راولا کوٹ میں پولیس کا آپریشن، 4دہشتگرد ہلاک، 2 اہلکار شہید
اشاعت کی تاریخ: 29th, May 2025 GMT
راولا کوٹ میں پولیس کا آپریشن، 4دہشتگرد ہلاک، 2 اہلکار شہید WhatsAppFacebookTwitter 0 29 May, 2025 سب نیوز
مظفر آباد (سب نیوز)آزاد کشمیر کے شہر راولا کوٹ میں دہشت گردی میں ملوث ملزمان کے خلاف آپریشن میں فائرنگ کے تبادلے میں دو پولیس اہلکار شہید اور 4 دہشت گرد ہلاک ہوگئے۔
کمشنر پونچھ ڈویژن کے مطابق آپریشن میں دہشت گردوں کی فائرنگ سے دو پولیس اہلکار شہید ہوگئے جبکہ ڈی ایس پی اکمل شریف سمیت 8 اہلکار زخمی ہوئے ہیں جنہیں شیخ زید اسپتال راولاکوٹ منتقل کر دیا گیا ہے۔ فائرنگ کے تبادلے میں 4 دہشت گرد بھی مارے گئے ہیں۔
وزیراعظم آزاد کشمیر اور آئی جی آزاد کشمیر راولاکوٹ پہنچ گئے۔ وزیراعظم نے دہشت گردوں سے مقابلے میں زخمیوں کی شیخ زید اسپتال میں عیادت کی۔ایس ایس پی پونچھ ریاض مغل نے میڈیا کو بتایا کہ دہشتگرد زرنوش، جبران اور ان کے ساتھی پولیس اہلکار سجاد ریشم کے قتل کیس میں مطلوب تھے، دہشت گرد پولیس پر حملوں میں ملوث تھے۔
ریاض مغل نے کہا کہ اطلاعات ملی کہ یہ شدت پسند حسین کوٹ کے جنگلات میں غار میں چھپے ہوئے ہیں،جس پر پولیس اور ایس ایس جی نے غار پر چھاپہ مارا، چھاپے کے دوران جبران نے دستی بم پھینکا،دیگر دہشتگردوں نے فائرنگ کی، فائرنگ کے تبادلے میں تمام 4دہشتگرد غار میں ہی مارے گئے۔
پولیس حکام کے مطابق کارروائی میں 2اہلکار شہید اور متعدد زخمی ہوئے، شہدا میں کانسٹیبل طارق اور گلفراز شامل ہیں، دہشتگردوں کا تعلق کالعدم تحریک طالبان کشمیر سے تھا، یہ منظم سازش اور طے شدہ پروگرام کے تحت آزاد کشمیر میں داخل ہوئے، دہشتگرد نیٹ ورک کو افغانستان میں موجود ڈاکٹر روف اینڈ کمپنی کی حمایت حاصل تھی۔ ایس ایس پی ریاض مغل نے کہا کہ یہ دہشت گرد کسی تھانے یا آرمی کی بلڈنگ پر حملے کا پلان بنا رہے تھے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاقی بجٹ پیش کیے جانے کی تاریخ میں دوسری بار تبدیلی کا امکان وفاقی بجٹ پیش کیے جانے کی تاریخ میں دوسری بار تبدیلی کا امکان وفاقی وزیرداخلہ محسن نقوی کی پمز ہسپتال آمد، ڈاکوں کی فائرنگ سے زخمی پولیس کانسٹیبل جعفر جہانگیر کی عیادت کی، بلند حوصلے کو سراہا سانحہ9مئی :سرکاری املاک کو پہنچنے والے نقصانات کی تفصیلات سامنے آگئیں عام لوگوں کی شکا یات حل کر نے میں محتسب کے اداروں کا اہم کردار ہے۔اعجاز احمد قر یشی مخصوص نشستیں نظرثانی کیس: کیا جج آئین سے باہر جا کر فیصلہ دے سکتے ہیں اور آئین ری رائٹ کرسکتے ہیں؟ جسٹس محمد علی... عمران خان نے کہا اسٹیبلشمنٹ سے بات چیت کیلئے دروازے کھلے ہیں: سینیٹر علی ظفر
Copyright © 2025, All Rights Reserved
رابطہ کریں ہمارے بارے ہماری ٹیم
ذریعہ
ذریعہ: Daily Sub News
کلیدی لفظ: اہلکار شہید
پڑھیں:
سپریم کورٹ؛ اے این ایف اہلکار کے چرس پینے سے متعلق جواب پر جج کے دلچسپ ریمارکس پر قہقہے
اسلام آباد:سپریم کورٹ نے منشیات برآمدگی کیس میں پانچ لاکھ روپے کے مچلکوں کے عوض لاہور کی رہائشی نازیہ مختار خواجہ کی ضمانت منظور کر لی۔
دوران سماعت، ملزمہ کے وکیل نے اے این ایف ریڈ کی سی سی ٹی وی فوٹیج چلا دی جس پر عدالت نے ملزمہ کے گھر کی سی سی ٹی وی فوٹیج کا فرانزک کروانے کا حکم دے دیا۔
جسٹس ہاشم کاکڑ کی سربراہی میں تین رکنی بینچ نے سماعت کی۔
وکیل احسن بھون نے دلائل دیے کہ واضح دیکھا جاسکتا ہے کہ اے این ایف کا اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
دوران سماعت، اے این ایف اہلکار نے فوٹیج میں موجودگی کی تردید کر دی۔
جسٹس اشتیاق ابراہیم نے ریمارکس دیے کہ اے این ایف کے اسلحہ بردار اہلکار تشدد کرتے نظر آرہے ہیں، جس پر وکیل اے این ایف نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے ریمارکس دیے کہ اے این ایف کے 10 اہلکار تھے مگر دو لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
وکیل ملزمہ احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے ریماریس دیے کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرہ عدالت میں جھوٹ نہ بولیں۔
جسٹس ہاشم کاکڑ نے ریمارکس دیے کہ اے این ایف کیا کر رہا ہے ملزمان تحویل میں ہوتے ہوئے مار دیے جاتے ہیں، ایک کیس میں ملزم کی ہتھکڑیوں کے ساتھ تصویر تھی جو اگلے روز مار دیا گیا۔
دوران سماعت، جسٹس ہاشم کاکڑ نے اے این ایف اہلکار سے مکالمہ کرتے ہوئے کہا کہ جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف اہلکار سے استفسار کیا کہ آپ نے کبھی چرس پی ہے؟ اے این ایف اہلکار نے جواب دیا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے۔ جسٹس ہاشم کاکڑ کے ریمارکس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ