے دلیرانہ فیصلے اور ایٹمی دھماکوں پر مسلم لیگ ن کے قائد نواز شریف کو شاندار خراج تحسین پیش کیا۔

Post Views: 3

ذریعہ

ذریعہ: Daily Mumtaz

کلیدی لفظ: انجینئر امیر مقام نے کہا کہ صدر پاکستان مسلم لیگ ن وفاقی وزیر یوم تکبیر انہوں نے پاک فوج

پڑھیں:

وفاقی بجٹ کب پیش کیا جائےگا، وفاقی وزیر طارق فضل چوہدری نے بتا دیا

وفاقی وزیر پارلیمانی امور طارق فضل چوہدری نے کہا ہے کہ وفاقی بجٹ 10 جون کو پیش کیا جائےگا۔

نجی ٹی وی سے گفتگو کرتے ہوئے انہوں نے وضاحت کی کہ بجٹ سے پہلے کوئی قانون سازی نہیں ہورہی۔

واضح رہے کہ قبل ازیں قومی اسمبلی کا بجٹ اجلاس 5 جون کو طلب کیا گیا تھا، تاہم آج قومی اقتصادی کونسل کا 3 جون کو ہونے والا اجلاس اچانک ملتوی کردیا گیا تھا، جس کے بعد واضح ہوگیا تھا کہ 5 جون کو بجٹ پیش نہیں ہوگا۔

قومی اقتصادی کونسل کا اجلاس ملتوی ہونے کے بعد میڈیا پر یہ خبریں سامنے آئی تھیں کہ حکومت بجٹ سے قبل کوئی اہم قانون سازی کرنا چاہتی ہے، تاہم طارق فضل چوہدری نے ایسی خبروں کی تردید کی ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

wenews تاریخ کا اعلان طارق فضل چوہدری وفاقی بجٹ وی نیوز

بہادر کشمیریوں کی آزادی تک ہر فورم پر ان کی آواز بلند کرتے رہیں گے،امیرمقام

وفاقی بجٹ کب پیش کیا جائےگا، وفاقی وزیر طارق فضل چوہدری نے بتا دیا

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر