فیلڈ مارشل میں جذبہ ایمانی ہے جو دشمن پر قہر بن کر ٹوٹ پڑا، وزیر ریلوے
اشاعت کی تاریخ: 28th, May 2025 GMT
وفاقی وزیر ریلوے محمد حنیف عباسی نے کہا ہے کہ ہمیں فخر ہے کہ فیلڈ مارشل سید عاصم منیر حافظ قرآن اور ان میں جذبہ ایمانی ہے جو وقت آنے پر دشمن پر قہر بن کر ٹوٹ پڑا۔
راولپنڈی میں یوم تشکر و یوم تکبیر کی تقریب سے خطاب کرتے ہوئے وفاقی وزیرریلوے حنیف عباسی نے کہا کہ ہمارے کارکنوں نے جیل کاٹی لیکن ن لیگ نہ چھوڑی ہمارے شہرمیں صاف ستھرا پنجاب پروگرام میٹرو بس سروس ہسپتال اور تعلیمی ادارے بہتر ہیں اب مریم اورنگزیب نے بتایا ہے کہ راولپنڈی کے لیے وزیراعلی پنجاب مریم نواز شریف نےہمارے شہرمیں ماں بچہ ہسپتال بنانے کے لیئے10ارب روپے مختص کردیئے ہیں۔
انہوں نے کہا کہ نالہ لئی کا منصوبہ بھی اس سالانہ ترقیاتی بجٹ میں رکھا گیا ہے۔
حنیف عباسی نے کہا کہ وزیر اعلیٰ پنجاب نے والد کے ساتھ عزم و ہمت کے ساتھ جیل کاٹی وفاقی وزیر کا کہنا تھا کہ مریم نواز شریف نے لاہور سے راولپنڈی سفر دو گھنٹے میں طے کرنے کے منصوبے کے لئے اربوں روپے دینے کا وعدہ کیاہے۔
انھوں نے کہا کہ نواز شریف نے بھارت کو 5 کے مقابلہ 6 دھماکوں کا طمانچہ مارا، آج بھارت کو شکست دینے کا کریڈیٹ فیلڈ مارشل عاصم منیر کو جاتا ہے، 1ارب چالیس کروڑ ہندوستانیوں کو پیغام ہے کہ اگر ان لوگوں نے مودی کی حکومت کو جاری رکھا تو ان کو ایک وقت کا کھانا بھی نہیں ملے گا۔
حنیف عباسی نے کہا کہ ہمارے یہاں چند لوگوں نے کہا کہ فوج کو اپنا کام نہیں آتا کچھ کالے دل والے بدعاؤں میں لگےتھے، وزیراعظم نے سفارتی سطح پر ہندوستان کو اکیلا کردیا۔
وفاقی وزیر نے کہا کہ ہم چین، ترکیہ، آذربائیجان، ایران اور ملائیشیا کے شکرگزار ہیں کہ انھوں نے پاکستان کا بھرپورساتھ دیا، ہم نے بھارت کے 26 ایئربیس اڑا دئے دہلی پر ڈرون کی بارش،ایس 400 تباہ کردیا۔
انہوں نے کہا کہ بھارت نے پراکسی وار میں ہمارے 4 سے 5 سال کے بچوں کو مارا ہم نے ان کے ہیڈکواٹر اڑا کر رکھے دیئے، ٹی ٹی پی اور بی ایل اے کے راستہ بند کر دئیے بی ایل اے اگر ہمارا ایک شہری ماریں گی تو ہم بدلے میں 100 کو جہنم واصل کریں گے۔
انہوں نے کہا کہ ہندوستان سوچ لے ہمارے بچوں کا بدلہ ابھی باقی ہے۔
حنیف عباسی نے کہا کہ30جون کو لاہور سے تجارتی سامان لیکر ایک مال گاڑی روس جائے گی۔ حنیف عباسی نے کہا کہ میرا شہباز شریف مریم نواز مریم اورنگزیب ہم سب کا قائد میاں نواز شریف ہےہماری سوچ نواز شریف کے نام پر شروع اور ختم ہوتی ہے۔
.
ذریعہ
ذریعہ: Express News
کلیدی لفظ: حنیف عباسی نے کہا کہ وفاقی وزیر نواز شریف
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار