پہلگام حملہ مقبوضہ کشمیر میں سیاحت کے لیے بڑا دھچکا ہے، میر واعظ
اشاعت کی تاریخ: 30th, May 2025 GMT
حریت رہنما کا کہنا ہے کہ ہمارے نوجوانوں میں ہنر اور صلاحیت موجود ہے۔ انہیں سیاحت، باغبانی، دستکاری اور کاروبار جیسے شعبوں میں محنت اور دیانتداری کے ساتھ قدم رکھنا چاہیے۔ اسلام ٹائمز۔ کل جماعتی حریت کانفرنس کے سینئر رہنما میر واعظ عمر فاروق نے کہا ہے کہ پہلگام حملہ بھارت کے غیر قانونی طور پر زیر قبضہ جموں و کشمیر میں سیاحت کے لیے ایک دھچکا ہے۔ ذرائع کے مطابق میر واعظ عمر فاروق نے سرینگر میں صحافیوں سے گفتگو کرتے ہوئے کہا کہ پہلگام فالس فلیگ آپریشن واقعی ایک دھچکا ہے لیکن ہمیں بحیثیت قوم ان چیلنجز کا مقابلہ کرنے کے لیے متحد ہونا ہو گا۔ انہوں نے کہا کہ اس میں کوئی شک نہیں کہ پہلگام فالس فلیگ آپریشن کے بعد مقبوضہ جموں و کشمیر میں حالات خراب ہوئے ہیں۔ انہوں نے لوگوں سے کہا کہ امید ہے کہ حالات بہتر ہوں گے۔ کشمیریوں نے ماضی میں اس سے کہیں زیادہ خراب صورتحال دیکھی ہے۔ 1990ء کی دہائی میں کرفیو تھا، مہینوں تک ایک ساتھ ہڑتالیں ہوتی تھیں، اب اس تناظر میں حالات بہت بہتر ہو گئے ہیں اور لوگوں کے لیے مواقع بڑھ گئے ہیں، اس لیے لوگوں کو امید نہیں ہارنی چاہیے۔
قبل ازیں سرینگر میں ایک اجتماع سے خطاب کرتے ہوئے میر واعظ عمر فاروق نے کشمیری نوجوانوں پر زور دیا کہ وہ خود انحصاری، تعلیم اور ثقافتی تحفظ کی اہمیت پر زور دیتے ہوئے بااختیار بننے اور سماجی ترقی کے راستے کے طور پر انٹرپرینیورشپ کو اپنائیں۔ انہوں نے کہا کہ ہمارے نوجوانوں میں ہنر اور صلاحیت موجود ہے۔ انہیں سیاحت، باغبانی، دستکاری اور کاروبار جیسے شعبوں میں محنت اور دیانتداری کے ساتھ قدم رکھنا چاہیے۔ جدید ترقی اور اسلامی اقدار کے درمیان توازن قائم کرنے پر زور دیتے ہوئے میرواعظ نے زور دیا کہ معاشی یا سماجی ترقی کی طرف کوئی بھی قدم اخلاقی اصولوں پر مبنی ہونا چاہیے۔ ہمارا مذہب ہمیں جائز حدود کے اندر کام کرنے کی رہنمائی کرتا ہے۔ ہماری اخلاقی اور ثقافتی شناخت پر سمجھوتہ کیے بغیر ترقی ہونی چاہیے۔
ذریعہ: Islam Times
کلیدی لفظ: میر واعظ کے لیے کہا کہ
پڑھیں:
بنوں: ایف سی نے چیک پوسٹ پر دہشتگردوں کا حملہ ناکام بنادیا، 6 اہلکار زخمی
بنوں(نیوز ڈیسک) خیبر پختونخوا کے ضلع بنوں کے تختی خیل علاقے میں فرنٹیئر کانسٹیبلری (ایف سی) نے چیک پوسٹ پر دہشت گرددوں کا حملہ ناکام بناتے ہوئے انہیں فرار ہونے پر مجبور کردیا، حملے میں ایف سی کے 6 اہلکار زخمی ہو گئے۔
بنوں پولیس کے ترجمان عامر خان نے ڈان ڈاٹ کام کو بتایا کہ دہشت گردوں نے تختی خیل کے سرحدی علاقے میں ایف سی کی چیک پوسٹ پر حملہ کیا۔
انہوں نے کہا کہ اس حملے میں ایف سی کے 6 اہلکار زخمی ہوئے تاہم ایف سی اہلکاروں کے بروقت اور مؤثر جوابی حملے کے باعث دہشت گرد فرار ہو گئے۔
عامر خان کے مطابق زخمی اہلکاروں کو طبی امداد کے لیے بنوں میں قائم ملٹری کمبائنڈ ہسپتال منتقل کر دیا گیا ہے۔
انہوں نے بتایا کہ پولیس کی ٹیمیں جائے وقوعہ پر روانہ کر دی گئی ہیں اور دہشت گردوں کی تلاش کے لیے سرچ آپریشن شروع کر دیا گیا ہے۔
Post Views: 4
بورے والا: اغواء کاروں کی کار نہر میں گرنے سے 2 مغوی بازیاب