وزیراعلیٰ پنجاب مریم نواز کے صاحبزادے جنید صفدر کا رشتہ طے پاگیا
اشاعت کی تاریخ: 29th, May 2025 GMT
لندن، لاہور (مجتبیٰ علی شاہ+ویب ڈیسک) وزیراعلی پنجاب مریم نواز کے صاحبزادے جنید صفدر کا رشتہ طے پاگیا، یہ رشتہ 48 سالہ عثمان جاوید کی بیٹی سے طے پایا ہے جو کہ جاوید شفیع کے بیٹے ہیں جو نواز شریف کے فرسٹ کزن ہیں۔
قابل اعتماد ذرائع نے ڈیلی پاکستان کو تصدیق کی ہے کہ جنید صفدر کا رشتہ شریف فیملی میں ہی طے ہوا ہے، ذرائع نے مزید بتایا کہ جنید صفدر کا جس فیملی میں رشتہ طے ہوا ہے وہ لاہور میں ہی قیام پزیر ہے، جنید صفدرکے رشتہ کی بات تقریباً ایک ماہ قبل شروع ہوئی تھی اور اب رشتہ طے پاگیا۔
ذرائع نے بتایا کہ نواز، مریم اور جاوید شفیع سمیت اہل خانہ نے بدھ کو ماڈل ٹاؤن میں سابق کی رہائش گاہ پر ملاقات کی جس دوران "رشتہ طے پا گیا اور جلد ہی منگنی ہو گی۔ نکاح اور منگنی کی تقریب کی تاریخیں خاندان باہمی طور پر طے کریں گے۔
یادرہے کہ جنید صفدر کی پہلی شادی تقریبا ًایک برس کے بعد ہی ختم ہوگئی تھی،جنید صفدر کی یہ دوسری شادی ہوگی۔ اس سے قبل ان کی شادی قطر میں مقیم بزنس مین سیف الرحمان خان کی بیٹی عائشہ سیف سے ہوئی تھی۔ دونوں کی شادی لندن میں 2021 میں نائٹس برج کے دی لینزبرو میں ہوئی تھی جب نواز شریف جلاوطنی میں تھے۔ اکتوبر 2023 میں جوڑے نے خوشگوار طریقے سے طلاق لے لی۔
جنید اپنی والدہ کی سیاسی ذمہ داریوں میں مدد کے لیے اسی ماہ لندن سے پاکستان واپس آئے۔کیمبرج سے فارغ التحصیل جنید نے برطانیہ کی ممتاز یونیورسٹیوں سے دو بیچلر اور دو ماسٹرز کی ڈگریاں حاصل کی ہیں۔ اس نے 2020 میں لندن اسکول آف اکنامکس (LSE) سے بین الاقوامی تعلقات میں ماسٹرز کیا اور دوسرا یونیورسٹی کالج لندن (UCL) سے گلوبل گورننس اینڈ ایتھکس میں مکمل کیا۔
جیونیوز کے مطابق اس سے قبل، انہوں نے ڈرہم یونیورسٹی سے سیاست میں فرسٹ کلاس آنرز کی ڈگری حاصل کی، اور بعد میں 2022 میں کیمبرج یونیورسٹی سے گریجویشن کیا۔جنید پولو کے شوقین بھی ہیں اور برطانوی یونیورسٹیوں کی نمائندگی کرتے ہوئے کئی مقابلے جیت چکے ہیں۔
ویڈیو: رافیل کی بیوہ
مزید :.
ذریعہ
ذریعہ: Daily Pakistan
کلیدی لفظ: جنید صفدر کا رشتہ طے
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی